யார் சொல்லக்கூடும்...சில ஞாபகங்கள்.

**rameshnaga** · **rameshnaga** Mon 20 Jun 2011 - 1:55

அப்பாவை அடிக்கடி நினைக்க வாய்ப்பதில்லை எனக்கு;
அம்மா-இழுத்து வைத்து..இழுத்துவைத்துச் சொன்னாலும்..
காகம் சிதறிய பருக்கையாய் கிடக்கும் என் வாழ்வில்..
அப்பாவை முழுமையாய் நினைக்க வாய்ப்பதில்லை எனக்கு.
ஆனாலும்..நேற்று ஏனோ..
என் மனதில் பழைய பூக்கள்..புதிய வாசனையோடு..
அந்த மனிதனைப் பார்த்தபின்..
கண்ணீர்ப் பூக்களாய்.
கலங்கிய பிம்பமாய் விலகி மறைந்தனர் ..
அந்தக் குரங்காட்டியும்.. அவன் தோளில்
இந்த உலகையே மறந்து இளித்தபடி இருந்த அவன் குரங்கும்..
ஊர்த் திருவிழாவில் என்னைத் தோளில் தூக்கி நின்ற
என்னையும் என் அப்பாவையும் நினைவுறுத்திய படி.

பாலாஜி · பாலாஜி Mon 20 Jun 2011 - 1:58

அந்தக் குரங்காட்டியும்.. அவன் தோளில்
இந்த உலகையே மறந்து இளித்தபடி இருந்த அவன் குரங்கும்..
ஊர்த் திருவிழாவில் என்னைத் தோளில் தூக்கி நின்ற
என்னையும் என் அப்பாவையும் நினைவுறுத்திய படி.

மிக அருமை நண்பா , உங்கள் கவிதைகள் அனைத்தும் அருமையாக உள்ளது ..

சூப்பருங்க