அப்பா - அம்மாஎனும் தெய்வீகப் பட்டம்!!

வித்யாசாகர் · வித்யாசாகர் Tue Sep 15, 2009 4:36 am

சந்தோசமாக நான் கவிதை எழுதியதில்லை என நினைக்கிறேன் மீனு. இருப்பினும் சகோதரிக்கு வலிக்கக் கூடாதென்பதால்.. ரூபன் கவிதை கேட்டதன் பேரில் முகில் பிறந்த போது எழுதிய கவிதையை இங்கு பகிர்கிறேன்..

அப்பா - அம்மாஎனும் தெய்வீகப் பட்டம்!!

ஒரு சின்ன குழந்தைக்கு - கொடி
அம்மாக்கள் கிடைத்த சந்தோஷம்!

ஒரு நரை தட்டிய கிழவிக்கு - தன்
பதினாறு வயது திரும்பி;
கணவனும் கைபிடித்துக் கொண்டு
வானில் சுற்றிய சந்தோஷம்!

பார்வை இன்றியே இறக்கப் போகும்
ஒரு குருட்டுக் கிழவனுக்கு - பார்வை கொடுத்து

போ; போய் வா; உலகை சுற்றி வா;
இந்தா இன்னுமொரு நூறாண்டு ஆயுளை -
பிடியென கொடுத்த -
'புது உலகம் கிடைத்த சந்தோஷம்!

வாழ்வின் தேடல்களுக்கு நடுவே
வெற்றிப் பசியின் கொடுமைகளில் - நாட்களை
உயிர்போல் கரைத்துக் கொண்டிருக்கும் - ஓர்
வாலிபனுக்கு -
பல வானம் தொட்டுப் பார்த்த பரபரப்பு!

இனி தான்.. வாழ்க்கை இருக்கிறதோ;
அது முழுக்க முழுக்க என் முகில் வண்ணனுக்காக
இருக்கிறதோ என - நானுமென் செல்லம்மாவும்
ஞானம் பெற்ற நிம்மதிக்கு நடுவே;

வாழ்க்கையின் வேர்களை -
சின்ன சின்னதாய் - தன்
கூறிய பார்வையின் அசைவிலும்..
பொக்கைவாய் லேசாக வளையும் சிரிப்பிலும்..

நானா அவளா என எங்களிருவரையும் -
மாற்றி மாற்றி அவனுக்குள் காட்டும் முகபாவத்திலும்..

புரிய வைத்த ஒரு குழந்தையால் மட்டுமே
எங்களுக்குத் தரமுடிந்தது -
அம்மா-அப்பா எனும் தெய்வீகப் பட்டம்!!
-----------------------------------------------------------
வித்யாசாகர்

ரூபன் · ரூபன் Tue Sep 15, 2009 4:40 am

எனக்கு பொறாமையா இருக்கு உங்கள் மகனாக பிறக்கவில்லையே என்று அப்பா - அம்மாஎனும் தெய்வீகப் பட்டம்!! 440806

மீனு · மீனு Tue Sep 15, 2009 4:49 am

வித்யாசாகர்.. நாம கவிதை கேட்டோம் ..அதுவும் வலிக்காது கேட்டோம் ..என்று நீங்க நமக்காக எவளவு ஒரு அருமையான இனிமையான கவிதையை தந்து இருக்கின்றீர்கள்.. வரிகள் அனைத்துமே அருமை.. இந்த கவிதை படித்த திருப்பதியில் நிம்மதியாக நான் தூங்க போகின்றேன்..நன்றிகள் வித்யாசாகர்..பாராட்டுக்கள்...உங்கள் முகில் வண்ணன் கொடுத்து வைத்தவன் ..முகில் வண்ணன் அவர்கள் தன் தந்தை.. தான் ...வித்யாசாகர் என்று சொல்வதில் எவளவு பெருமை கொள்ள போகின்றான்.. வாழ்க வளமுடன் நீங்களும் உங்கள் அன்பு குடும்பமும்....நன்றிகள் வித்யாசாகர் ..

வித்யாசாகர் · வித்யாசாகர் Tue Sep 15, 2009 5:27 am

by Ruban1 Today at 7:10 am

எனக்கு பொறாமையா இருக்கு உங்கள் மகனாக பிறக்கவில்லையே என்று அப்பா - அம்மாஎனும் தெய்வீகப் பட்டம்!! 440806

by meenuga Today at 7:19 am

முகில் வண்ணன் கொடுத்து வைத்தவன் ..முகில் வண்ணன் அவர்கள் தன் தந்தை.. தான் ...வித்யாசாகர் என்று சொல்வதில் எவளவு பெருமை கொள்ள போகின்றான்.. வாழ்க வளமுடன் நீங்களும் உங்கள் அன்பு குடும்பமும்....நன்றிகள் வித்யாசாகர் ..

வாழ்வின் பெறும் பேரு பெற்றேன் ; பெற்றோம்; சகோதர சகோதரியே!

**சிவா** · **சிவா** Tue Sep 15, 2009 6:04 am

கவிதை எழுதியவரை விட, இங்கு இக்கவிதையை எழுதத் தூண்டிய வித்யாவின் அன்பு மகன் முகில் வண்ணனுக்கு ஈகரை தமிழ் களஞ்சியத்தின் சார்பில், வாழ்வில் அனைத்து வளங்களும் பெற்று நீடூழி வாழ்க என வாழ்த்துகிறேன்!