அம்மாவின் நடிகைத் தோழி

Guest · Guest Thu Jun 09, 2011 1:49 pm

அம்மா சொல்வாள்
அந் நடிகையின் நடிப்பைப்
பார்க்க நேரும் போதெல்லாம்

'பள்ளிக்கூடக் காலத்தில்
உயிர்த் தோழிகள் நாம்
அமர்ந்திருந்தோம் ஒரே வகுப்பில்
ஒரே பலகை வாங்கில்
அந் நாட்களிலென்றால் அவள்
இந்தளவு அழகில்லை'

பிறகு அம்மா
பார்ப்பது தனது கைகளை
உடைந்த நகங்களை
காய்கறிகள் நறுக்குகையில்
வெட்டுப்பட்ட பெருவிரலை

அத்தோடு அவள் எங்களைப் பார்ப்பாள்
எனது முகத்தை, தம்பியின் முகத்தை
கண்களைச் சிறிதாக்கிப் புன்னகைப்பாள்
அவளது வதனத்தின் சுருக்கங்களையும் சிறிதாக்கி

மூலம் - இஸுரு சாமர சோமவீர (சிங்கள மொழியில்)
தமிழில் - எம்.ரிஷான் ஷெரீப்,
இலங்கை

நன்றி
# காற்றுவெளி இலக்கிய இதழ்
# உயிர்மை
# திண்ணை

**Manik** · **Manik** Thu Jun 09, 2011 1:52 pm

ரொம்ப அருமையான கவிதையை பகிர்ந்தமைக்கு நன்றி அண்ணா
அம்மாவின் நடிகைத் தோழி 677196

jeylakesengg · jeylakesengg Thu Jun 09, 2011 2:35 pm

அப்துல்லாஹ் · அப்துல்லாஹ் Thu Jun 09, 2011 2:55 pm

அம்மா தான் அழகு
அழகு தன்னை தானே வெட்கித்துக் கொள்வதும் அம்மாவைக் காணும் போது தான்.
அம்மா தாய்மை தனை தன்னில் கொண்ட தூய்மையான அழகு
அம்மா ஈகை நிரம்பிய இதயம் கொண்ட இச்செகத்தின் அழகு
அம்மா ஒப்பு ஏதும் இல்லாத ஒற்றை அழகு
அவளின் ஒவ்வொரு அசைவும் அழகு
அம்மா இந்த வார்த்தையே அவனியில் பேரழகு...
அம்மாவைப் பற்றிய நினைவே அழகு....