எனது பொன் குஞ்சுகள்...(உங்களுக்குக் காக்கையானாலும்)

by **rameshnaga** Wed Jun 08, 2011 12:11 pm

First topic message reminder :

இதை நீங்கள் படித்து விடுகிறீர்கள்...
ஒரு நிமிடத்திற்குள்..
கணினியால் போட்டு முடிக்கப்படும்
ஒரு கணக்கினைப் போல.
ஆனால்-
எழுதிய எனக்கு அப்படி அல்ல.
எழுத்து ..எழுத்தாய்க் கோர்த்து..
வார்த்தையாக்கி , வாசித்து ...
அமிழ்ந்து .. தொலைந்து..
எனக்குள் எரிந்து
விழி ஓரங்களில் நீர்த்துளி பெருக்கி..
ஒவ்வோர் அணுவிலும் ...
புது ரத்தம் பாய..
பாரதி மீசையில் - பாதி
எனக்கும் முளைத்ததாய்...
கர்வம் முளைக்க
எழுதி வைத்தேன் அதை.
எழுதியதைப் படித்ததும் பரவசமாகி..
பரமசிவன் கழுத்தினில் ஏறி
கங்கையில் குளித்ததாய் கனவு காணுகையில்..
நீங்கள் படித்து முடித்திருந்தீர்கள் இதை...
ஒரு கணினியால் போட்டு முடிக்கப்படும்
கணக்கைப் போல.