ஒரு நாயின் விலை 1 கோடி ??!!

Nanban · Nanban Wed 15 Jun 2011 - 0:50

பாதுகாப்பு பயிற்சி பெற்ற நாயை வாங்கும் பணக்காரர்கள் எண்ணிக்கை,
அமெரிக்காவில் அதிகரித்துள்ளது. சமீபத்தில் வாங்கப்பட்ட ஒரு நாயின் விலை ஸி1 கோடி!

அமெரிக்காவின்
அரிஜோனா பகுதியை சேர்ந்தவர் ஹாரிசன் பிரதர். இவர் ஜெர்மன் ஷெப்பர்டு ரக
நாய்களை வளர்த்து, துப்பறிவது, தாக்குதல் நடத்துவது ஆகியவற்றில் சிறந்த
பயிற்சி அளித்து விற்பனை செய்கிறார். வீட்டில் செல்ல நாய் வளர்ப்பது உலகம்
முழுவதும் வழக்கமான விஷயம். ஆனால், அமெரிக்காவில் பணக்காரர்கள் தங்கள்
பாதுகாப்புக்கு, ராணுவ படையில் உள்ள நாய் போல பயிற்சி பெற்ற நாயை வாங்கி
வளர்ப்பது அதிகரித்து வருகிறது. அதில் ஜெர்மன் ஷெப்பர்டு ரக நாய்தான் 99
சதவீதம். ஏனெனில், உயர்ந்த உருவம், பார்த்தாலே மிரளும் முகம், பாய்ந்து
தாக்கும் வேகம் என மற்ற நாய்களிடம் இருந்து ஜெர்மன் ஷெப்பர்டு வேறுபட்டு
முதலிடத்தில் இருக்கிறது. செல்ல பிராணியாக மட்டுமின்றி பாதுகாப்பு
காவலனாகவும் இருக்க அதுவே சிறந்தது என்பதே பணக்காரர்கள் சாய்ஸ். அத்துடன்,
பாகிஸ்தானில் பின்லேடன் கதையை முடித்த அமெரிக்காவின் நேவி சீல்ஸ் படை
வீரர்களுடன் ஜெட் விமானத்தில் பறந்ததும் இதே ஜெர்மன் ஷெப்பர்டு ரக
நாய்தான். எனவே, அதன் கிராக்கி அதிகரித்து விட்டது.

எனவே,
ஹாரிசன் பிரதருக்கு அடிக்கிறது யோகம். அவர் பயிற்சி அளித்து விற்கும்
நாய்கள் ஸி18 லட்சம் முதல் 27 லட்சம் வரை விலை போகின்றன. அதில்
உச்சகட்டமாக, ஜூலியா என்ற 3 வயது நாயை ஸி1 கோடிக்கு ஜான் ஜான்சன் என்பவர்
சமீபத்தில் வாங்கியுள்ளார். அவர் கூறுகையில், ‘‘விலை அதிகம்தான். ஆனால்,
ஜூலியாவின் வேகம், அதன் புத்திசாலித்தனம், புரிந்து கொள்ளும் திறனுக்கு
விலை அதிகம் இருந்தாலும் பரவாயில்லை. குழந்தைகளிடம் அன்பாகவும்,
எதிரிகளிடம் சீறும் அம்பாகவும் இருக்கிறாள். கடித்தால் ஜல்லிக்கட்டு காளை
ஏற்படுத்தும் காயம் கேரன்டி’’ என்றார்.