கொஞ்சம் வித்தியாசமாய் (ஒரு அடிமையின் குரல் )....

**rameshnaga** · **rameshnaga** Tue Jun 07, 2011 7:19 pm

முதுமக்கள் தாழியிலிருந்து கேட்கிறது
உனது குரல்.
உனது உடலைப் பதப் படுத்தி வைத்திருந்தோம்
நாங்கள்.
புராதனங்களை அகழ்ந்தவர்கள்-
உன்னை அறிய முயல்கிறார்கள்
உனது கல்லறையிலிருந்து.
கற்பிதங்களால் உன்னை உயர்வாக்குகையில்-
யாருக்கும் கேட்காமல் தேய் ....ந்து
ஒலிக்கிறது -
கூடவே புதையுண்ட ஒரு அடிமையின் குரல்.

**rameshnaga** · **rameshnaga** Tue Jun 07, 2011 8:53 pm

உங்களின் கருத்தைப் பதிவு செய்யுங்களேன் ?

**கே. பாலா** · **கே. பாலா** Tue Jun 07, 2011 9:42 pm

முதுமக்கள் தாழியில் மட்டும்தானா!? கோயில்களில் , யாரோ ஒருவரின் சாதனையாக சொல்லபட்டுவரும் அணைக்கட்டுகளில் , இங்கிருந்தும் வந்துகொண்டுதான் இருக்கிறது கூடவே புதையுண்ட ஒரு அடிமையின் குரல்....ஆனால் கேட்பது என்னவோ உங்களைப் போன்ற கவிஞர்களுக்கு மட்டும்தான் பாராட்டுக்கள், கொஞ்சம் வித்தியாசமாய் (ஒரு அடிமையின் குரல் ).... 224747944