டிஸ்சார்ஜ் ஆனார்: ஜூலை முதல் வாரத்தில் சென்னை திரும்பும் ரஜினி!

முரளிராஜா · முரளிராஜா Wed Jun 15, 2011 11:10 am

சிங்கப்பூர் மவுன்ட் எலிசபெத் மருத்துவமனையில் சிகிச்சைப் பெற்ற ரஜினிகாந்த், நேற்று மாலை டிஸ்சார்ஜ் ஆனதாக தகவல்கள் தெரிவிக்கின்றன.

இப்போதைக்கு மருத்துவமனையிலிருந்து டிஸ்சார்ஜ் ஆனாலும், தொடர்ச்சியான செக்கப்புகள் மற்றும் மருத்துவ ஆலோசனைகளுக்காக தொடர்ந்து சிங்கப்பூரிலேயே ஒரு நவீன அபார்ட்மெண்டில் தங்கியிருப்பார். இந்த அபார்ட்மெண்ட் மிகுந்த பாதுகாப்பு மற்றும் சகல வசதிகளும் கொண்டதாக இருக்கும்.

ஜூலை முதல்வாரம் வரை இங்கே தங்கியிருக்கும் ரஜினி, இரண்டாவது வாரம் நாடு திரும்புகிறார்.

பாதுகாப்பு மற்றும் தனிமை கருதி இந்த விஷயத்தை வெளியிடாமல் உள்ளனர் ரஜினி குடும்பத்தினர்.

இதற்கிடையே, ரஜினியை வரவேற்க இப்போதே தயாராக ஆரம்பித்துவிட்டனர் அவரது அனைத்து மாவட்ட ரசிகர்களும்.

திரையுலகம் காணாத வகையில் ஒரு மெகா வரவேற்பை விமான நிலையத்திலேயே அளிக்கலாம் என நடிகர் நடிகைகள் மற்றும் தயாரிப்பாளர்கள் உள்ளிட்ட திரையுலகினரும் முடிவு செய்துள்ளனர்.
நன்றி தட்ஸ் தமிழ்

kitcha · kitcha Wed Jun 15, 2011 5:44 pm

சிங்கப்பூர் மவுன்ட் எலிசபெத் மருத்துவமனையில் சிகிச்சைப் பெற்று வந்த தலைவர் ரஜினி, உடல்நிலை பூரண குணமடைந்ததால் நேற்று மாலை டிஸ்சார்ஜ் செய்யப்பட்டார்.

சிங்கப்பூரில் பாதுகாப்பு நிறைந்த பகுதியில் உள்ள ஒரு அடுக்குமாடிக் குடியிருப்பில் இப்போது அவர் தங்கியுள்ளார். மருத்துவமனையிலிருந்து நடந்து வெளியில் வந்து காரில் ஏறிச் சென்றார் ரஜினி என தகவல்கள் தெரிவிக்கின்றன.

இப்போது வீட்டில் ஓய்வெடுத்து வரும் தலைவர், தனது வழக்கமான செயல்பாட்டுக்குத் திரும்பியுள்ளார். இன்று காலையில் அவர் ஒரு மணி நேரத்துக்கும் அதிகமாக மூச்சுப் பயிற்சி மற்றும் யோகாவில் ஈடுபட்டார். வழக்கமான சிற்றுண்டி உட்கொண்ட அவர், மிக நெருங்கிய நண்பர்களுக்கும், பெங்களூரில் உள்ள அண்ணன் சத்தியநாராயண ராவுக்கும் தான் நலமடைந்துவிட்டதை தொலைபேசியில் தெரிவித்தார்.

தலைவர் ரஜினி டிஸ்சார்ஜ் ஆனதை, அவரது சென்னை இல்லத்தின் நிர்வாகிகள் அதிகாரப்பூர்வமாக தெரிவித்தனர்.

மேலும், நடிகரும் அவரது மருமகனுமான தனுஷும் இந்த செய்தியை ட்விட்டரில் வெளியிட்டுள்ளார்.

“சூப்பர் ஸ்டார் டிஸ்சார்ஜ் ஆகிவிட்டார். முழு ஆரோக்கியம் பெற்றுவிட்டார். ஒருமாதம் சிங்கப்பூரில் ஓய்வு எடுக்கிறார். தேசிய விருது கொண்டாட்டங்கள் விரைவில் ஆரம்பம்,” என்று அவர் குறிப்பிட்டுள்ளார்.

உலகின் கோடிக்கணக்கான ரசிகர்கள் மற்றும் அன்பர்களின் வேண்டுதலுக்கும் பிரார்த்தனைகளுக்கும் உடனே செவிசாய்த்த இறைவனுக்கு நன்றி!

ஜூலை இரண்டாவது வாரம், ரசிகர்களுக்கு அட்வான்ஸ் தீபாவளி!!

தலைவர் நீடூழி வாழ்க!

-வினோ

என்வழி

உதயசுதா · உதயசுதா Wed Jun 15, 2011 6:35 pm

அப்பாடா ஒரு வழியா இவரு குணமாகி வர போராருப்பா.ini
இந்த ரஜினி இட்லி சாப்பிட்டார், பஜ்ஜி சாப்பிட்டார்,நின்னாரு,நடந்தாரு,
பாத்ரூம் போனாரு அப்படின்னு வரும் செய்திகள் குறையும்.