பணம் இல்லாததால் மனைவியை விற்கும் விவசாயிகள்

மும்பை, : மகாராஷ்டிராவின் பண்டல்காந்த் கிராமத்தில் வட்டிக்காரர்களிடம் பணம் கட்ட முடியாமல் தவிக்கும் விவசாயிகள், அவர்களிடம் தங்கள் மனைவியை விற்றுவிடும் பரிதாபம் நடந்து கொண்டிருக்கிறது. சில இடங்களில் வட்டிக்காரர்களே மிரட்டி விவசாயிகளின் மனைவிகளை தூக்கிச் செல்கின்றனர். மகாராஷ்டிராவின் ஜான்சி நகரில் உள்ள மாவட்ட கூடுதல் மாஜிஸ்திரேட் நீதிமன்றத்தில் ஒரு சில நாட்களுக்கு முன் ஒரு வழக்கு விசாரணை நடந்து கொண்டிருந்தது. அப்போது நீதிபதி முன் திடீரென ஒரு பெண் வந்து, தன் கணவர் ரூ.8,000க்கு தன்னை வேறு ஒருவரிடம் விற்று விட்டதாகவும், அவருடன் தனக்கு செல்ல விருப்பம் இல்லை என்றும் தன்னை காப்பாற்றுமாறும் கதறினாள்.

அவளிடம் நீதிபதி நடத்திய விசாரணையில், பண்டல்காந்த் கிராமத்தைச் சேர்ந்த விவசாயி கணேஷ்தான் அவரது கணவர் என்பது தெரிந்தது. வட்டி கட்ட பணம் இல்லாததால், கடன் வாங்கிய முதியவரிடம் மனைவியை விற்றுவிட்டது தெரிந்தது. பெண்ணை வாங்கிய அந்த முதியவர், நீதிமன்றத்தில் திருமண ஒப்பந்தத்தை பதிவு செய்வதற்காக அந்த பெண்ணுடன் வந்தபோது, அவர் தப்பி வந்து நீதிபதியிடம் முறையிட்டது தெரியவந்தது. அந்த பெண்ணை வாங்கிய முதியவருக்கும், பெண்ணின் கணவருக்கும் எச்சரிக்கை விடுத்து திருப்பி அனுப்பப்பட்டனர். இதுபோன்று மனைவியை விற்கும் பல சம்பவங்கள் பண்டல்காந்த் கிராமத்தில் நடந்து வருவது தெரியவந்துள்ளது.

சமீபத்தில் இந்த கிராமத்தில் சுகியா என்ற பெண் தனியாக இருந்துள்ளார். அப்போது, வட்டிக்காரர் ஒருவர் வந்து அவரை பாலியல் பலாத்காரம் செய்ய முயன்றுள்ளார். அவரை திட்டி வெளியே போகச் சொன்னபோது, சுகியாவின் கணவர் அவரை தன்னிடம் விற்றுவிட்டதாக அந்த வட்டிக்காரர் கூறியுள்ளார். ஆத்திரம் அடைந்த சுகியா, அந்த நபரின் மர்ம உறுப்பை துண்டித்ததுடன், சரமாரியாக வெட்டிக் கொன்றுள்ளார். இந்த கிராமத்தைச் சேர்ந்த காளிச்சரண் என்பவர் கூறும்போது, "நான் ரூ.13,000த்தை வட்டிக்கு வாங்கினேன். அதற்கு முறையாக வட்டி கட்டிவிட்டேன்.

ஆனால், வட்டிக்காரர் என்னிடம் ரூ.20,000 கேட்கிறார். அவர் என் மனைவி நகைகளையும், வீட்டில் இருந்த பாத்திரங்களையும் எல்லாம் அள்ளிச் சென்றுவிட்டார். சில நாட்களுக்கு முன் அடியாட்களுடன் வந்த அவர் என் மனைவியையும் தூக்கிச் சென்றுவிட்டார்" என்றார். இதுகுறித்து ஜான்சி மாவட்ட ஆட்சியரிடம் கேட்டபோது, "பண்டல்காந்த் கிராமத்தில் நடக்கும் சம்பவங்கள் மிகைப்படுத்தப்படுகின்றன. கடைசியாக நடந்தததாக கூறப்படும், காளிச்சரண் மனைவி கடத்தல் சம்பவம் தொடர்பாக விசாரித்ததில், அவர், தன் தங்கையின் கணவர் தேஷ்ராஜ் என்பவருடன் விரும்பியே சென்றுள்ளது தெரியவந்தது" என்றார். ஆனால், சம்பந்தப்பட்ட தேஷ்ராஜ்தான் காளிச்சரணுக்கு கடன் கொடுத்ததாக கூறப்படும் வட்டிக்காரர் என்று தெரியவந்துள்ளது.

எங்கள் சகோதரிகளைக் கதறக்கதறசீரழிந்த
சிங்களவன் மாளிகையில்
விருந்துக் கும்மாளமிட்டவர்களே...
உங்கள் வீட்டு உணவெல்லாம் நஞ்சாகட்டும்!
உங்கள் பெண்களெல்லாம்
படுக்கையைப் பக்கத்து வீட்டில் போடட்டும்!

https://eegarai.darkbb.com/-f2/--t6058.htm#54878