ஆப்ரிக்க பெண்ணின் வயிற்றில் இருந்து போதை மருந்து

மீனு · மீனு Sat Sep 12, 2009 11:41 am

ஆப்ரிக்க பெண்ணின் வயிற்றில் இருந்து போதை மருந்து கேப்சூலை மீட்க 10 நாட்களாக தவிக்கும் அதிகாரிகள்

சனிக்கிழமை, 12 செப்ரெம்பர் 2009

போதை மருந்து கேப்சூல்களை முழுங்கி இந்தியாவுக்கு கடத்தி வந்த தென் ஆப்ரிக்க பெண்ணை மும்பையில் சுங்க அதிகாரிகள் மடக்கி பிடித்தனர். ஆனால், அவரது வயிற்றில் இருந்த 58 கேப்சூல்களில் ஒன்று மட்டும் இன்னமும் வெளியே வராததால் சுங்க அதிகாரிகள் தவிக்கின்றனர்.

தென் ஆப்ரிக்காவைச் சேர்ந்தவர் பும்லா கரோலின் (33). பிரேசிலில் உள்ள சாவ்போலோ நகரில் இருந்து துபாய் வழியாக வந்த விமானத்தில் கடந்த 1ம் தேதி மும்பை வந்தார். கரோலினின் நடவடிக்கைகள் வித்தியாசமாக இருந்ததால் அவரிடம் சுங்க அதிகாரிகள் தீவிர விசாரணை நடத்தினர். அப்போது, கரோலின் தன் வயிற்றில் கேப்சூல்களில் அடைக்கப்பட்ட கொகைன் போதை பொருளை கடத்தி வந்தது தெரிந்தது. இதையடுத்து, அவரது வயிற்றை ஸ்கேன் எடுத்து பார்த்தபோது மொத்தம் 58 கேப்சூல்கள் இருப்பது தெரியவந்தது.

உணவு சாப்பிட்டால் போதும், கழிவறைக்கு செல்லும் போது வயிற்றில் இருக்கும் கேப்சூல்களும் வெளியே வந்து விடும். இதனால், கரோலினை தனி அறையில் அடைத்து வைத்து வயிறு முட்ட சாப்பிடச் செய்தால் எளிதாக கேப்சூல்களை மீட்டு விடலாம் என்று சுங்க அதிகாரிகள் திட்டமிட்டனர். ஆனால், 2 நாட்களாக எதுவும் சாப்பிடாமல் அடம்பிடித்தார் கரோலின். பின்னர் ஒருவழியாக அவர் சாப்பிடத் தொடங்கினார்.
அவர் பிடிப்பட்ட 51 மணி நேரத்துக்கு பிறகுதான் முதல் கேப்சூலை அதிகாரிகள் மீட்டனர். பின்னர், மேலும் 56 கேப்சூல்கள் மீட்கப்பட்டன. ஒரே ஒரு கேப்சூல் மட்டும் அவரது வயிற்றில் இருந்து வெளியே வரவில்லை. இதனால், கரோலினுக்கு 3 வேளையும் விதவிதமாக சாப்பாடு பரிமாறப்படுகிறது. ஆனாலும், அந்த போதை மருந்து கேப்சூல் மட்டுமே இன்னமும் வெளியே வரவில்லை.

எல்லா கேப்சூல்களும் கிடைத்தபிறகுதான் அதில் இருக்கும் போதை பொருளை பரிசோதனைக்கு அனுப்ப முடியும். அந்த முடிவு வந்ததால்தான் முறைப்படி கரோலினை கைது செய்யலாம் என்பதால் அந்த ஒரு கேப்சூல் எப்போது வெளியே வரும் என்று சுங்கத்துறை அதிகாரிகள் 10 நாட்களாக தவிப்புடன் காத்து இருக்கின்றனர்.

**ராஜா** · **ராஜா** Sat Sep 12, 2009 11:46 am

ஆப்ரிக்க பெண்ணின் வயிற்றில் இருந்து போதை மருந்து 56667

மீனு · மீனு Sat Sep 12, 2009 11:49 am

ராஜா அண்ணா என்ன அண்ணா ..காலையிலேயே இப்படி அடிச்சுக்கிறீங்க..

கரோலினுக்கு வித விதமான சாப்பாடு கிடைப்பதலா ? ஆப்ரிக்க பெண்ணின் வயிற்றில் இருந்து போதை மருந்து 838572

ஈழமகன் · ஈழமகன் Sat Sep 12, 2009 11:55 am

சூப்பர் கண்ணா.... கடைசிவரை அவளிடமிருந்து மீதி வராமல் இருந்தால் நல்லது

மீனு · மீனு Sat Sep 12, 2009 11:58 am

ஈழமகன் wrote:சூப்பர் கண்ணா.... கடைசிவரை அவளிடமிருந்து மீதி வராமல் இருந்தால் நல்லது

எதனால் இப்படி சொல்றீர்கள்..அந்த அபிரிக்க லேடி க்கும் உங்களுக்கும் இந்த கடத்தலில் ஏதாவது தொடர்பு இருக்கா..உங்களையும் போலீஸ் தேடுகிறதா என்ன ?
நீங்க புலியா ? இல்லை சிங்கமா ?

சதீஷ்குமார் · சதீஷ்குமார் Sat Sep 12, 2009 12:04 pm

அடப்பாவிகளா அய்யன் படத்துல வராமாதிரி இருக்கே....
யார் கிட்டேருந்து யார் கத்துகிட்டாங்கள் ???? ஆப்ரிக்க பெண்ணின் வயிற்றில் இருந்து போதை மருந்து 56667

ஈழமகன் · ஈழமகன் Sat Sep 12, 2009 12:09 pm

meenuga wrote:
ஈழமகன் wrote:சூப்பர் கண்ணா.... கடைசிவரை அவளிடமிருந்து மீதி வராமல் இருந்தால் நல்லது

எதனால் இப்படி சொல்றீர்கள்..அந்த அபிரிக்க லேடி க்கும் உங்களுக்கும் இந்த கடத்தலில் ஏதாவது தொடர்பு இருக்கா..உங்களையும் போலீஸ் தேடுகிறதா என்ன ?
நீங்க புலியா ? இல்லை சிங்கமா ?

இல்ல மீனு அந்த பெண்ணை சிறையில போட போறது நிச்சயம், நிச்சயமாக அந்த பெண் கூலிக்காக‌ மாரடிக்கும் கூட்டம் தான் இதன் தலைவன்மார் எல்லாம் சுகமாக தான் இருக்கிறார்கள். சரி அந்த பெண் சிறைக்கு போக முதல் நல்ல சாப்பாடு சாப்பிடட்டுமே.....

அடி பாவிமவளே! என்னை வம்பில மாட்டிவிடுவீங்க போல இருக்கே... அம்மா... தாயே என்ன என்டாலும் கோவமுன்னா 4 அடி கொடுங்க தாங்கிக்கிறம்....

அது புலி மகளே!

மீனு · மீனு Sat Sep 12, 2009 12:14 pm

உங்க பரந்த மனசு தெரயுது..எஸ் எஸ் பாவம் தான் அந்த லேடி சாப்பிட்டு விட்டு போகட்டுமே..நம்ம பணமா என்ன ?

அப்போ சிங்கம் மாதிரி இருக்கும் புலியோ ? இருக்கலாம் இருக்கலாம் ..இப்பொது எதையும் பார்த்து நாம எடை போடா கூடாது..அதுதான் கேட்டு தெளிவு படுத்தி கிட்டேன் ஈழமகன் அவர்களே..சாரி ஷைலு அவர்களே..

ஈழமகன் · ஈழமகன் Sat Sep 12, 2009 12:38 pm

meenuga wrote:உங்க பரந்த மனசு தெரயுது..எஸ் எஸ் பாவம் தான் அந்த லேடி சாப்பிட்டு விட்டு போகட்டுமே..நம்ம பணமா என்ன ?

அப்போ சிங்கம் மாதிரி இருக்கும் புலியோ ? இருக்கலாம் இருக்கலாம் ..இப்பொது எதையும் பார்த்து நாம எடை போடா கூடாது..அதுதான் கேட்டு தெளிவு படுத்தி கிட்டேன் ஈழமகன் அவர்களே..சாரி ஷைலு அவர்களே..

ஆமாங்க நாம கண்ணால் பாத்து எட போட் முடியாது விசாரிக்கிறாது நல்லது குட் கேள்.

மீனு · மீனு Sat Sep 12, 2009 12:41 pm

என்ன இருந்தாலும் எனக்கு இது புலி என்கிற நினைப்பே வரல.. இந்த ஆணும் இல்லாம பெண்ணும் இல்லாம இருப்பது போல தான் இந்த ...புலியா சிங்கமா..? சரி சரி எதுவா இருந்தா என்ன ?..ஷைலு..பட் ஒரு சந்தேகம்..இது ஆணா இல்லை பெண்ணா ..? நான் சிங்கத்தை கேட்டேன்..சாரி புலியை கேட்டேன்..

Sponsored content · Sponsored content

ஆப்ரிக்க பெண்ணின் வயிற்றில் இருந்து போதை மருந்து

ஆப்ரிக்க பெண்ணின் வயிற்றில் இருந்து போதை மருந்து

Re: ஆப்ரிக்க பெண்ணின் வயிற்றில் இருந்து போதை மருந்து

Re: ஆப்ரிக்க பெண்ணின் வயிற்றில் இருந்து போதை மருந்து

Re: ஆப்ரிக்க பெண்ணின் வயிற்றில் இருந்து போதை மருந்து

Re: ஆப்ரிக்க பெண்ணின் வயிற்றில் இருந்து போதை மருந்து

Re: ஆப்ரிக்க பெண்ணின் வயிற்றில் இருந்து போதை மருந்து

Re: ஆப்ரிக்க பெண்ணின் வயிற்றில் இருந்து போதை மருந்து

Re: ஆப்ரிக்க பெண்ணின் வயிற்றில் இருந்து போதை மருந்து

Re: ஆப்ரிக்க பெண்ணின் வயிற்றில் இருந்து போதை மருந்து

Re: ஆப்ரிக்க பெண்ணின் வயிற்றில் இருந்து போதை மருந்து

Re: ஆப்ரிக்க பெண்ணின் வயிற்றில் இருந்து போதை மருந்து

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக