அன்பே ஓடோடி வருகிறேன்.....

**கா.ந.கல்யாணசுந்தரம்** · 28/02/2009

இப்போதுதான் புரிகிறது
என்னைப்பார்த்து புன்னகைத்தது
ஒரு புதிய பாதையை
அறிமுகப்படுத்தி வைப்பதற்கென்று!
ரோஜா மலர் தூவி நமது
இன்பப் பயணம் தொடரும்
என்றெல்லாம் நினைத்த எனக்கு...
பாதை நெடுகிலும்
நெருஞ்சி முட்களைத் தூவி
வரவேற்கும் உனது கைகள்
எவ்வளவு காயம்பட்டிருக்கும்!
நான் நெருஞ்சி முட்களின் மீது
ஓடோடி வருகிறேன்....அன்பே
உனது கைகளுக்கு மருந்து தடவ
அனிச்ச மலர் இதழ்களுடன்!

....கா.ந.கல்யாணசுந்தரம்.

**rameshnaga** · **rameshnaga** Wed Jun 08, 2011 2:03 pm

ரோஜாவைப் போல் புன்னகைக்கும் காதலை
நெருஞ்சி முட்கள் கீறினாலும்-
மருந்திட வருகிறது வாடாத அனிச்ச மலரை
ஏந்தி வருகிறது காதல் வழியும் கைகள்..
அப்படித்தானே? கல்யாண்!
வெகு நன்றாய் இருக்கிறது மாறாத காதலைச்
சொல்லும் இந்தக் கவிதை.---அன்புடன் ரமேஷ்.