சென்னையில் குவியும் ஆஸ்திரேலியன் திராட்சை ?

தாமு · தாமு Thu Jun 09, 2011 5:54 am

ஆஸ்திரேலியாவில் இருந்து, உயர்ரக திராட்சை பழ வரத்து சென்னை கோயம்பேடு மார்க்கெட்டிற்கு அதிகரித்துள்ளது.
ஆஸ்திரேலியாவில், உயர்ரக திராட்சை பழ சீசன் தற்போது களைகட்டி இருக்கிறது. இதன் எதிரொலியாக, அங்கிருந்து திராட்சைப்பழ வரத்து, சென்னை கோயம்பேடு மார்க்கெட்டிற்கு அதிகரித்துள்ளது.

ஆஸ்திரேலியன் திராட்சை பழங்கள், இந்திய திராட்சை பழங்களை விட அளவில் இரு மடங்கு பெரிதாக இருக்கும். நீர்சத்து குறைவாகவும், சுவை மிகுதியாகவும் இருக்கும். ஆனால், ஆஸ்திரேலியன் திராட்சை ஜூஸ் போட உகந்ததாக இருக்காது. இந்த பழங்களை பிரிஜ்ஜில் வைத்து சாப்பிடும் போது, அதன் சுவை அதிகமாக இருக்கும். தற்போது, ஒன்பது முதல் 10 கிலோ வரை எடை கொண்ட, ஆஸ்திரேலியன் திராட்சைப்பழ பெட்டி, கோயம்பேடு மார்க்கெட்டில் 1,650 ரூபாய்க்கு விற்கப்படுகிறது.இதுகுறித்து வெளிநாட்டு பழ இறக்குமதியாளர் மணிவண்ணன் கூறும்போது, "எங்களிடம் சென்னையின் பல்வேறு மார்க்கெட் வியாபாரிகள், பழ விற்பனை ÷ஷாரூம் நடத்துபவர்கள் அதிகளவில் வாங்கி செல்கின்றனர். இப்பழங்கள் உடல் சூட்டை தணிக்கும். அஜீரண கோளாறு, வாயு தொல்லை, மலச்சிக்கல் போன்ற பிரச்னைகளை தீர்க்க உகந்தது. இந்த விவரம் தெரிந்ததால், சென்னையில் வசிக்கும் வடமாநிலத்தவர்கள் இப்பழங்களை அதிகளவில் விரும்பி சாப்பிடுகின்றனர். சில்லரை விற்பனை கடைகளில் ஒரு கிலோ ஆஸ்திரேலியன் திராட்சைப் பழம் 180 முதல் 200 ரூபாய்க்கு விற்கப்படுகிறது' என்றார்.அமெரிக்கா, ஆஸ்திரேலியா, நியூசிலாந்து, சிலி, சீனா உள்ளிட்ட பல்வேறு நாடுகளில் இருந்து சென்னை கோயம்பேடு மார்க்கெட்டிற்கு ஆப்பிள் உள்ளிட்டபல்வேறு வகை பழங்கள் விற்பனைக்கு வருகிறது. அங்கிருந்து கப்பல்கள் மூலம் குளிர்பதன கன்டெய்னர்களில் ஏற்றி பிளாஸ்டிக், அட்டை மற்றும் தெர்மாக்கோல் பெட்டிகளில் அடைத்து அவை விற்பனைக்கு அனுப்பப்படுகிறது.இவற்றை கோயம்பேடு மார்க்கெட்டிற்கு, வெளிநாட்டு பழ இறக்குமதியாளர்கள் வரவழைத்து விற்பனை செய்கின்றனர். இதற்கென வெளிநாடுகளில் உள்ள பழ ஏற்றுமதியாளர்களிடம் அவர்கள் ஒப்பந்தம் செய்துள்ளனர்.இணையதளம் மூலம் அங்குள்ள திராட்சைப் பழங்களின் விலை நிலவரங்களை அவர்கள் அவ்வப்போது தெரிந்து கொள்கின்றனர். சென்னை கோயம்பேடு மார்க்கெட்டிற்கு வரும் ஆஸ்திரேலியன் திராட்சைப் பழங்கள், தமிழகத்தின் தேவையை பூர்த்தி செய்வதற்கு மட்டுமின்றி கர்நாடகா, கேரளா, ஆந்திரா, மகாராஷ்டிரா உள்ளிட்ட பல்வேறு மாநிலங்களுக்கும், லாரிகள் மூலம் அனுப்பி வைக்கப்படுகிறது.

ஞானமுத்து