மேன்ஷனில் வாழும் கடவுள்கள்.

**rameshnaga** · **rameshnaga** Thu Jun 09, 2011 8:03 pm

ஒரு நாற்காலி;
இரண்டு துண்டு;
மூன்று தலையணை;
ஒரு போர்வை;
இரண்டு சீப்பு;
15 அடிக்கு 10 அடி அறையில் இருந்தது
எங்களின் சொர்க்கம் .
மூன்று இட்லியின் மேல் ஐந்து கைகள்.
ஒரு கண்ணீர்த் துளி ;
துடைக்கப் பல கைகள் -என
வளமையாய் இருந்தது எங்களின் வாழ்வு.
எங்களின் ஒரு வெற்றி ஐந்து மடங்கானது;
ஒரு தோல்வி ஐந்தில் ஒரு பங்கானது.
ஒரே சட்டை -
ஐந்து நாட்களுக்கு ஐந்து பெயர்களுக்குத்
திரும்பிப் பார்த்தது.
எல்லாமும் பகிர்ந்து கொள்ளப்பட்ட-
எங்கள் அறையின் வாசலில்
எப்போதும் இருந்தது கடவுள்..
தன் படைப்பின் முழுமையை
தானே இரசிப்பதற்காக.