போலி சி.பி.சி.ஐ.டி., போலீஸ் கைது

காரைக்குடி : சி.பி.சி.ஐ.டி., இன்ஸ்பெக்டர் எனக்கூறி, காரைக்குடி இன்ஸ்பெக்டர் முத்துக்குமாரை மிரட்டிய வாலிபர் உட்பட மூவரை போலீசார் கைது செய்தனர். புதுக்கோட்டை மாவட்டம் ஊனையூரை சேர்ந்த மன்னர்மன்னன் மனைவி ஜெயந்தி (40). இவரது மாமியார் காணிக்கை (60), காரைக்குடி வள்ளுவர் நகரில் வசித்து வந்தார். கடந்த மாதம் 31ம் தேதி இவர் இறந்தார். இறுதி சடங்கின்போது, ஜெயந்தியிடம்,செல்லம் (56), அவரது மகன் ராஜேஷ் (40), உறவினர் ரங்கசாமி ஆகியோர் தகராறு செய்துள்ளனர். உறவினர்கள் சமாதானப்படுத்தினர். பின், மாமியார் உடல் அடக்கம் செய்யப்பட்டது. நேற்று முன்தினம் ராஜேஷ், ஜெயந்திக்கு மொபைலில் கொலை மிரட்டல் விடுத்துள்ளார். இதுகுறித்து ஜெயந்தி காரைக்குடி வடக்கு போலீசில் புகார் கொடுத்தார். இன்ஸ்பெக்டர்கள் பால்பாண்டி, முத்துக்குமார், எஸ்.ஐ., ராமர் ஆகியோர் ராஜேஷ், அவரது தந்தை செல்லம், உறவினர் ரங்கசாமியை கைது செய்தனர்.

கைதான ராஜேஷ், பார்ப்பதற்கு போலீஸ் போல் உருவ அமைப்பு இருந்ததால் சில போலீசாரிடம் நான்"" சி.பி.சி.ஐ.டி., போலீஸ் என கூறி'' பல முறை போலீசாரின் பிடியில் இருந்து தப்பித்தது தெரியவந்தது. இந்நிலையில் சில நாட்களுக்கு முன் குற்றப்பிரிவு இன்ஸ்பெக்டர் முத்துக்குமார் இரவு ரோந்து சென்றபோது, குடிபோதையில் இருந்த ராஜேஷ், நானும் "டிபார்ட்மென்ட்' ஆளுதான் என கம்பீரமாக சொல்ல, இன்ஸ்பெக்டரும் நமக்கு ஏன் வம்பு என திரும்பி விட்டார். பெண்ணை மிரட்டிய வழக்கில் நேற்று சிக்கிய ராஜேஷ், போலீசார் தன்னை அடையாளம் கண்டுபிடிக்காமல் இருக்க "விக்' மாட்டியிருந்தார். போலீசார் "கவனிப்பில்' அவரது "விக்' கீழே விழுந்ததும், அவர் சி.பி.சி.ஐ.டி., போலீஸ் என கூறி ஏமாற்றியது தெரிய வந்தது.

தினமலர்

என்ன கொடுமை சார் !!