யோகாகுருவுக்கு பாவம் , சொத்து மதிப்பு மொத்தம் ஆயிரத்து 100 கோடி தான்.

புதுடில்லி: கறுப்பு பணம் மற்றும் ஊழலுக்கு எதிராக போராட்டத்தில்
குதித்து இருக்கும் யோகாகுரு பாபாராம்தேவ் சொத்து மதிப்பு மொத்தம் ஆயிரத்து
100 கோடி தான். ‌யோகாபீடத்தின் அசையா சொத்துக்கள், அசையும் சொத்துக்கள்
உள்ளிட்டவை அடங்கும். ஏறக்குறைய 30 கம்பெனிகளின் மூலம் மார்க்கெட்
நிலவரத்தில் பிசினஸ் செய்து யோகாபீடத்திற்கு வருவாய் வருவதாக
கூறப்படுகிறது.
கடந்த சில நாட்களாக கறுப்பு பணவிவகாரத்தை முன்வைத்து உண்ணாவிரதம் துவக்கி
மத்திய அரசுக்கு எதிராக போர்க்கொடி தூக்கியுள்ளார். இவரது போராட்டம்
வ<லுப்பெறும் பட்சத்தில் மத்திய அரசுக்கு அவ்பெயர் பெருகக்கூடும் என
உளவுத்துறை ரிப்போர்ட் கொடுத்தது, இதனையடுத்து டில்லி ராம்லீலா மைதானத்தில்
இருந்து இவரும் இவரது ஆதரவாளர்களும் போலீசார் படை துணையுடன்
வலுக்கட்டாயமாக அப்புறப்படுத்தப்பட்டனர். ஆனாலும் அவர் ஹரித்துவாரில் உள்ள
ஆசிரமத்தில் தற்போது உண்ணாவிரதம் தொடர்ந்து வருகிறார்.

அமலாக்க துறையினர் லென்ஸ் பார்வை:
மத்திய அரசுக்கு இடையூறு செய்யும் இவருக்கு சிக்கல் கொடுக்க வருமான வரி
மற்றும் அமலாக்க துறையினருக்கு கிரீன்சிக்னல் கொடுக்கப்பட்டுள்ளது. இதனால்
லென்ஸ் மூலம் யோகாகுரு சொத்து மற்றும் கம்பெனிகளின் வரவு, செலவு, லாபம்,
வரி உள்ளிட்ட விஷயங்களை உன்னிப்பாக கவனித்து வருகிறது. மேலும் ராம்தேவின்
பதஞ்சலி யோகா பீடத்தின் சொத்து விவரத்தை வெளியே கொண்டு வரவேண்டும் என்று
காங்., செயலர்கள் குரல் கொடுத்துள்ளனர்.

இந்நிலையில் பாபாவின் சொத்துக்களை நிர்வகிக்கும் முக்கிய பொறுப்பில் உள்ள
பாலகிருஷ்ணன் யோகா பீடத்தின் சொத்துக்கள் மற்றும் கம்பெனிகள் விவரத்தை பாபா
இன்று வெளியிடுவார் என்று கூறியுள்ளார்.

இவர் வெளியிடுவதற்கு முன்னதாக சில செய்தி நிறுவனங்கள் முன்கூட்டியே அலசி ஆராய்ந்ததன் மூலம் தகவல்கள் வெளிவரத்துவங்கியுள்ளன.

இதன் படி பதஞ்சலி யோகபீடத்தின் கீழ் ஏறக்குறைய 30 கம்பெனிகள் உள்ளன. இதில்
முக்கியமானது என கருதப்படுபவை எதுவெனில் ., பதஞ்சலி ஆயுர்வேதா, திவ்யா யோகா
டிரஸ்ட், வேதிக்பிராட்காஸ்ட் லிமிடெட்., ஆஸ்தா டிவி சானல் அடங்கும். இந்த
கம்பெனிகளுக்கு கடந்த 2008- 2009 ல் மட்டும் 48 கோடிக்கு தளவாட மற்றும்
மூலப்பொருட்கள் வாங்கப்பட்டுள்ளன.நிலையா பதிக்கப்பட்டதும், மற்றும் ஸ்டீல்
சாமான்கள் 2 கோடியே 70 லட்சத்திற்கு வாங்கப்பட்டுள்ளன.

ஆயுர்வேதாவின் தரமான புராடெக்ட்:
பதஞ்சலி ஆயுர்வேதா 2008- 2009 ல் வருமான வரித்துறையினரிடம் தாக்கல்
செய்யப்பட்ட விவரத்தில் ரூ60 கோடி என மொத்த வரவு செலவு காட்டப்பட்டுள்ளது.
இதில் 4. 5 கோடி லாபம் கிடைத்ததாகவும் தெரிவித்துள்ளது. உடல் நலம் காக்கும்
பொருட்கள் தயாரித்து விற்று வரும் பதஞ்சலி ஆயுர்வேதாவில் முக்கியத்துவம்
வாய்ந்தது அம்லா, மற்றும் ஆலோவேரா ஜூஸ் ( பாட்டிலில் அடைக்கப்பட்டுள்ள
பதப்படுத்தப்பட்ட ஜூஸ்), இந்த இரண்டு பொருட்கள் மூலம் மட்டுமே ஆண்டுக்கு (
2008 - 2009 ன்படி) 25 கோடிக்கு விற்றுள்ளது.இந்த பதஞ்சலி நிறுவனத்திற்கு
ரீட்டைல் வியாபாரிகள் மூலம் 95 லட்சம் டிப்பாசிட் தொகை கிடைத்துள்ளன. இதில்
ஸ்காட்லாந்தை சேர்ந்த என்.ஆர்.ஐ., தம்பதிகள் (சர்வான்சாம்- சுனிதா )
பெரும் பங்குதாரர்கள் ஆவர். இவர்கள் யோகா பீடத்திற்கு ஸ்காட்லாந்தில் ஒரு
தீவை ( 900 ஏக்கர் ) அன்பளிப்பாக வழங்கியுள்ளனர். இந்த தீவில் யோகா மையம்
மற்றும் ஆயுர்வேத சிகிச்சை மையம் அமைக்க திட்டமிடப்பட்டுள்ளதாக தெரிகிறது.
இன்னும் மேல்பட்ட விவரத்தை யோகாகுரு இன்று வெளியிடுவார் என
எதிர்பார்க்கப்படுகிறது. இவர்களது இணையதளத்திலும் நாங்கள் அப்லோடு செய்வோம்
என்றும் இவரது செயலர் பாலகிருஷ்ண கூறியுள்ளார்.

இவர்தான் பாவம் , கருப்பு பணத்தை ஒழிக்க போகிறார் அதுக்கு ஒரு உணா விரதம் வேற கேடு

பேசாமல் நானும் யோகா குருவாக மாறலாம் என நினைக்கிறேன் !!

ரபீக் wrote:பேசாமல் நானும் யோகா குருவாக மாறலாம் என நினைக்கிறேன் !!

யோகா தெரியுமா உங்களுக்கு ?

krishnaamma wrote:

ரபீக் wrote:பேசாமல் நானும் யோகா குருவாக மாறலாம் என நினைக்கிறேன் !!

யோகா தெரியுமா உங்களுக்கு ?

கண்ணை மூடிக்கொண்டு நடிகைகள் பெயரை சொல்ல வேண்டியதுதான் !!( )