ஒரு மூங்கிலின் முகாரி......

ஏற்ற இறக்கத்தில்
எழிலான தோற்றம்!
மேகங்கள் தழுவும்
மலை முகடுகள்!
நிலச் சரிவுகளில்
மலை மங்கை
அணிந்திருக்கும்
பச்சை பட்டாடை...
இன்னிசை பாடும்
குயில்களின் கூட்டம்!
இன்னும் இயற்கை அன்னை
நிறம்மாறா பூக்களுடன்
வண்ணத்துப் பூச்சிகளின்
அரவணைப்பில்
மகரந்தம் பரப்பி
வாழ்ந்துகொண்டிருக்கிறாள்!
மலைகளின் மறுபுறத்தில்
அந்த மூங்கில் காட்டுக்குள்
எவனோ தீ வைத்ததை
அறியாமல்!
எங்களை அக்கினித் துளையிட்டு
புல்லாங்குழல்களாக்குவீர்கள்
என்றெல்லாம் நினைத்த
இனிய நினைவுகளோடு இன்று
கரிக்கட்டையாய் மடிந்தோம்.....
ஒரு மூங்கிலின் முகாரி மட்டும்
ஒலித்துக்கொண்டே இருக்கிறது!

.....கா.ந.கல்யாணசுந்தரம்.

by செய்தாலி Wed Jun 08, 2011 12:54 pm

தன் சுயத்தின் முகாரி பாடுகிறது மூங்கில்
புகை சித்திரத்திற்கு அழகிய வரிக்கோர்வை

வரிகளும் சித்திரமும் அழகு உங்கள் சிந்தைக்கு பாராட்டுக்கள்

நன்றி செய்தாலி அவர்களே.

by அப்துல்லாஹ் Wed Jun 08, 2011 1:18 pm

அழகான ஒரு காட்சியை கண்முன் நிறுத்திவிட்டு அதன் பின்னே ஒரு அலங்கோலத்தை விவரித்தபோது மனம் கனத்துவிட்டது, மரங்களும் உயிர்வகை தான் ஆயினும் மனிதத்தை விட உயர் வகை என்பது இங்கு பலருக்கும் புரிவதில்லை...

ஈகரைபூமியில் இன்று வீசிய அக்கினிக் காற்று இந்தக் கவிதை...

அப்துல்லாஹ் wrote:அழகான ஒரு காட்சியை கண்முன் நிறுத்திவிட்டு அதன் பின்னே ஒரு அலங்கோலத்தை விவரித்தபோது மனம் கனத்துவிட்டது, மரங்களும் உயிர்வகை தான் ஆயினும் மனிதத்தை விட உயர் வகை என்பது இங்கு பலருக்கும் புரிவதில்லை...

ஈகரைபூமியில் இன்று வீசிய அக்கினிக் காற்று இந்தக் கவிதை...

நல்ல விமர்சனம் தந்த உங்களுக்கு எனது நன்றிகள்.

by **மு.வித்யாசன்** Wed Jun 08, 2011 2:23 pm

அருமை மூங்கில்...

பட்டாடை என்பதற்கு பதிலாக பட்டு பாவாடை என்றிருந்தால் இன்னும் ஏற்றார்போல் இருக்கும்.
மற்றபடி அனைத்தும் அழகிய ராகம். ஒரு மூங்கிலின் முகாரி...... 677196