டயாலிசிஸ் நிறுத்தப்பட்டது- வாக்கிங் போகிறார் ரஜினி

முரளிராஜா · முரளிராஜா Sun Jun 05, 2011 2:04 pm

ரஜினிகாந்த்துக்கு அளிக்கப்பட்டு வந்த டயாலிசிஸ் நிறுத்தப்பட்டுள்ளது. இதையடுத்து அவர் மருத்துவமனை வளாகத்திற்குள் வாக்கிங் போக ஆரம்பித்துள்ளார்.

சிங்கப்பூரில் உள்ள மெளன்ட் எலிசபெத் மருத்துவமனையில் சிகிச்சை பெற்று வருகிறார் ரஜினிகாந்த். அவரது உடல் நலம் குறித்து அதிகாரப்பூர்வமாக எந்த செய்தியும் அவரது குடும்பத்தாரிடமிருந்தோ, மருத்துவமனையிடமிருந்தோ வெளியிடப்படவில்லை.

தற்போது அவருக்கு அளிக்கப்பட்டு வந்த டயாலிசிஸ் சிகிச்சை நிறுத்தப்பட்டுள்ளதாக தெரிகிறது. அவர் இப்போது உடல் நலம் தேறி வருவதாக தெரிகிறது. தனது அறை மற்றும் மருத்துவமனை வளாகத்தில் அவர் தினசரி அரை மணி நேரம் வாக்கிங் போகிறாராம்.

இன்னும் பத்து நாட்களுக்கு அவர் மருத்துவமனையில் தங்கியிருப்பார் என்றும் அதன் பின்னர் டிஸ்சார்ஜ் செய்யப்படுவார் என்றும் கூறப்படுகிறது. டிஸ்சார்ஜ் செய்யப்பட்ட பின்னர் அவர் ஒரு மாதம் வரை சிங்கப்பூரிலேயே தங்கியிருந்து ஓய்வெடுப்பார் என்றும் அவ்வப்போது மருத்துவமனைக்குச் சென்று பரிசோதனை செய்து கொள்வார் என்றும் அதன் பின்னர்தான் அவர் நாடு திரும்புவார் என்றும் கூறப்படுகிறது
நன்றி தட்ஸ் தமிழ்

ரபீக் · ரபீக் Sun Jun 05, 2011 2:05 pm

விலைவில் நலமுடன் நாடு திரும்ப வாழ்த்துக்கள்

அப்துல்லாஹ் · அப்துல்லாஹ் Sun Jun 05, 2011 2:16 pm

வாருங்கள் ரஜினி நலம் பெற்று திரும்புங்கள். உங்களின் ரசிகர்களின் பிரார்த்தனைகளை அவர்களின் உணர்வுகளை வாழும் காலத்திலேயே கண்டு கொண்ட நீங்கள் அவர்களை மேம்படுத்திக்கொள்ள ஆக்கப்பூர்வமாக ஆலோசனை வழங்கி அவர்களுக்கு அவர்களின் உயிரின் அருமையை உழைப்பின் பலனை உணர்த்துங்கள்.
உங்களை தமிழ்மண்ணில் மீண்டும் எதிர்பார்க்கின்றோம்.