இன்று சர்வதேச சர்க்கரை நோய் தினம்

by **சிவா** Fri Nov 14, 2008 3:39 am

உலகம் முழுவதும் சர்க்கரை நோய் விழிப்புணர்வு தினம் இன்று கடைபிடிக்கப் படுகிறது. குழந்தைகள் மற்றும் இளம் வயதினரிடையே உருவாகும் சர்க்கரை நோய் தொடர்பான விழிப்புணர்வை ஏற்படுத்த சர்வதேச சர்க்கரை நோய் கூட்டமைப்பு இத்தினத்தை உருவாக்கியது. பள்ளியில் சேரும் முன்னரே சர்க்கரை நோயுடன் உள்ள குழந்தைகளும் அதிகரித்து வருகிறார்கள். ஒவ்வொரு ஆண்டும் உலகம் முழுவதும் 15 வயதுக்குட்பட்ட குழந்தைகளில் 70 ஆயிரம் பேர் சர்க்கரை நோய்க்கு ஆளாகிறார்கள். தினமும் 200 குழந்தைகளை சர்க்கரை நோய் தாக்குகிறது. எனினும் இந்நோயினால் குழந்தைகளுக்கு மரணம் ஏற்படுவதில்லை. தேவையான மருத்துவ உதவி இந் நோயினால் பாதிக்கப்பட்ட குழந்தைகளுக்கு கிடைக்காததே மரணத்துக்கு காரணம். இனிசர்க்கரை நோய்க்கு எந்தகுழந்தையும் பலியாகக் கூடாது என்பதே இந்த ஆண்டு இந்நோய் குறித்த விழிப்புணர்வு கடைபிடிப்பதன் நோக்கம்.

உலகம் முழுவதும் 24 கோடி பேர் இந்நோயால் பாதிக்கப் பட்டுள்ளனர். கடந்த ஆண்டு மட்டும் இந்நோய்க்கு 38 லட்சம் பேர் மரணமடைந்துள்ளனர். இந்தியாவில் மட்டும் நான்கு கோடியே 10 லட்சத்துக்கும் அதிகமானோர் இந்நோயினால் பாதிக்கப்பட்டுள்ளனர். இதுதான் உலகிலேயே அதிகம். உலகில் உள்ள 8 சதவீத சர்க்கரை நோயாளிகள் இந்தியாவில் வசிக்கின்றனர். நீரிழிவு நோய் தாக்குதல் பற்றி நடத்திய ஆய்வில் 17 சதவீத குழந்தைகள் பருமனாக இருப்பது தெரிய வந்தது. இதற்கு காரணம் "டிவி'யும், வீடியோ கேம்சும். 42 சதவீத குழந்தைகள் நாள் ஒன்றுக்கும் ஒரு மணி நேரத்துக்கும் அதிகமாக "டிவி'யில் செலவழிக்கின்றனர்.

இந்திய சர்க்கரை நோய் கூட்டமைப்பை சேர்ந்த டாக்டர் ஆர்.பி.பாடக் தினமலர் இதழுக்கு அளித்த பேட்டி: இந்தியாவில் சர்க்கரை நோயாளிகளின் எண்ணிக்கை அதிகரித்து வருகிறது. தற்போது இந்த நோய் இல்லாதவர்கள் கூட இது பற்றி அறிந்து கொள்ள வேண்டும். அப்போதுதான் தற்போதுள்ள தலைமுறையை இந்நோயிலிருந்து காப்பாற்ற முடியும். முதலில் நாம் உடல் பருமனாகி வருவதை தடுக்க வேண்டும். நீங்கள் சாப்பிடுவதை உங்கள் கட்டுப்பாட்டுக்குள் வைத்துக் கொள்ள வேண்டும். எல்லாவற்றையும் சாப்பிட்டால் நமக்கு எல்லா வகையான நோய்களும் வரும். நீங்கள் எப்படி சாப்பிடுகிறீர்களோ அப்படித்தான் உங்கள் உடல்நிலை. கொழுப்பு குறைவாக உள்ள உணவுப் பொருட்களையே சாப்பிட வேண்டும். வறுத்த, பொரித்த உணவுகளை தவிர்க்க வேண்டும். இது இதய நோய் வருவதையும் தவிர்க்கும். இந்தியாவில் பாரம்பரியமாக சமைக்கப்படும் உணவை சாப்பிடுங்கள். ஒரு குறிப்பிட்ட நேரத்திலேயே சாப்பிடுங்கள். ஒவ்வொரு வேளையும் எவ்வளவு சாப்பிட வேண்டும் என்பதையும் நீங்கள் கணக்கு வைத்துக் கொள்ளுங்கள். உங்கள் அடிவயிற்றில் சேரும் கொழுப்புதான் உங்களை சர்க்கரை நோய்க்கு ஆளாக்கும். இதை தவிர்க்க வேண்டும். இவ்வாறு அவர் தெரிவித்தார்.

by TamilRakshi Thu May 14, 2009 3:49 pm

http://www.intarchmed.com/content/1/1/7

நண்பர்களே வணக்கம்

இன்றைய உலகில் சர்க்கரை நோயால் பாதிக்கப்பட்டு அவதியுருபவர்களின் எண்ணிக்கை நாளுக்கு நாள் பெரிகிகொண்டே இருக்கிறது

இதனை எவ்வாறு தடுப்பது

எவ்வாறு கொழுப்பானே அல்லது அதிக உடல்
எடை இன் நோயை கொண்டு வருகிறது என்பதையும் மற்றும் எவ்வாறு மன உளைச்சல்
இன் நோய்க்கு வழிகோலுகிறது என்பதயும் தெளிவாக புரிந்து கொள்ள கீழ
கொடுக்கப்பட்டுள்ள லிங்கில் கொடுக்கப்பட்டுள்ள ஆராய்ச்சி கட்டுரையை
படிக்கவும்

http://www.intarchmed.com/content/1/1/7

உங்களால் இன் நோயிலிருந்து தடுக்க கட்டாயம் உதவும்

சிவா

இன்று சர்வதேச சர்க்கரை நோய் தினம்

இன்று சர்வதேச சர்க்கரை நோய் தினம்

Re: இன்று சர்வதேச சர்க்கரை நோய் தினம்