ஒரு விரிசலின் ஓசை.

**rameshnaga** · **rameshnaga** Tue Jun 07, 2011 10:56 pm

முடிவற்றதாய் இல்லை இந்த இடைவெளிகள்.
வார்த்தைகளால் உருவான இடைவெளியைக்-
குறைத்து விடுகிறது மௌனம்.
தயங்கி, இருபுறமும், நீளும் புன்னகையில்-
ஆழமாகிறது காதல்.
நெருங்கிக் கை பற்றுகையில்-
இயல்பாய் உதிரும் ஒரு கேலிச் சொல்லில்-
ஒரு கணத் தாமதத்திற்குப் பின்-
கேட்கும்
ஒரு விரிசலின் ஓசை.

**கே. பாலா** · **கே. பாலா** Tue Jun 07, 2011 11:03 pm

புரிந்து கொள்ளமுடியாத படிமங்களுக்கும், - எளிமைக்கும் இடையே ஒரு கவிதை மொழி உங்களுக்கு கைவருகிறது நண்பரே! அற்புதம். தொடருங்கள் ஒரு விரிசலின் ஓசை. 154550

புரிதல் இருப்பின் விரிசல் ஏது? உலகத்தின் ஒவ்வொரு பகுதியில் இருந்தும் என்றும் கேட்டுக்கொண்டுதான் இருக்கிறது விரிசலின் ஓசை.

முரளிராஜா · முரளிராஜா Tue Jun 07, 2011 11:25 pm

அருமை ரமேஷ் மகிழ்ச்சி

**rameshnaga** · **rameshnaga** Wed Jun 08, 2011 11:02 am

ரொம்ப நன்றி! கே.பாலா.
ரொம்ப நன்றி! முரளிராஜா.
அன்புடன் ரமேஷ்.

செய்தாலி · செய்தாலி Wed Jun 08, 2011 12:33 pm

சுவராசியமான நல்ல கவிதை வரிகளும் ஆழமான அர்த்தங்களும்
உங்களின் நிறைய கவிதை வரிகளில் உணர முடிகிறது

உறவுகளுக்கு இடையிலான விரிசலின் ஓசையை உயிர்த்தெளுப்பிய இவ்வரிகள் அருமை
பாராட்டுக்கள் வாழ்த்துக்கள் கவிஞரே

அமுத வர்ஷிணி · 19/09/2010

அருமை.வாழ்த்துகள்.

**rameshnaga** · **rameshnaga** Wed Jun 08, 2011 12:56 pm

நன்றி! செய்தாலி!
நன்றி!அமுதவர்ஷினி.
அன்புடன் ரமேஷ்.

**கா.ந.கல்யாணசுந்தரம்** · 28/02/2009

ஒரு விரிசலின் ஓசை - இயல்பான இதயங்கள் புரிந்துகொள்ளும் ஓசை. நல்ல கவிதை. உணர்வுமிக்க சிந்தனை. பாராட்டுகள்.

**rameshnaga** · **rameshnaga** Wed Jun 08, 2011 1:48 pm

நன்றி! திரு.கல்யாணசுந்தரம் சார்.

அப்துல்லாஹ் · அப்துல்லாஹ் Wed Jun 08, 2011 1:50 pm

காதலும் காதலின் பால் பிறிவும் ....
நண்பா உமது எழுதுகோல் சும்மா களிநடனம் புரிகிறதப்பா காகிதத்தில் ...தொடர்ந்து எழுதுங்கள் அன்பரே ....

வார்த்தைகளால் உருவான இடைவெளியைக்-
குறைத்து விடுகிறது மௌனம்