எனது பொன் குஞ்சுகள்...(உங்களுக்குக் காக்கையானாலும்)

by **rameshnaga** Wed Jun 08, 2011 12:11 pm

இதை நீங்கள் படித்து விடுகிறீர்கள்...
ஒரு நிமிடத்திற்குள்..
கணினியால் போட்டு முடிக்கப்படும்
ஒரு கணக்கினைப் போல.
ஆனால்-
எழுதிய எனக்கு அப்படி அல்ல.
எழுத்து ..எழுத்தாய்க் கோர்த்து..
வார்த்தையாக்கி , வாசித்து ...
அமிழ்ந்து .. தொலைந்து..
எனக்குள் எரிந்து
விழி ஓரங்களில் நீர்த்துளி பெருக்கி..
ஒவ்வோர் அணுவிலும் ...
புது ரத்தம் பாய..
பாரதி மீசையில் - பாதி
எனக்கும் முளைத்ததாய்...
கர்வம் முளைக்க
எழுதி வைத்தேன் அதை.
எழுதியதைப் படித்ததும் பரவசமாகி..
பரமசிவன் கழுத்தினில் ஏறி
கங்கையில் குளித்ததாய் கனவு காணுகையில்..
நீங்கள் படித்து முடித்திருந்தீர்கள் இதை...
ஒரு கணினியால் போட்டு முடிக்கப்படும்
கணக்கைப் போல.

உண்மைதான் ரமேஷ் அவர்களே. கவிதை உருவாக்குவது விரல்களில் மட்டும் பிறக்கும் எழுத்துக்கள் அல்ல. சிந்தனைகளின் வார்ப்பு.

by **rameshnaga** Wed Jun 08, 2011 12:23 pm

நன்றி! கல்யாண்.

by **கே. பாலா** Wed Jun 08, 2011 2:02 pm

"ஆம்லெட் " சாப்பிடுபவர்க்கு முட்டையிடும் கோழியின் வலி தெரிய வேண்டுமா ? என்ன! "சுவையாக" இருந்தால் அது போதும்!

நல்ல சுவையான கவிதை ! வாழ்த்துக்கள் ! எனது பொன் குஞ்சுகள்...(உங்களுக்குக் காக்கையானாலும்) 599303

எனது பொன் குஞ்சுகள்...(உங்களுக்குக் காக்கையானாலும்) 599303

by **rameshnaga** Wed Jun 08, 2011 2:07 pm

நன்றி! கே.பாலா.

by ranhasan Wed Jun 08, 2011 2:08 pm

கவிவிடு தூது விரல்களின் வழியே இணையத்தின் இணைந்து இதயத்தில் நுழைகிறது... இயற்றியவரின் எண்ணம் பல வேளைகளில் வாசிப்பவருக்கு வெறும் எழுத்துருக்கலாய் மட்டுமே தெரிவது கொடுமை...
உங்கள் வரிகள் எனக்கு உருக்கலாய்த் தோன்றவில்லை உணர்வாய்தான் தோன்றுகிறது.. பல பதிவர்களின் உள்ளத்தை பிரதிபளித்த உங்கள் இந்த பதிவிற்கு மிக்க நன்றி...

by **rameshnaga** Wed Jun 08, 2011 2:10 pm

நன்றி!ரன்கசன் .

by ranhasan Wed Jun 08, 2011 2:14 pm

தலைப்பை பற்றி கூற மறந்துவிட்டேன்... ஒற்றை வரியில் ஆணித்தனமான தலைப்பு...

by **கே. பாலா** Wed Jun 08, 2011 2:16 pm

உள்ளத்து உணர்வுகள்
வார்த்தையில் வடிவது
கவிதை !
அதில் எழுதுபவனின்
உயிரும் கொஞ்சம்
ஒட்டியிருக்கும்
வெறும் "மொக்கைகள்"
கவிதையாக வரும்போது ! வெறும் எழுத்துருக்கலாய் மட்டுமேதெரியும்.

உணர்வான கவிதையை உணர்வாளர்களே உணர்வார்கள்