குடிசையில் வாழ்பவருக்கு ரூ.40 கோடி பரிசு

**சிவா** · **சிவா** Mon Jun 06, 2011 1:41 pm

பிலிப்பைன்சில் மணிலா புறநகரில் உள்ள ஒரு குடிசைப் பகுதியில் 60 வயது ஏழை முதியவர் வசித்து வருகிறார். தச்சுத் தொழிலாளியான அவருக்கு 6 குழந்தைகள் உள்ளனர். அனைவருமே, சின்னஞ்சிறு குடிசையில் வசிக்கின்றனர். இந்த நிலையில், சில நாட்களுக்கு முன் அவர் வாங்கிய ஒரு லாட்டரி சீட்டில் ரூ.40 கோடி (8 மில்லியன் டாலர்) பரிசு விழுந்துள்ளது. அந்த நாட்டு லாட்டரி சீட்டுகளில் இரண்டாவது பெரிய பரிசுத் தொகை இதுவாகும்.

இதன் மூலமாக குடிசையில் இருந்து ஒரே நாளில் கோடீஸ்வரராகி இருக்கிறார், அந்த முதியவர். பரிசு விழுந்த தகவலை, பிலிப்பைன்ஸ் கருவூல அதிகாரிகள் தெரிவித்துள்ளனர். பரிசுத் தொகையில் முதல் வேலையாக பெரிய அளவிலான ஒரு வீட்டை வாங்க அவர் முடிவு செய்திருக்கிறார். மேலும், தனது குழந்தைகளுக்கு நல்ல கல்வி அளிக்கவும் தீர்மானித்துள்ளார். ஏனெனில், அவருக்கு படிப்பறிவு கிடையாது.