நினைவுகளின் நெடி....

by மஞ்சுபாஷிணி Mon Jun 06, 2011 1:50 pm

நினைவுகளின் நெடி
நிலைகுலைய வைக்கிறது

துரோகங்களின் கணக்கோ
தலைச்சுற்ற வைக்கிறது

பிரிவின் வேதனையோ
உயிரை வதைக்கிறது

செய்த தவறுகளை
மறந்து மன்னித்துவிட்டால்
ஆசுவாசம் கிடைக்குமா?

மன்னிக்கும் மனப்பாங்கு
மனிதனுக்கு இருக்குமா?

மறக்கும் சக்தி
உள்ளத்துக்கு உண்டா?

விடை தெரியாத கேள்விகள்
விடியும்வரை அலைக்கழிக்கிறது

உறக்கம் மறுத்த விழிகளோ
விட்டம் வெறிக்கிறது

முடிவற்ற தொடராய்
இதயம் வலிக்கச்செய்கிறது

செயல்களின் காரணகர்த்தா
இறைவன் என்றால்

விதி என்றுச்சொல்லி
சமாதானம் அடையலாம்

மனிதனின் சதி என்றால்
பொறுமையாய்
அமைதியாய்
மௌனமாய்
இருந்துவிடலாம்....

by ஜாவிட் ரயிஸ் Mon Jun 06, 2011 2:03 pm

கலக்குறீங்க அக்கா... அருமையான கவிதை... கவிதையின் அந்தத்தில் எனக்குள் ஒரு
கேள்விக்குறி..
இறைவனும் இல்லை, மனிதனும் இல்லை என்றால் சதி செய்வது காலமா? இயற்கையா?

by அன்பு தளபதி Mon Jun 06, 2011 2:06 pm

by மஞ்சுபாஷிணி Mon Jun 06, 2011 2:09 pm

jawid_raiz wrote:கலக்குறீங்க அக்கா... அருமையான கவிதை... கவிதையின் அந்தத்தில் எனக்குள் ஒரு
கேள்விக்குறி..
இறைவனும் இல்லை, மனிதனும் இல்லை என்றால் சதி செய்வது காலமா? இயற்கையா?

சந்தேகமே இல்லை காலமே தான் ஜாவித்... நல்லவரை கெட்டவராக காட்டுவதும் கெட்டவரை நல்லவராக காட்டுவதும் காலத்தின் போக்கே தான் ஜாவித்...

அன்பு நன்றிகள் ஜாவித்...

by ஜாவிட் ரயிஸ் Mon Jun 06, 2011 2:15 pm

மஞ்சுபாஷிணி wrote:
jawid_raiz wrote:கலக்குறீங்க அக்கா... அருமையான கவிதை... கவிதையின் அந்தத்தில் எனக்குள் ஒரு
கேள்விக்குறி..
இறைவனும் இல்லை, மனிதனும் இல்லை என்றால் சதி செய்வது காலமா? இயற்கையா?

சந்தேகமே இல்லை காலமே தான் ஜாவித்... நல்லவரை கெட்டவராக காட்டுவதும் கெட்டவரை நல்லவராக காட்டுவதும் காலத்தின் போக்கே தான் ஜாவித்...

அன்பு நன்றிகள் ஜாவித்...

காலமும் இறைவனாலே தீர்மானிக்கப்படுவது தானே? விதி என்று விட்டுவிடலாம் :afro:

by மஞ்சுபாஷிணி Mon Jun 06, 2011 2:16 pm

அப்படியே ஜாவித்.... புன்னகை

by அப்துல்லாஹ் Mon Jun 06, 2011 2:25 pm

மன உணர்வுகளின் வெளிப்பாட்டை நீங்கள் வெளிப்படுத்திய விதம் அருமை..
அவை கடல் போல விளிம்பில் பேரிரைச்சலுடன் அலையடித்தாலும் அமைதியுடன் உங்களின் கடெசி வரியில் சொன்னது போல் மௌனத்தினால்ஆழ்கடல் போல அமைதியைப் பெற முடியும் என மிக எளிதாக உணர்த்தி விட்டீர்கள்.

by மஞ்சுபாஷிணி Mon Jun 06, 2011 2:35 pm

maniajith007 wrote:

பைரேட்ஸ் அவதார் சூப்பர் மணி....எந்த கப்பல் கொள்ளையடிக்க கிளம்பிட்டே? புன்னகை

by செய்தாலி Mon Jun 06, 2011 3:10 pm

ஒவ்வொரு மனிதர்களின் அகத்தில் விடையின்றி அலைந்து திரியும் வினாக்கள்
வரிகளில் சலனங்களால் நித்திரை தொலைத்த ஆழ்மனம்

ஆழமான சிந்தனை தோழி பாராட்டுக்கள் வாழ்த்துக்கள்

by அப்துல்லாஹ் Mon Jun 06, 2011 3:24 pm

வினாக்களுக்கு விடைகளாய் கேள்விக்குறிகளாய் மனிதன்
கைகளும் பைகளும் பிறரின் வஞ்சத்தால் நிரம்பிய பின்னும்
அகமெல்லாம் துரோகத்தின் உமிழ்நீர் வடிய வாடிய அவனும்
கூனிக் குறுகி குலை நடுங்கி ..............

தொடருங்கள் செய்தாலி