கனிமொழிக்கு தினமும் 1000 ரூபா!

by realvampire Tue 14 Jun 2011 - 11:40

திகார், இந்தியா: முக்கிய வி.ஐ.பி.களின் தற்காலிக
குடியிருப்பாக மாறியுள்ள திகார் ஜெயிலில், சிறப்பு மெனு
அறிமுகப்படுத்தப்பட்டுள்ளது. இந்த புதிய மெனுவில் தென்னிந்திய உணவு வகைகளே
புதிதாக இணைக்கப்பட்டுள்ளன.
திகாரில் ஒவ்வொரு இலக்க ஜெயிலிலும் தனித்தனி கேன்டீன்கள் உள்ளன.
இவற்றில் டோக்கன் மூலம் உணவுகளை வாங்க முடியும். சிறைக் கைதிகளைப் பார்க்க
வரும் விசிட்டர்கள், ஒவ்வொரு தடவை வரும்போதும், கைதிகளின் கைச்செலவுக்கு என
1000 ரூபா பணத்தைக் கொடுத்துச் செல்ல முடியும்.
அந்தப் பணத்தைக் கொண்டு, உணவுக்கான டோக்கன்களை வாங்கிக் கொள்ளலாம்.
திகாரின் 1ம், 4ம், 6ம் இலக்க சிறை கேன்டீன்களிலேயே புதிய மெனுவில்
தென்னிந்திய உணவு வகைகள் அறிமுகப்படுத்தப்பட்டுள்ளன. இதற்காக
சமையல்காரர்களுக்கு சிறப்புப் பயிற்சி வழங்கப்பட்டு, அவர்களில்
கைவண்ணத்தில் உணவு தயாரிக்கப்படுவது ஆரம்பமாகிவிட்டது.
கனிமொழிக்கு தினமும் 1000 ரூபா! Idli-sambar-chutney

கனிமொழிக்கு தினமும் 1000 ரூபா! Idli-sambar-chutney

தோசை, ஊத்தப்பம், இட்லி, சாம்பார் மற்றும் தேங்காய் சட்னி ஆகியவையே புதிய மெனுவில் இடம்பெற்றுள்ளன.
திகார் ஜெயிலில் தென்னிந்திய உணவு பரிமாறப்படத் தொடங்கியது எப்போது?
முதல்தடவையாக கடந்த பிப்ரவரி மாதத்தில், 1ம் இலக்க சிறையில்தான்
பரிமாறப்பட்டது. அப்போதுதான் முன்னாள் மத்திய அமைச்சர் ஆ.ராசா, 1ம் இலக்க
சிறைக்கு தனது ஜாகையை மாற்றிக் கொண்டார்.
6ம் இலக்க ஜெயிலுக்கு தென்னிந்திய உணவு வகைகள் வந்து சேர்ந்தது,
முன்னாள் முதல்வர் கருணாநிதியின் மகள் கனிமொழி அங்கு திக்விஜயம் மேற்கொண்ட
பின்னரே.
இப்படியான நிலையில், 4ம் இலக்க ஜெயில்வாசியாக மாறியுள்ள கலைஞர்
டீ.வி.யின் மேனேஜிங் டைரக்டர் சரத் குமார் என்ன பாவம் செய்தார்? அவரது
நலனுக்காக, 4ம் இலக்க ஜெயிலிலும் மெனுவில் தென்னிந்திய உணவு வந்து
சேர்ந்தது.
திகார் ஜெயிலில் அனைத்துக் கைதிகளுக்கும் தினமும் 3 வேளை இலவச உணவு
உண்டு. இலவச உணவில், ரொட்டி, பருப்பு, சாதம், 1 கூட்டு ஆகியவை மாத்திரமே
வழங்கப்படும். அந்த உணவு பிடிக்காதவர்களுக்காகவே கேன்டீன், வேறு மெனுவுடன்
இயங்குகின்றது.
தமிழக வி.ஐ.பி.கள் திகாருக்குப் படையெடுக்குமுன், சகல கேன்டீன்களிலும்
ஒரே மெனுதான் இருந்தது. அதில், சோளா பட்டூரா, பூரி-சாப்ஜி, நாம்கீன், சமோசா
ஆகிய உணவு வகைகள் மாத்திரமே இருந்தன.
தமிழக முன்னாள் முதல்வர் கலைஞர் கருணாநிதி, “தமிழர்தம் கலாசாரம்
பரணியெல்லாம் பரவிட வழிசெய்வதே, தி.மு.க.வின் கொள்கை” என்று முன்பு
முழங்கியிருந்தார். பரணியெல்லாம் கலாசாரம் பரவ முடிந்ததோ இல்லையோ,
திகார்வரை தமிழர் உணவைக் கொண்டு சென்றிருக்கின்றனர் தி.மு.க.வின்
வி.ஐ.பி.கள்.
தற்போது 1ம், 4ம், 6ம், இலக்க ஜெயில்களில் மாத்திரம் வழங்கப்படுத்
தென்னிந்திய உணவுகள், 2ம், 3ம், 5ம், இலக்க சிறைகளுக்கும் வழங்கப்படுமா?
அது தயாநிதி மாறனில்தான் தங்கியிருக்கின்றது!
டில்லியில் நடக்கும் விடயங்களைப் பார்த்தால், தயாநிதியும் திகார் பக்கம்
விசிட் அடிக்கும் நிலை ஏற்படலாம் போலிருக்கின்றது. அப்போது அவர் 2ம், 3ம்,
அல்லது 5ம் இலக்க சிறைக்கு வரவேண்டும் என்று விரும்புகிறார்கள் அங்குள்ள
(நாக்குச் செத்துப்போன) தமிழ் கைதிகள்.

நன்றி:விறுவிறுப்பு