ஹன்சிகாவுடன் திடீர் நெருக்கம்: பிரபுதேவா-நயன்தாரா காதல் முறிவு?

தாமு · தாமு Tue Jun 07, 2011 10:47 am

நயன்தாரா தற்போது ராமராஜ்ஜியம் என்ற படத்தில் சீதையாக நடித்து வருகிறார். ஐதராபாத்திலேயே தங்கியுள்ளார். பிரபு தேவாவும் அவருடன் தான் இருந்தார். ஜெயம்ரவி, ஹன்சிகா மோட்வானியை ஜோடியாக்கி எங்கேயும் காதல் என்ற படத்தை பிரபு தேவா இயக்கினார். அப்போது பிரபுதேவாவும், ஹன்சிகாவும் நெருங்கி பழகுவதாக கிசுகிசுக்கள் வந்தன. இருவரும் ஒருவரையொருவர் புகழ்ந்தும் திறமையை பாராட்டியும் பேட்டியளித்தனர். இது நயன்தாராவுக்கு எரிச்சலை ஏற்படுத்தியது. அப்போது இருவருக்குள் லேசான கருத்து வேறுபாடு தலைதூக்கியது.

பிரகாஷ்ராஜ் போன்ற நட்பு நடிகர்கள் சமரசம் செய்து சேர்த்து வைத்தனர். இப்போது மீண்டும் அவர்களுக்குள் தகராறு ஏற்பட்டுள்ளது என்கின்றனர். "எங்கேயும் காதல்" படம் சமீபத்தில் ரிலீசானது. அதன் பிறகும் ஹன்சிகாவும், பிரபுதேவாவும் நெருங்கி பழகுவதாகவும் போனில் பேசுவதாகவும் ஓட்டல்களில் சந்திப்பதாகவும் நயன்தாரா காதுக்கு வந்தன. இதுவே தகராறு முற்ற காரணம் என கூறப்படுகிறது. நயன்தாராவை திருமணம் செய்வதற்காகவே முதல் மனைவி ரம்லத்தை விவாகரத்து செய்ய முன் வந்தார். இதற்காக ரம்லத்துக்கு வீடுகள், சொத்துக்கள், ரொக்கப் பணம் போன்றவற்றை கொடுத்துள்ளார். இம்மாதம் இவ்வழக்கின் தீர்ப்பு வெளிவர உள்ளது.

அப்போது இருவருக்கும் விவாகரத்து கிடைக்கும் என எதிர்பார்க்கப்படுகிறது. ஜூலை அல்லது ஆகஸ்டு மாதம் நயன்தாரா-பிரபுதேவா திருமணம் நடைபெறும் என பேசப்பட்டது. இந்த நிலையில் அவர்களுக்குள் ஹன்சிகா புகுந்து திருமணத்தை கேள்விக்குறியாக்கி உள்ளார். காதல் ஜோடி பிரியுமா? அல்லது கருத்து வேறுபாடுகளை களைந்து ஒன்று சேருவார்களா, என்பது விவாகரத்துக்கு பிறகே தெரிய வரும்.

ts