தயாநிதி கேஸில் கிளம்பிய பூதம்! வசமாக சிக்கினார்!!

Viruvirupu, Tuesday 07 June 2011, 05:31 GMT


• ராசாவின் ‘மங்களத்துக்கு’ இப்போது அர்த்தமே வேறு!

• தயாநிதியின் கூற்றே அவருக்கு எதிராகத் திரும்பியது!

புதுடில்லி, இந்தியா: தயாநிதி மாறன் இதுவரை கட்டிவந்த ‘கதை’ மாளிகை பொலபொலவென்று சரிந்திருக்கிறது. ஸ்பெக்ரம் ஊழலில் அவரும் சிக்கிக் கொள்வது இப்போது தவிர்க்க முடியாதபடி இறுகியிருக்கிறது!

தயாநிதி மாறன்மீது சுமத்தப்பட்ட குற்றச்சாட்டே, ஏர் செல் நிறுவனம் பற்றியதுதான். இந்த நிறுவனத்துக்கு அவர் ஆரம்பத்தில் லைசென்ஸ் கொடுக்காமல் இழுத்தடித்தார் என்றும், வேறு வழியில்லாமல் நிறுவனம் கைமாறியபின் லைசென்ஸ் கொடுக்கப்பட்டது என்பதும் முக்கிய குற்றச்சாட்டு.

இதற்கு ஒரு கிளைக் கதையும் உண்டு. கைமாறியதுடன் ஆதாயம் பெற்ற ஏர் செல் நிறுவனம், தயாநிதியின் சகோதரர் கலாநிதியின் சன் குழுமத்தில் கோடிக்கணக்கில் முதலீடு செய்ததுதான் கிளைக் கதை!

இப்படியொரு கதை வெளியானவுடன் தயாநிதி அதை மறுத்திருந்தார். சன் டீ.வி.யில் அவரது மறுப்பு, திரும்பத் திரும்ப ஒளிபரப்பாகிக் கொண்டிருந்தது. இந்த விவகாரம் பற்றி எழுதிய பத்திரிகைகளுக்கு வக்கீல் நோட்டீஸ் அனுப்பினார். சிறிது சிறிதாக தன்மீது குற்றமில்லை என்ற தோற்றத்தை உருவாக்க முயன்றார்.

அடுத்த கட்டமாக, தன்மீதான குற்றச்சாட்டை முறியடிப்பதற்கான பிரேக்கிங் பாயின்ட் என அவர் கருதிய பேட்டியொன்று வெளியாகுமாறு பார்த்துக் கொண்டார். அந்தப் பேட்டியில் அவரது பிரதான வாதம் என்ன தெரியுமா?

“ஒரு நிறுவனத்தை விற்குமாறு யாரையும் வற்புறுத்த முடியாது. விற்குமாறு மறைமுக அழுத்தம் கொடுக்கவும் முடியாது. ஏர் செல் நிறுவனத்துக்கும் இது பொருந்தும். என்னுடைய வற்புறுத்தலாலோ, அழுத்தத்தாலோ, சிவசங்கரன் (ஏர் செல் நிறுவனத்தின் முன்னாள் உரிமையாளர்) தனது நிறுவனத்தை விற்றிருக்க சான்சே இல்லை”

இவரது இந்தக் கூற்று ஓரிரு நாட்களுக்கு வெற்றிகரமாக ஓடியது உண்மைதான். ஆனால், இப்போது புறப்பட்டுள்ள பூதம், அந்தக் கதை மாளிகையை பொலபொலவெனச் சரிய வைத்துவிட்டது.

பூதம் என்ன? “ஏர் செல் நிறுவனத்தை விற்கவேண்டிய நிலை ஏற்பட்டதே, தயாநிதியின் வற்புறுத்தலாலும், மறைமுக அழுத்தத்தாலும்தான்” என சாட்சாத் சிவசங்கரனே, சி.பி.ஐ.க்கு வாக்குமூலம் கொடுத்துவிட்டார்!

“இந்த ஒரு வாக்குமூலமே போதும், தயாநிதியை ஸ்பெக்ட்ரம் வழக்குக்குள் இழுத்துவிட” என்று அடித்துச் சொல்கிறார்கள் டில்லி வட்டாரங்களில்.

சிவசங்கரனின் இந்த வாக்குமூலம்தான் சி.பி.ஐ.யின் துருப்புச் சீட்டு என்று தெரியவருகின்றது. அவரது வாக்குமூலத்தின் சப்போர்ட்டிங் எவிடென்ஸ்களாக மற்றைய ஆதாரங்கள் பலவற்றை சி.பி.ஐ. ஏற்கனவே சேகரித்து வைத்திருந்தது. இப்போது அந்த ஆதாரங்கள் அனைத்துமே உயிர்பெறப் போகின்றன. தயாநிதிக்கு எதிராகத் திரும்பப் போகின்றன.

ஸ்பெட்ரம் வழக்கில் இரண்டாவது குற்றப் பத்திரிகையில் இடம்பெறாமல் தயாநிதி தப்பிக் கொண்டதன் காரணமே, இதிலுள்ள அவரது தொடர்பு பற்றிய வாக்குமூலத்தை உரியவர்கள் யாரும் கொடுத்திருக்கவில்லை.

இதனால், தயாநிதிக்கு எதிரான ஆதாரங்கள் கைவசம் இருந்த நிலையிலும், வழக்கில் அது பற்றிப் பிரஸ்தாபிக்கவில்லை சி.பி.ஐ.

இப்போதுதான் அதற்குரிய வேளை வந்திருக்கிறது. இதில் தொடர்புடைய சிவசங்கரனே சி.பி.ஐ.யிடம் வாக்குமூலம் கொடுத்திருக்கிறார். அதையடுத்து, வசமாகச் சிக்கிக்கொண்டார் தயாநிதி.

முன்னாள் மத்திய அமைச்சர் ராசாமீது ஸ்பெக்ட்ரம் குற்றச்சாட்டுகள் கிளம்பி, அது பற்றிக் கொண்ட நாட்கள் ஞாபகமிருக்கிறதா? அப்போதெல்லாம் ஆ.ராசா தனக்கும் இதற்கும் தொடர்பில்லை என்று மறுத்துக் கொண்டிருந்தார். அவரது மறுப்பு அறிக்கைகள் அனைத்திலும், இறுதியில் மங்களம் பாடுவதுபோல ஒரு வாக்கியம் தவறாமல் இடம்பெற்றிருந்தது.

“எனக்குமுன் இந்தத் துறையில்அமைச்சராக இருந்த தயாநிதி என்ன செய்தாரோ, அதையேதான் நானும் செய்தேன்” என்பதே ராசா பாடிவந்த மங்களம்!

அப்போது, அதற்கு அர்த்தம் ஏதுமில்லை. இப்போது, அர்த்தம் பொதிந்த வாக்கியமாக மாறியிருக்கிறது, ஆண்டிமுத்து ராசாவின் மங்களம்!

தமிழகத்திலிருந்து இரண்டாவது மத்திய அமைச்சர், திகாருக்குச் செல்லவுள்ளார்! வழியனுப்பத் தயாராகுங்கள்!!
நன்றி viruviruppu

மீண்டும் ஒருமுறை சொல்கிறேன், குற்றம் சுமத்துபவர்கள் அனைவரும் குற்றவாளிகளாக இருக்க வாய்ப்பில்லை! கதை அருமை. பாராட்டுக்கள்.

ஜெயில் க்கு போனமட்டும் உடனே தூக்குள போடுற மாதிரிதான்! ரசாவுடன் சேர்ந்து இவரும் பாட்மிட்டான் விளையாட போகிறார்!

அருண் wrote:ஜெயில் க்கு போனமட்டும் உடனே தூக்குள போடுற மாதிரிதான்! ரசாவுடன் சேர்ந்து இவரும் பாட்மிட்டான் விளையாட போகிறார்!

மிகவும் ரசித்தேன் அருண்.

அசுரன் wrote:

அருண் wrote:ஜெயில் க்கு போனமட்டும் உடனே தூக்குள போடுற மாதிரிதான்! ரசாவுடன் சேர்ந்து இவரும் பாட்மிட்டான் விளையாட போகிறார்!

மிகவும் ரசித்தேன் அருண்.

நன்றி அண்ணா! அப்படி இருக்கு நம்ம இந்தியா சட்டம்! மாற்றி திருத்த வேண்டும் அண்ணா,,

இவரையும் திகாருக்கு வழியனுப்பிட வேண்டியதுதான்