எகிப்தில் ஆண்கள் படும்பாடு!

First topic message reminder :



எகிப்து ஆண்கள், பெண்களுக்கும், காதலுக்கும், தாம்பத்ய வாழ்க்கைக்கும் முக்கியத்துவம் கொடுப்பதில்லை. மாறாக அவர்கள் பெரும்பாலும் கார் மற்றும் பொழுது போக்கு விஷயங்களுக்கு முக்கியத்துவம் அளிக்கின்றனர்.

இதற்கு, எகிப்தில் ஏற்பட்டுள்ள பொருளாதார நெருக்கடியும் ஒரு காரணம். ஆப்கானிஸ் தான் மற்றும் ஈராக் போன்ற நாடுகளில் தொடர்ந்து போர் நடந்து வருவதாலும், எகிப்தில் நிலையான ஆட்சி இல்லாததாலும் பொருளாதார நெருக்கடிகள் அதிகரித்து வருகின்றன. இளைஞர்களுக்கு வேலை வாய்ப்பும் இல்லை. அதனால் வருமானம் இன்றி பலர் தவித்து வருகின்றனர். பொருளாதார நெருக்கடியில் திணறும் ஆண்களுக்கு, திருமண செலவு, திருமணத்திற்கு பின்னர் ஏற்படும் செலவு ஆகியவற்றை எதிர்கொள்ளும் மனநிலை இல்லை.

ஓய்வு பெற்ற ஊழியரான சலே ஓமர், தனது மூத்த மகன் முகமதுவுக்கு திருமண ஏற்பாடுகள் செய்த பின்னர், பொருளாதார நெருக்கடி காரணமாக திருமணத்தையே நிறுத்தி விட்டதாக புலம்புகிறார்.

``என் மகனுக்கு 28 வயதாகிறது. அதனால் திருமணத்திற்கு பெண் பார்த்தோம். அவன் கம்ப்ïட்டர் டெக்னீசியன் வேலை பார்த்து வந்தான். மூன்று பெண்களை பார்த்து, அவனுக்கு பிடித்த பெண்ணை தேர்வு செய்தோம். ஆனால் அவனோ 35 வயதில் திரு மணம் செய்து கொள்ளலாம் என்று பிடிவாதம் பிடிக்கிறான். நிறைய பணத்தை சம்பாதித்த பின்னர் திருமணம் செய்கிறேன் என்கிறான். கடந்த வருடம் என்னுடைய மகளுக்கு திருமணம் செய்து வைத்தோம். மாப்பிள்ளை வீட்டார், கிட்டத்தட்ட இரண்டரை லட்சம் ரூபாய் செலவு செய்து திருமணம் செய்தனர். எனக்கு இப்போது கொஞ்சம் பென்சன் பணம் வருகிறது. அதை வைத்து குடும்பத்தை மட்டுமே நடத்த முடியும். என் மகனுக்கு திருமணம் செய்து வைக்க பணத்துக்கு நான் எங்கே போவது?'' என்று வருத்தத்துடன் பேசுகிறார் ஓமர்.

எகிப்தில் மாப்பிள்ளை வீட்டார்தான் திருமணத்துக்கு அதிக செலவு செய்ய வேண்டும்! வரதட்சணை, நகை வாங்குவது, உடை வாங்குவது, வீடு மற்றும் ஹனிமூன் செல்வது என அனைத்து செலவும் மாப்பிள்ளை வீட்டார்தான் செய்ய வேண்டும் என்பதால் வாலிபர்கள் திருமணம் செய்யத் தயங்குகின்றனர்.

``இந்த அதிகப்படியான செலவுதான் ஆண்களை அச்சப்பட வைக்கிறது. திருமணத்திற் கான விருந்து திருப்தியாக இல்லாவிட்டால், விருந்தினர் என்ன சொல்வார்களோ என்ற கவலை ஏற்படுகிறது. செலவை கட்டுப்படுத்த முடியவில்லை. போட்டி உலகில் எப்போதும் நீச்சலடித்துக் கொண்டிருக்கும் இன்றைய இளைஞர்களுக்கு திருமணமும் போட்டியாகி விட்டதால் அதில் வெற்றி பெற போராட வேண்டியிருக்கிறது'' என்கிறார் கெய்ரோ பல்கலைக்கழகத்தில் பணிபுரியும் பேராசிரியர் நோஹ் அந்தர்.

``திருமணத்துக்கு உடல் மற்றும் மன ரீதியாக தயார் ஆவது. எல்லா கொண்டாட்டத்திற்கும் பணம் ரெடி செய்வது, தனக்கு ஏற்ற இளம்பெண்ணை தேர்வு செய்வது, குடும்பம் நடத்துவதற்கான வீடு மற்றும் செலவுக்கு பணம் சேமிப்பது என திருமணம் தொடர்பாக பல கடினமான வேலைகளை எதிர்கொள்ள வேண்டியிருக்கிறது'' என்கிறார் அவர்.

எகிப்தியர்களுக்கு திருமணம் என்பது அன்பு, பாசம் மற்றும் நம்பிக்கை மட்டுமின்றி, அதுவொரு முக்கிய சடங்காகவும் கருதப்படுகிறது. திருமணத்திற்கு பின்னர் மனைவியை சரியாக பராமரிக்கவும் வேண்டும். இல்லாவிட்டால் மனைவி கணவரை புறக்கணித்து விட்டு பிரிந்து விடுவார். அதனால்தான் திருமணம் என்றாலே எகிப்து இளைஞர்கள் நடுங்குகிறார்கள்!

தினதந்தி!

என்ன செய்வது. நம்மைப் போல கிடைத்ததைக் கொண்டு திருப்தி அடைய மாட்டார்கள். ஆடம்பரப் பிரியர்கள். பெண்கள் தங்களை அலங்காரம் செய்வதற்க்கு ஆண்களின் ஊதியத்தை கரைப்பார்கள். கண்ணை மூடிக்கொண்டு மேற்க்கத்திய கலாச்சாரத்திற்கு பச்சைக்கொடி காட்டுபவர்கள். அங்கு நீண்ட காலமாக ஆட்சியில் சுரண்டிய ஹோஸ்னி முபாரக்கை விரட்டி விட்டால் பின்பு தம் தாய் நாட்டில் தேனாறும் பாலாறும் ஓடும் என்று கருதி பின்னர் ராணுவ ஆட்சிகளின் கையில் மாட்டிக்கொண்டு திகைத்துக் கொண்டு நிர்க்கும் அவர்கள், மிக நீண்ட பரம்பரியத்திக்கு சொந்தக்காரர்களாக இருந்தாலும் மாடி விட்டு ஏழைகள் தான்.
இந்தத்திரியில் நண்பர் சிவா கூறியிருக்கும் நிகல்வுகள் பெரும்பாலும் உண்மையே....
அரசியல் நிலைப்புத்தன்மை இல்லாத எந்த ஒரு நாடும் சமுதாயக் கட்டுமானங்களில் பலவீனம் அடைகிறது.

காலம் ரொம்பவே மாறிப்போச்சுல்ல திருமணத்திற்கு செலவு செய்யிறத விட அதுக்கப்பறம் மனைவிக்கு ரொம்ப செலவு செய்யனும்னு ஆண்கள் நினைச்சு வருந்துகிறார்கள் போல..... பாவம் ஆண்கள்