அதிர்ச்சியில் இருக்கும் தி.மு.க.

Guest · Guest Sun Jun 05, 2011 11:45 am

05.06.11 ஹாட் டாபிக் கடந்தமுறை மைனாரிட்டி அரசாக இருந்த
தி.மு.க. இந்த முறை மைனாரிட்டி கட்சியாக மாறிவிட்டது. எதிர்க்கட்சி
நாற்காலியையும் விஜயகாந்த் பறித்துக் கொண்டதால், அதிர்ச்சியில் இருக்கும்
தி.மு.க., சட்டமன்றத்தில் தன்னுடைய கட்சி அந்தஸ்தையும் இழந்து குழுவாக மட்டுமே
செயல்பட முடியும்.
நடந்து முடிந்த சட்டமன்றத் தேர்தலில், தி.மு.க. 119 இடங்களில் போட்டியிட்டு,
வெறும் 23 இடங்களில் மட்டுமே வெற்றி பெற்றது. இந்நிலையில், ஸ்டாலின்
சட்டமன்றக் கட்சித் தலைவராக தேர்வு செய்யப்பட்டுள்ளார். இது அவை விதிமுறையை
மீறிய செயல் என்கிற குற்றச்சாட்டு எழுந்துள்ளது.
தமிழக சட்டப்பேரவை விதி எண் 2-ன் படி, மொத்த சட்டப் பேரவை உறுப்பினர்களில்
பத்து சதவிகிதம் உறுப்பினர்களைக் கொண்ட கட்சிக்கு மட்டுமே சட்டசபையில் கட்சி
அந்தஸ்து கொடுக்கப்படும். அந்த வகையில் தமிழக சட்டமன்றப் பேரவையில் கட்சி
அந்தஸ்தைப் பெறுவதற்கு ஒரு கட்சி இருபத்து நான்கு உறுப்பினர்களைக் கொண்டிருக்க
வேண்டும்.
இருபத்து நான்கு உறுப்பினர்களுக்குக் கீழே, எட்டுப் பேருக்குக் குறையாத
உறுப்பினர்களைக் கொண்டிருக்கும் அணியை சட்டமன்றக் குழு என்றுதான் அழைக்க வேண்
டும். அதன்படி, தேர்தல் ஆணையத்தால் அங்கீகரிக்கப்பட்டு ஒரு பொதுச்சின்னம்
வழங்கப்பட்ட கட்சியாக இருந்தாலும், குறிப்பிட்ட எண்ணிக்கைக்குக் குறைவான எண்
ணிக்கையே தி.மு.க கொண்டிருப்பதால் அதனை சட்டமன்றக் குழு என்றுதான் அழைக்க
வேண்டும்.
கடந்த முறை முப்பதுக்கும் மேற்பட்ட உறுப்பினர்கள் இருந்ததால் காங்கிரஸ் ‘கட்சி’
என்கிற அங்கீகாரத்தைப் பெற்றிருந்தது. தற்போதைய தேர்தல் முடிவின்படி
தே.மு.தி.க. வைத் தவிர வேறு எந்தக் கட்சியும் சட்டமன்றக் கட்சி என்ற
அங்கீகாரத்தை பெற முடியாது.
இந்நிலையில், தி.மு.க. எம்.எல்.ஏ.க்கள் கூட்டம்கடந்த 25-ம் தேதி கருணாநிதி
தலைமையில் நடந்தது, இக்கூட்டத்தில் சட்டமன்றக் கட்சித் தலைவராக ஸ்டாலின்,
துணைத் தலைவராக துரைமுருகன் கொறடாவாக சக்கரபாணி ஆகியோர் தேர்ந்தெடுக்கப்பட்டதாக
கட்சியின் தலைமை அறிவித்துள்ளது. இதன்மூலம் தி.மு.க.வின் தலைமைப் பொறுப்பிற்கு
ஸ்டாலின்தான் தேர்ந்தெடுக்கப்படுவார் என்று கருணாநிதி வெளிப்படுத்தியுள்ளார்.
ஆறாவது முறையாக முதல்வர் நாற்காலியில் அமர ஆசைப்பட்ட கருணாநிதிக்கு சட்டப்பேரவை
விதிகள் தெரியாமல் போனது ஆச்சரியம்தான் என்கிறார்கள் முன்னாள் பேரவைத்
தலைவர்கள்.
ஒற்றன்

ரபீக் · ரபீக் Sun Jun 05, 2011 11:46 am

யானைக்கும் அடி சறுக்கும் !!!!

**ந.கார்த்தி** · **ந.கார்த்தி** Sun Jun 05, 2011 11:57 am

ரபீக் wrote:யானைக்கும் அடி சறுக்கும் !!!!

ராசுக்குட்டி · 01/06/2011

ஆறாவது முறையாக முதல்வர் நாற்காலியில் அமர ஆசைப்பட்ட கருணாநிதிக்கு சட்டப்பேரவை
விதிகள் தெரியாமல் போனது ஆச்சரியம்தான்
-நன்றி ரோஜாகாந்தி

அப்துல்லாஹ் · அப்துல்லாஹ் Sun Jun 05, 2011 1:26 pm

இரண்டு உறுப்பினர்கள் மட்டுமே வென்று அவர்களும் சபைக்கு சென்று பணியாற்றிய கடந்த் கால அனுபவம் தி மு க விற்கு உண்டு. நோய் மீண்ட புத்துடலைப் போல தோற்ற பின் மீண்டும் பாடம் கற்று ஆரோக்கிய அரசியலுக்கு தன்னை மீண்டும் தயார் படுத்துவார்கள். எதிர்காலம் என்பது எல்லோருக்கும் பொது.
நன்றி உதுமான் தங்களின்பகிர்வுக்கு....

மஞ்சுபாஷிணி · மஞ்சுபாஷிணி Sun Jun 05, 2011 1:47 pm

சரியே.....

பாலாஜி · பாலாஜி Sun Jun 05, 2011 3:10 pm

அப்துல்லாஹ் wrote:இரண்டு உறுப்பினர்கள் மட்டுமே வென்று அவர்களும் சபைக்கு சென்று பணியாற்றிய கடந்த் கால அனுபவம் தி மு க விற்கு உண்டு. நோய் மீண்ட புத்துடலைப் போல தோற்ற பின் மீண்டும் பாடம் கற்று ஆரோக்கிய அரசியலுக்கு தன்னை மீண்டும் தயார் படுத்துவார்கள். எதிர்காலம் என்பது எல்லோருக்கும் பொது.
நன்றி உதுமான் தங்களின்பகிர்வுக்கு....

மிக சரியாக சொன்னீர்கள் ..... இரண்டு உறுப்பினர் இருந்தாலும் கருணாநிதி சட்ட சபைக்கு செல்ல வில்லை . பரிதி மட்டும் தனியா சென்று வாதத்தில் பங்கேற்று
பலமுறை சபாநாயகர் மூலம் வெளியேற்ற பட்டவர். நிச்சயம் தமிழ்க மக்கள் ஆட்சி மாற்றத்தை விரும்புவர்கள் ..

மு.க ஸ்டாலின் தலைமையில் தி.மு.க வலு பெற வாய்ப்பு உள்ளது எப்பொழுது என்றால் மற்ற வாரிசுகள் மாநில கட்சி பணியில் ஈடுபடாதவரை..

alwin · alwin Sun Jun 05, 2011 4:49 pm

தி மு க - திராவிட முன்னேற்ற கழகம் அல்ல. திரு .மு.கருணாநிதியின் வாரிசுகள் முன்னேற்ற கழகம். அங்கே மற்ற வாரிசுகள் தலையீடு இல்லாமல் இருக்குமா.

பாலாஜி · பாலாஜி Sun Jun 05, 2011 4:56 pm

alwin wrote:தி மு க - திராவிட முன்னேற்ற கழகம் அல்ல. திரு .மு.கருணாநிதியின் வாரிசுகள் முன்னேற்ற கழகம். அங்கே மற்ற வாரிசுகள் தலையீடு இல்லாமல் இருக்குமா.

உங்கள் கருத்துக்களை அதே திரியில் மறுமொழியிட மூலம் பதியலாம் , தனியாக திரி தேவை இல்லை அதனால்தான் உங்கள் திரியை பழைய திரியுடன் இணைத்துவிட்டேன் ....நண்பரே ..