குட்டிக் குட்டிச் சிந்தனைகள்.

**rameshnaga** · **rameshnaga** Sun Jun 05, 2011 1:11 pm

கரையில் தூண்டில் .
நீருக்குள் மீன்.
காத்திருப்பது-வரமா? சாபமா?.
***********
கூண்டுக்கிளி
கனவில் சிரிக்கிறது--
வானத்தில் சிறகுகளின் ஓசை.
************
கரை திரும்புகிறது அலை.
ஏனோ கரிக்கிறது-
ஒரு மீன் தின்ற மீனவனின் நாட்குறிப்பு.
*************
தீபாவளியின் வெடிச் சப்தத்திலும்
அயர்ந்து உறங்குகிறது
"மத்தாப்பூ" அடுக்கிய குழந்தை.
*************
"பொய்வனம்"-ஆகி விட்டது வானம்.
சீதை காட்டிய பொய் மானைக் குறி பார்க்கிறது-
வானவில்.
****************
சிறுவனின் கல்.
ஓணானின் கண்களில் உருளுவது
என்ன மொழி?
***************
கடலில் நான்.
கரையில் மிதக்கிறது
வாழ்க்கை.
*****************
வீதி உலா வருகிறார்
கடவுள்-
மனிதனைத் தேடி.
*****************
கழுகின் பார்வை
ஒளியும் குஞ்சு
எவர் கை துடைக்கும் கோழியின் துயரம்?
*********************
உதிர்கிறது பூக்கள்.
மரமாய் நிற்கிறது
மரம்.
********************