சிந்தனைத் துளிகள்

by **சிவா** Fri Sep 11, 2009 3:09 pm

First topic message reminder :

ஒரு கொள்கையை எடுத்துக்கொள். அதற்காகவே, உன்னை அர்ப்பணித்துப் பொறுமையுடன் போராடிக் கொண்டிரு. உனக்கு ஆதரவான ஒரு காலம் வரும்.
- விவேகானந்தர்.

மனிதன் முன்னேற ஏழு பாதைகள்
பகுத்தறிவு
கல்வி
சிந்தனையில் உண்மை
அன்புடமை
நன்னடத்தை
கட்டுப்பாடு உள்ள குடும்பம்
நல்ல ஆட்சி
- சீன அறிஞர் கன்பூசியஸ்

“வேதனையைத் தாங்கி பழி வாங்க மறுக்கும் கண்ணியத்தில் எனக்கு நம்பிக்கை அருள்க”
- தாகூர்

ஒவ்வொரு மனிதன் சிந்தும் ஒவ்வொரு கண்ணீர்த் துளியையும் துடைப்பேன்.
-அண்ணல் காந்தி

புதியதோர் உலகம் செய்வோம் - கெட்ட
போரிடும் உரகத்தை வேரோடு சாய்ப்போம்.
-புரட்சிக்கவிஞர்.

இளைய பாரத்த்தினாய் வா வா வா
எளிமை கண்டு இரங்குவாய் வா வா வா
சிறுமை கண்டு பொங்குவாய் வா வா வா
-மகா கவி பாரதி.

நல்ல மனிதர்கள் அரசாங்கத்தில் பங்கு ஏற்க மறுப்பதற்கான தண்டனையை தீயவர்களின் ஆட்சியில் வாழ்வதிலேயே செலுத்துகிறார்கள்.
-பிளாட்டோ

நட்புக்கொள்ள விரும்பினாலும் நண்பர்கள் கிடைக்காத ஏழைகளுக்கும் நண்பனாவேன்.
-கவிஞர் ஷெல்லி.

“எளிமையாகவும் தெளிவாகவும் இரு, புரியாத புதிராக இராதே.
- வால்ட் விட்மல்

“நேர்மையாக இருப்பவன் தன்னிடன் இல்லாததை இருப்பதாகக் கூறி தற்பெருமை வேண்டிப் பாசாங்கு செய்ய மாட்டான். தைரியமுடன், தான் எதுசரி என்று நம்புகிறானோ, அதற்காக உலகமே எதிர்த்து நின்றாலும் போராடுவான்.

நம்பிக்கைக்குரிய தன்மைகளைக் கொண்டவன் பிறரை மதிப்பான். எதிரியையும் மதிப்பான். மனித உறவுகளின் பண்பைக் கடைப்பிடிப்பான். அவனது செயல்கள் அவனது ஆன்மாவிலிருந்து எழுகின்றன”.
-டாக்டர் எம்.எஸ். உதயமூர்த்தி

by **Aathira** Sun Sep 14, 2014 8:12 am

மிகககககககககககவும் பயனுள்ள பதிவுகள். நன்றி

by **சிவா** Sat Aug 01, 2015 2:23 am

* கவலைப்படுவதால் நேரம் வீணாகிறது. பிரச்னைக்கு தீர்வு காணும் நோக்கில் ஆக்கப்பூர்வமான வழியில் சிந்தியுங்கள்.

* மனக் கட்டுப்பாடு இல்லாவிட்டால், வாழ்வில் எதையும் சாதிக்க முடியாது.

* மனம் நல்லதை மட்டுமே எண்ணிக் கொண்டிருந்தால், கண்ணில் காணும் தீமையில் கூட நன்மை வெளிப்படத் தொடங்கும்.

* பகைவரிடமும் அன்பு காட்டுங்கள். உங்களுக்கு புதிய உறவுக்காரர் விரைவில் கிடைக்க வாய்ப்பு வரும்.

* நம் எண்ணத்தைப் பொறுத்தே வாழ்வில் நமக்கான சூழ்நிலைகள் உருவாகின்றன.

-பரமஹம்ச யோகானந்தர்

by **சிவா** Wed Aug 05, 2015 11:41 pm

ஆசை

எந்த விதமான புலன் நுகர்ச்சியும் தளர்ச்சியைத் தருகிறது. போகங்களை நாடுபவன் சொந்த ஆசைகளுக்கே அடிமையாக இருக்கிறான். சுக போகங்களை நாடுவது என்பது இழிவானது; கேவலமானது. தண்ணீரை ஊற்றி விளக்கெரிக்க முயல்பவன் இருளைப் போக்க மாட்டான். அழுகிய மரத்தைக் கொண்டு தீ மூட்ட முயல்பவன் அதில் தோல்வியே அடைவான்.

by **சிவா** Wed Aug 05, 2015 11:41 pm

முக்தி

சிரத்தையும், பக்தியும், தியான யோகமும் முக் திக்குக் காரணங்களாக வேதம் கூறுகிறது. யார் இவைகளில் நிலைபெற்றிருக்கிறானோ, அவனுக்கு உடலாகிய தளையில் இருந்து விடுதலை ஏற் படுகிறது. உண்மையில் நீ பரமாத்மா. அஞ்ஞானத்தின் காரணமாக தான் உனக்கு பந்தமும் அதிலிருந்து பிறவிச் சுழலும் ஏற்பட்டுள்ளன. ஞானத் தீ அஞ்ஞானத்தின் செயலை வேருடன் அழித்து விடும்.

by **சிவா** Wed Aug 05, 2015 11:42 pm

இறையருள்

தவம் செய்வதால் மட்டும் இறையருள் கிடைத்து விடும் என்ற நியதி இல்லை. பண்டைய ரிஷிகளும், முனிவர்களும் ஆயிரக் கணக்கான ஆண்டுகள் தலைகீழாக நின்றும், தீயின் இடையில் நின்றும் தவம் செய்தனர். அப்போதும் கூட ஒரு சிலரே கடவுளின் அருளைப் பெற்றனர். தவத்தைக் காட்டிலும் இறைவனிடம் அன்பு செலுத்துவதே சிறந்த வழி.