கவர்னர் பர்னாலா 20ந் தேதி ஓய்வுபெறுகிறார்: அடுத்த கவர்னர் யார்? அரசியல் வட்டாரத்தில் பரபரப்பு

3.11.2004 அன்று சுர்ஜித் சிங் பர்னாலா தமிழக கவர்னர் பொறுப்பை ஏற்றார். அவரது பதவிக்காலம் முடிந்தவுடன் 20.6.2006 அன்று மீண்டும் கவர்னராக நியமிக்கப்பட்டார். அவரது 5 ஆண்டு பதவிக்காலம் 20 ந் தேதியுடன் முடிவடைகிறது. அன்றைய தினம் கவர்னர் பர்னாலா பதவியில் இருந்து ஓய்வு பெறுகிறார்.

அவருக்கு பிறகு புதிய கவர்னராக யார் நியமிக்கப்படுவார்? என்று பல்வேறு யூகங்கள் அரசியல் வட்டாரத்தில் பரவி வருகின்றன.



இந்த நிலையில், தற்போது உத்தரகாண்ட் மாநில கவர்னராக இருக்கும் மார்க்கரெட் ஆல்வா தமிழக கவர்னராக நியமிக்கப்படுவாரா? என்று டெல்லி அரசியல் வட்டாரத்தில் பரபரப்பாக பேசப்பட்டு வருகிறது.



தமிழக கவர்னராக நியமிக்கப்படுவார் என்று எதிர்பார்க்கப்படும் மார்க்கரெட் ஆல்வாவுக்கு 69 வயது ஆகிறது. கர்நாடகா மாநிலம் மங்களூர் மாவட்டத்தைச் சேர்ந்தவர். வக்கீல், சமூக சேவகர், தொழிற்சங்கவாதி என பல்வேறு பரிமாணங்களை கொண்டவர். மார்க்கரெட் ஆல்வா, 1974 ம் ஆண்டு முதல் தொடர்ந்து 4 முறை டெல்லி மேல்சபைக்கு தேர்ந்தெடுக்கப்பட்டவர் என்பது குறிப்பிடத்தக்கது.



மார்க்கரெட் ஆல்வாவை தமிழக கவர்னராக நியமித்தால் அவருக்கும், முதல் அமைச்சர் ஜெயலலிதாவுக்கும் நன்கு ஒத்துப்போகும் என்று மத்திய அரசு கருதுவதாக செய்திகள் வெளியாகி உள்ளன. மேலும், மார்க்கரெட் ஆல்வாவும் தமிழகத்தில் பணியாற்ற விரும்புகிறார் என்று தெரிகிறது. எனவே, பர்னாலாவுக்கு பிறகு மார்க்கரெட் ஆல்வா தமிழக கவர்னராக நியமிக்கபயூபடுவதற்கு அதிக வாய்ப்புகள் உள்ளதாக டெல்லி அரசியல் வட்டாரங்கள் தெரிவித்தன.



விழியே பேசு

H.R. பரத்வாஜ் மாதிரி ஒரு ஆளுநரை தமிழ்நாட்டுக்கு போடுங்கப்பா.

நவீன் சாவ்லா ,,,

நவீன் சாவ்லாவை விட சோ. ராமசாமி கரெக்டா இருப்பார்.