பிரம்மபுத்ரா குறுக்கே சீனா அணை : பாதிப்பு வராது என்கிறார் கிருஷ்ணா

jeylakesengg · jeylakesengg Wed Jun 15, 2011 9:30 am

புதுடில்லி : ""பிரம்மபுத்ரா நதியின் குறுக்கே சீனா அணை கட்டியிருப்பதால், இந்தியாவுக்கு உடனடியாக எந்த பாதிப்பும் ஏற்படாது,'' என, வெளியுறவுத் துறை அமைச்சர் கிருஷ்ணா தெரிவித்துள்ளார். இமயமலையில் உற்பத்தியாகும் பிரம்மபுத்ரா நதி, சீனா வழியாக இந்தியாவுக்குள் பாய்கிறது. இந்த நதியின் குறுக்கே சீனா அணை கட்டி நீரை மடை மாற்றம் செய்வதால், இந்தியாவுக்குள் வரும் பிரம்மபுத்ரா நதி நீரின் அளவு குறைந்துள்ளது.

இது குறித்து மத்திய வெளியுறவுத்துறை அமைச்சர் எஸ்.எம்.கிருஷ்ணா குறிப்பிடுகையில், "திபெத்தில் உள்ள சாங்மு என்ற இடத்தில், பிரம்மபுத்ரா நதியின் குறுக்கே, நீர்மின் திட்டத்துக்காக சீனா அணை கட்டியுள்ளது. சீன அரசின் இந்த நடவடிக்கையால், நம் பகுதிக்கு வரும் தண்ணீர் அளவில், உடனடியாக எந்த பாதிப்பும் ஏற்படாது. பிரம்மபுத்ரா நதியின் பெரும்பாலான நீர்பிடிப்பு பகுதிகள், இந்தியாவில் அருணாச்சல பிரதேசம் மற்றும் அசாமில் உள்ளது. எனவே, இந்த விஷயம் முக்கியமானதாகும். பிரம்மபுத்ரா நதி நீரை சீனாவின் வடக்கு பகுதிக்கு மடை மாற்றம் செய்வது அந்நாட்டின் நீண்ட நாள் திட்டம். எனவே, இது புதிய தகவல் அல்ல. இருப்பினும் இந்த விஷயம் குறித்து அந்நாட்டிடம் தூதரக மட்டத்தில் விவாதிக்கப்படும். பிரம்மபுத்ரா நதி விவகாரத்தால் கார்கில் போன்ற சம்பவம் ஏதும் ஏற்பட்டு விடாது. ஏனென்றால், நம் எல்லைபுறம் மிகுந்த கண்காணிப்பில் உள்ளது. ராணுவ மட்டுமல்ல, மற்ற ஏஜன்சிகளும் எல்லைபுறத்தை கண்காணிக்கின்றன' என்றார். கசகஸ்தானில் நடக்கும் ஷாங்காய் கூட்டுறவு அமைப்பு மாநாட்டில் பங்கேற்க கிருஷ்ணா சென்றுள்ளார். அங்கு சீனாவிடம் இது குறித்து விவாதிக்கப்படுமா என்பதற்கு அவர் பதில் ஏதும் கூறவில்லை.

:வணக்கம்:

தினமலர்

realvampire · realvampire Wed Jun 15, 2011 9:38 am

""பிரம்மபுத்ரா நதியின் குறுக்கே சீனா அணை கட்டியிருப்பதால், இந்தியாவுக்கு உடனடியாக எந்த பாதிப்பும் ஏற்படாது,''

அப்ப அடுத்த மாதம் வருமா?
(வெளியுறவுத் துறை அமைச்சர்) கிருஷ்ணா சார்...

முரளிராஜா · முரளிராஜா Wed Jun 15, 2011 9:41 am

realvampire wrote:""பிரம்மபுத்ரா நதியின் குறுக்கே சீனா அணை கட்டியிருப்பதால், இந்தியாவுக்கு உடனடியாக எந்த பாதிப்பும் ஏற்படாது,''

அப்ப அடுத்த மாதம் வருமா?
(வெளியுறவுத் துறை அமைச்சர்) கிருஷ்ணா சார்...

jeylakesengg · jeylakesengg Wed Jun 15, 2011 9:49 am

இல்ல பிரச்சனை வந்ததா என்ன பனீரா போறீங்க ????????

இந்த வெட்டி பேச்சுக்கு ஒனும் குறைச்சல் இல்லை

கர்நாடகதூளா இருந்தே இவங்களுக்கு தண்ணி வங்கி குடுக்க முடியல

சைனா கிட்ட சண்டை போடு வங்க போரங்களா ???????????????????

என்ன கொடுமை சார் இது

மகா பிரபு · மகா பிரபு Wed Jun 15, 2011 10:16 am

கிருஷ்ணா கர்நாடக முன்னாள் முதல்வர் தானே!
அதனால் தான் அப்படி சொல்கிறார்.

**சிவா** · **சிவா** Wed Jun 15, 2011 10:22 am

பிரமபுத்ராவில் ஏற்படும் வெள்ளம் கௌகாத்தியையே மூழ்கடித்து லோக்ரா என்னும் பகுதிவரை பல கீமீ தூரம் வெள்ளம் சூழ்ந்துவிடுகிறது! இனிமேல் அந்தப் பகுதி மக்கள் நிம்மதிப் பெருமூச்சுவிடுவார்கள்.