இப்பொழுது .. அப்படியில்லை.

by **rameshnaga** Fri Jun 10, 2011 8:23 pm

அவைக்கு என் அன்பு வணக்கங்கள்..
"பெண்மையின் உரிமை "-பற்றிப் பேச
எனக்கு அழைப்பு.
அழைப்பிற்கு நன்றி!

"சுதந்திரம் எனது பிறப்புரிமை"-என
முழங்கப்பட்டது-இந்த நாட்டில்தான்..
ஆனால்- அது ஆண்களுக்கு மட்டும்.

அடுப்பூதி...அடுப்பூதி...
அணைந்து போனவள்தானே
இங்கே பெண்..

மதுரையை எரித்த நெருப்பு
கோவலனை முன்னம் சுட்டிருந்தால்..
பெண்மை எப்போதோ..
பெருமைப் பட்டிருக்கும்.

ஆண்களின் ஆணவத்தில்..
இன்று வரை மிதி படுவது
"பெண்மை"-என்றால்..
பூக்களைக் கடிக்கும் வண்டை-இங்கே
"எரிக்கும்... நந்தவனங்கள்"-என்று
இப்பொழுதே சொல்லவேண்டும்.

இம் ! இம்! மன்னிக்கவும்..
எனக்கும் சில எச்சரிக்கைகள் வந்து விட்டன..

அதனால்-
"பெண்மையின் உரிமை"-பற்றிய
என் மற்ற கருத்துக்கள்...
மற்ற பிற கூட்டங்களில் ..
நன்றி!