சத்தமில்லாமல் ஒரு வன்முறை- மனதுக்குள் கண்ணீர் சிந்தும் மூத்தோர்கள்

முதுமை என்பதும் மற்றுமொரு குழந்தைப் பருவம்தான் என்பதை இன்றைய இளைய தலைமுறையினர் பலரும் புரிந்து கொள்வதில்லை. இதன் காரணமாகவே இன்றைக்கு வீட்டில் இருக்கும் மூத்தவர்களை உதாசீனப்படுத்துவது அதிகரித்து வருகிறது.

சத்தமில்லாத வன்முறை

இந்தியாவில் மட்டும் 60 வயதிற்கு மேற்பட்ட மூத்த குடிமக்கள் 9 கோடி பேர் வசித்து வருகின்றனர். இவர்களின் பலரும் மகன் மற்றும் மருமகள்களால் சத்தமில்லாமல் வன்முறைக்கு ஆளாக்கப்படுவது கண்டறியப்பட்டுள்ளது.

ஹெல்ப் ஏஜ் இந்தியா என்ற நிறுவனம் சார்பில் எடுக்கப்பட்ட ஆய்வில் கடந்த மூன்று ஆண்டுகளில் மட்டும் மூத்த குடிமக்கள் மீது நிகழ்த்தப்படும் குற்றங்கள் 41 சதவிகிதம் அதிகரித்துள்ளது தெரியவந்துள்ளது.

உதாசீனத்தால் பாதிப்பு

இந்த வன்முறை சம்பவங்கள் மூத்த குடிமக்களை பெரிதும் பாதித்துள்ளதும் கண்டறியப்பட்டுள்ளது. இளைய தலைமுறையினர் செய்யும் உதாசீனம் அவர்களின் உணர்வுகளை மிகவும் புண்படுத்துவதும் தெரியவந்துள்ளது. நமக்கும் முதுமை வரும் என்பதை இன்றைய தலைமுறையினர் உணர்ந்து கொண்டு வயதானவர்களின் மீதான வன்முறைப் போக்கினை கைவிட வேண்டும்.

முன்பெல்லாம் மாமியார் கொடுமைதான் அதிகம் பேசப்படும். ஆனால் இன்றோ மருமகள்களால் அவதிப்படும், அல்லலுறும், சித்திரவதைக்குள்ளாகும் மாமியார்களின் எண்ணிக்கை அதிகமாக உள்ளதாம்.

வீட்டில் நிலவும் இப்படிப்பட்ட நிம்மதியில்லாத நிலைமை, அல்லலிருந்து தப்பிக்க விரும்புவது ஆகியவை காரணமாக உறவுகள் எல்லாம் இருந்தும் கூட முதியோர் காப்பகங்களை நாடி வரும் மூத்த குடிமக்களின் எண்ணிக்கை நாளுக்கு நாள் அதிகரித்தபடி உள்ளது. பல வீடுகளில், பிள்ளைகளே, தங்களது பெற்றோர்களை காப்பகஙக்ளுக்கு அனுப்பி வைத்து விடும் அவலங்களும் கண் கூடாகி வருகிறது.

வயது முதிர்ந்தவர்களுக்காக உதவி புரிவதற்காகவே ஹெல்ப் ஏஜ் இந்தியா என்ற நிறுவனம் கடந்த 30 ஆண்டுகளாக சேவை புரிந்து வருகிறது என்பது குறிப்பிடத்தக்கது.
நன்றி தட்ஸ் தமிழ்

ஏம்பா, வீட்டிலிருக்கும் முதியவர்கள், வீட்டிற்கு வந்திருக்கும் மருமகளுக்கும், மகனுக்கும் அரங்கேற்றும் கொடுமையை எங்கு போய் முறையிடுவது.

இந்தக் கட்டுரை ஒருதலைப் பட்சமானது!

சிவா wrote:ஏம்பா, வீட்டிலிருக்கும் முதியவர்கள், வீட்டிற்கு வந்திருக்கும் மருமகளுக்கும், மகனுக்கும் அரங்கேற்றும் கொடுமையை எங்கு போய் முறையிடுவது.

இந்தக் கட்டுரை ஒருதலைப் பட்சமானது!

இதில் ஏதோ உள்குத்து இருப்பது போல் தெரியுதே

அப்படி எதுவுமில்லை! பல குடும்பங்களில் மருமகளை அடித்து விரட்டும் காட்சிகளைப் பார்த்திருக்கிறேன்!

மனைவிக்கு மரியாதை அளிக்கத் தெரியாத பெற்றோரை எந்த மகன்தான் விரும்புவான்!

உண்மைதான் ஒத்துகொள்கிறேன்

நல்ல கட்டுரை... நான் கட்டுரையாளர் பக்கம்... இங்கே சில முதியோர் இல்லங்களுக்கு சென்று கண்ணீர் வடித்துள்ளேன் ...

// வீட்டிலிருக்கும் முதியவர்கள், வீட்டிற்கு வந்திருக்கும் மருமகளுக்கும், மகனுக்கும் அரங்கேற்றும் கொடுமையை எங்கு போய் முறையிடுவது. //

- இது முன்னைவிட குறைந்துள்ளதாகவே கருதுகிறேன். முதியோர்களை தனி இல்லங்களில் கொண்டு விடுபவர்கள்; துன்புறுத்துபவர்கள் அதிகம் எனவே எண்ணுகிறேன்... (என் தனிப்பட்ட கருத்து)

dsudhanandan wrote:நல்ல கட்டுரை... நான் கட்டுரையாளர் பக்கம்... இங்கே சில முதியோர் இல்லங்களுக்கு சென்று கண்ணீர் வடித்துள்ளேன் ...

// வீட்டிலிருக்கும் முதியவர்கள், வீட்டிற்கு வந்திருக்கும் மருமகளுக்கும், மகனுக்கும் அரங்கேற்றும் கொடுமையை எங்கு போய் முறையிடுவது. //

- இது முன்னைவிட குறைந்துள்ளதாகவே கருதுகிறேன். முதியோர்களை தனி இல்லங்களில் கொண்டு விடுபவர்கள்; துன்புறுத்துபவர்கள் அதிகம் எனவே எண்ணுகிறேன்... (என் தனிப்பட்ட கருத்து)

முதியோர்களை அவமதிக்கும் செயல் அறவே இல்லை எனக் கூறவில்லை! ஆனால் இந்தக் கட்டுரையப் படிப்பவர்கள், இளைஞர்களை மட்டுமே தவறானவர்கள் எனக் கருதும் வாய்ப்புள்ளது அல்லவா?

இதற்கான மூல காரணம், இவர்களின் செயல் என்பதை முதலில் புரிந்து கொள்ள வேண்டும்! இப்பொழுது உள்ள பெண்கள் நன்கு படித்து, யாரிடம் எப்படி நடந்து கொள்ள வேண்டும் எனப் பக்குவப்பட்டவர்கள்.

ிவா"

இதற்கான மூல காரணம், இவர்களின் செயல் என்பதை முதலில் புரிந்து கொள்ள வேண்டும்! [color=red]இப்பொழுது உள்ள பெண்கள் நன்கு படித்து, யாரிடம் எப்படி நடந்து கொள்ள வேண்டும் எனப் பக்குவப்பட்டவர்கள்.[/quote]
இதை முழுமையாக ஏற்று கொள்ள முடியாது சிவா

முரளிராஜா wrote:
இதை முழுமையாக ஏற்று கொள்ள முடியாது சிவா

100க்கு 75 முதியோர்கள், குடும்பத்தில் தனது அடக்கு முறையைக் கையாளுவதுதான் அவர்கள் தனிமைப் படுத்த்தப்படுவதற்கு முக்கிய காரணம்!

பல இடத்தும் ஆண், பெண் இருபாலரும் பெற்றோரை (அ) மாமனார், மாமியாரை காப்பகஙக்ளுக்கு அனுப்பி வைத்து விடுபவர்களாகவே உள்ளனர். இதில் பெரும்பாலும் (99%) படித்தவர்கள்தாம்.

நான் முதியர்களின் செயலை முற்றிலும் சரி என்பதில்லை... குறிப்பிட்ட வயதிற்கு மேல் அவர்கள் செய்யும் தவறை பொறுத்து அரவணைத்து செல்லலாம் என்பதுதான் என் கருது.. ஏனெனில் அவர்கள் ஏங்குவது அன்பிற்கு மட்டுமே...