கருமுட்டைகளை தானம் செய்ததன் மூலம் 19 குழந்தைகள் பிறப்பதற்கு காரணமாக இருந்த பெண்

by **சிவா** Mon Jun 06, 2011 1:45 pm

ஆஸ்திரேலியாவில் உள்ள மெல்போர்ன் நகரை சேர்ந்தவர் பெய்த் ஹாக். 41 வயதான இவர் உலக சாதனை நிகழ்த்தி இருக்கிறார். குழந்தைகள் இல்லாமல் தவித்த தம்பதிகளுக்கு தன் உடலில் இருந்து கருமூட்டைகளை தானமாக வழங்கினார். இதன் மூலம் 19 குழந்தைகள் பிறந்தன. கருமுட்டைகளை தானம் செய்வதற்காக அவர் உலகம் முழுவதும் பல நாடுகளுக்கு சென்று இருக்கிறார். அவர் இந்தியாவுக்கும் கூட வந்து இருக்கிறார்.

17 ஆண்டுகளுக்கு முன்பு கருமுட்டை தானம் செய்யக்கூடிய பெண் தேவை என்று ஒரு பத்திரிகையில் வெளியான விளம்பரத்தை பார்த்து அவர் முதன் முதலாக கருமுட்டையை தானம் செய்ய தொடங்கினார். அது முதல் தொடர்ந்து தானம் செய்து வருகிறார். இதனால் பக்க விளைவு ஏதும் ஏற்படவில்லை என்கிறார்.