தாய்ப்பால் தயாரிக்கும் இயந்திரங்கள் தயார்.

தாமு · தாமு Mon Jun 06, 2011 5:33 am

தன் இரத்தத்தை பாலாக மாற்றி கொடுக்கும் பசுக்களையும் மரபணு மாற்றம் மறப்பதாயில்லை. தாய்ப்பாலுக்கு நிகர் தரணியில் இல்லை என்ற காலம் மாறி, தாய்ப்பாலை தயாரிக்கும் இயந்திரங்கள் உருவாகப் போகின்றன. என்ன அதிர்ச்சியா இருக்கா?

தாய்ப்பாலின் தனித்துவமே, அது நோய் எதிர்ப்பு சக்தியை குழந்தைகளுக்கு கொடுக்குமென்பதுதான். எப்படி நோய் எதிர்ப்பு சக்தி கிடைக்கிறது? தாய்ப்பாலில் 'லைசோசைம்' எனும் புரதம் உள்ளது. இந்த புரதமே, தாய்ப்பால் குடிக்கும் குழந்தைகளுக்கு நோய் எதிர்ப்பு சக்தி அளிக்கிறது. இது தெரிந்து விட்டால் போதாதா, நம் சீன விஞ்ஞானிகளுக்கு!
சீப்பான பொருள் வேணும்னா, சீன சந்தையில் சீக்கிரம் கிடைக்குமென்பர். இன்று, சீன வேளாண் விஞ்ஞானிகள், தாய்ப்பாலுக்கு ஈடான சத்துக்கள் கொண்ட பாலைத் தரும் பசுக்களை, மரபணு மாற்றம் மூலம் உருவாக்கியுள்ளனர்.

முதற்கட்டமாக, முன்னூறு மரபணு மாற்றம் செய்யப்பட்ட பசுக்களை உருவாக்கியுள்ளனர். அந்த பசுக்களுக்கும், நம் வீட்டு பசுக்களுக்கும் வேறுபாடு இருக்காது. இந்த பசுக்கள் தரும் பால், சாதாரண பசுக்கள் தரும் பாலை விட சுவையாக இருக்கும். சத்துக்களும் அதிகமிருக்கும். இந்த பாலை, குழந்தைகள் பருகினால், பாதிப்பு ஏதும் ஏற்படுமோ என்று பயம் வந்தது.
மனித மரபணுக்களை பசுக்களுக்கு தந்து, மரபணு மாற்ற பசுக்களை உருவாக்கி வரும், சீன வேளாண் விஞ்ஞானி 'நிங் லீ' இடம் வினவியபோது, இவ்வாறு உருவாக்கப்படும் பசும்பால், மற்ற பசும்பாலை போன்றே பாதுக்காப்பானது. குழந்தைகள் பருக கொடுக்கலாம், பக்க விளைவுகள் ஏற்படுத்தாது என்று உறுதி அளித்துள்ளார்.
அத்தோடு நிற்க வில்லை அவர்கள் முயற்சி. லைசோசைம் அடங்கிய பாலை சுரக்க வைத்தவர்கள், அடுத்து, லாக்டோபெரின் எனும் நோய் எதிர்ப்பு திறன் கொண்ட புரதம் கொண்ட பாலைக் கொடுக்கும் வகையில், அடுத்து ஒரு மரபணு மாற்றம் செய்தனர்.
இவை போதாதென்று, மரபணு மாற்றம் மூலம், ஆல்பா லாக்டால்புமின் எனும் புரதம் செறிந்த பாலைக் கொடுக்கும் பசுக்களையும் உருவாக்கியுள்ளனர். அடுத்து, தாய்ப்பாலை விட, பசும்பாலில், கொழுப்பு மற்றும் கார்போ ஹைட்ரேட் உள்ளிட்ட பிற சத்துக்கள் குறைவு என்பதால், ஊட்டச்சத்து குறைபாடு ஏற்படுமேன்றோர் குற்றச் சாட்டு எழுந்தபோது, பசும்பாலின் கொழுப்பு மற்றும் கார்போ ஹைட்ரேட் ஆகியவற்றை அதிக்கப்படுத்தவும் முயற்சித்தனர்.

இருந்தும் என்ன, பிராணிகள் நல அமைப்பினர், மரபணு மாற்றம் பசுக்களின் உடல் நலனை பாதிக்கும் என்று போராடி வருகின்றனர். இரு வெவ்வேறு ஆய்வு களங்களில், உருவாக்கப்பட்ட 42 மரபணு மாற்றம் செய்யப்பட்ட கன்றுகளில், பத்து கன்றுகள் உடனேயும், ஆறு கன்றுகள் உருவாக்கப்பட்ட ஆறு மாதங்களுக்குள்ளும் இறந்து போயின.
டிஸ்கி:இத்தனை இடையூறுகள் இருந்தாலும், அடுத்த சில ஆண்டுகளில், தாய்ப்பாலுக்கு நிகரான பசும்பால், தகர டப்பாக்களில் தயாராய் உலா வரும். தாய்ப்பால் தயாரிக்கும் இயந்திரங்கள்தான் விரைவில் உயிரை விடும்.

FOOD

முரளிராஜா · முரளிராஜா Mon Jun 06, 2011 7:22 am

தாமு · தாமு Mon Jun 06, 2011 9:14 am

மஞ்சுபாஷிணி · மஞ்சுபாஷிணி Mon Jun 06, 2011 9:25 am

ஐயையோ

பாவம் குழந்தைகள்....

positivekarthick · positivekarthick Mon Jun 06, 2011 9:34 am

தாமு · தாமு Mon Jun 06, 2011 11:03 am

பாலாஜி · பாலாஜி Mon Jun 06, 2011 12:14 pm

மதிப்புயில்லாத , கலப்படம்யில்லாத தாய்பாலிம் கலப்படம் செய்ய
இந்த ஆராய்ச்சி பயன்படபோகிறது ...

தாய்பாலுக்கும் ஒரு விலை நிர்ணயமித்துவிட்டார்களே ... என்ன கொடுமை சார் இது

**krishnaamma** · **krishnaamma** Mon Jun 06, 2011 12:38 pm

இப்ப தான் 2 நாளைக்கு முன்னால பேப்பரில் இளம் தாய்மார்கள் அதிக அளவில் தாய்பால் கொடுக்க அரம்பித்துள்ளார்கள் என போட்டிருந்தார்கள். போச்சுடா , அதற்க்கும் ஆபத்து வந்துடுத்து சோகம்

kitcha · kitcha Mon Jun 06, 2011 1:52 pm

கலி முத்திடுச்சி, இனி என்னென்ன இந்த மாதிரி வரப்போகுதோ, தாய்ப்பால் தயாரிக்கும் இயந்திரங்கள் தயார். 56667

Sponsored content · Sponsored content

தாய்ப்பால் தயாரிக்கும் இயந்திரங்கள் தயார்.

தாய்ப்பால் தயாரிக்கும் இயந்திரங்கள் தயார்.

Re: தாய்ப்பால் தயாரிக்கும் இயந்திரங்கள் தயார்.

Re: தாய்ப்பால் தயாரிக்கும் இயந்திரங்கள் தயார்.

Re: தாய்ப்பால் தயாரிக்கும் இயந்திரங்கள் தயார்.

Re: தாய்ப்பால் தயாரிக்கும் இயந்திரங்கள் தயார்.

Re: தாய்ப்பால் தயாரிக்கும் இயந்திரங்கள் தயார்.

Re: தாய்ப்பால் தயாரிக்கும் இயந்திரங்கள் தயார்.

Re: தாய்ப்பால் தயாரிக்கும் இயந்திரங்கள் தயார்.

Re: தாய்ப்பால் தயாரிக்கும் இயந்திரங்கள் தயார்.

Re: தாய்ப்பால் தயாரிக்கும் இயந்திரங்கள் தயார்.

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக