ஜெ. வந்ததால் திருட்டு விசிடி கடைகள் மூடல்! கலைப்புலி சேகரன் ஜிங் சாக்!!

by **ந.கார்த்தி** Sun Jun 05, 2011 12:48 pm

ஜெயலலிதா தலைமையிலான அதிமுக
ஆட்சிக்கு வந்ததும் திருட்டு விசிடி கடைகள் மூடப்பட்டு விட்டன என்று
கலைப்புலி ஜி.சேகரன் கூறியுள்ளார். நடிகர் ஜெய் ஆகாஷ் இயக்கி நடிக்கும்
`ஆயுத போராட்டம் படத்தின் இசை வெளியீட்டு விழா சென்னையி்ல நடந்தது. முதல்
சிடியை இசையமைப்பாளர் விஜய் ஆன்டனி வெளியிட, டைரக்டர் பிரபு சாலமன்
பெற்றுக்கொண்டார். நிகழ்ச்சியில் திரைப்பட வினியோகஸ்தர்கள் சங்க தலைவர்
`கலைப்புலி ஜி.சேகரன் தலைமை தாங்கி பேசினார்.

அவர் பேசுகையில், `அ.தி.மு.க. ஆட்சிக்கு வந்ததும், மதுரையில்
திரைப்படங்களின் வசூல் கூடியிருக்கிறது. கேபிள் டி.வி.யில் புது படங்களை
காட்டுவதில்லை. அதனால் தியேட்டர்களுக்கு வருபவர்களின் எண்ணிக்கை
கூடியிருக்கிறது. திருட்டு வி.சி.டி. கடைகள் இழுத்து மூடப்பட்டு விட்டன.
ஆட்சி மாற்றம் ஏற்பட்டதும் வி.சி.டி. திருடர்கள் பயப்பட ஆரம்பித்து
இருக்கிறார்கள். இதுவே சினிமாவுக்கு வெற்றிதான். வி.சி.டி. திருடர்களை
முழுமையாக ஒழித்துக்கட்டுவதற்கு மாவட்டந்தோறும் திரைப்பட வினியோகஸ்தர்கள்,
தியேட்டர் அதிபர்களை கொண்ட குழு அமைக்கப்படும். தயாரிப்பாளர்களின்
ஒத்துழைப்புடன் இந்த குழுக்கள் அமைக்கப்படும். இந்த குழுவினர், திருட்டு
வி.சி.டி. பற்றி போலீசுக்கு தகவல் தெரிவித்து, நடவடிக்கை எடுக்க
உதவுவார்கள், என்று கூறினார்.

விழாவில் டைரக்டர் பிரபு சாலமன், பட அதிபர்கள் பி.எல்.தேனப்பன், விஜயமுரளி,
இசையமைப்பாளர் விஜய் ஆன்டனி, படத்தின் ஹீரோ - டைரக்டர் ஜெய் ஆகாஷ்,
கதாநாயகி அனிதா ரெட்டி உள்ளிட்டோர் கலந்து கொண்டு பேசினார்கள்.

கலைப்புலி ***ஜி.சேகரன், முதல்வரை பாராட்டி பேச வேண்டும் என்றால் வேறு
எதையாவது பேசியிருக்கலாம். எவ்வளவு கடுமையான நடவடிக்கை எடுத்தாலும்
திருட்டு விசிடிக்களை ஒழிக்க முடியாது என்பதுதான் உண்மை. நல்ல படங்களை
மக்கள் கண்டிப்பாக தியேட்டருக்கு சென்று பார்த்து ஆதரவு கொடுப்பார்கள்.
சுமாரான படங்களையும் மக்கள் தியேட்டருக்கு போய் பார்க்க வேண்டுமானால்,
தியேட்டர் கட்டணத்தை முதலில் குறைக்க வேண்டும். அதற்கு தேவையான
நடவடிக்***கையை எடுத்தாலே திருட்டு விசிடி தானாக குறையும், என்று
நிகழ்ச்சிக்கு வந்திருந்தவர்களில் சிலர் தங்களுக்குள் பேசிக் கொண்டனர்.

ஒரு படத்தில் நடிகர் லிவிங்ஸ்டனை பார்த்து வருங்கால ஜனாதிபதி வாழ்க...
என்று பாராட்டும் படியான காட்சி இடம்பெற்றிருக்கும். அப்படி பாராட்டிய நபரை
பார்த்து லிவிங்ஸ்டன், இவன் ரொம்ப ஓவரா கூவுறான்... என்று சொல்வார்.
அதேபோலதான் தமிழ் சினிமாவில் இருக்கும் சிலபல முக்கியஸ்தர்கள்
ஆளும்கட்சிக்கு ஆதரவாக பேசி, ஆட்சியாளர்களை புகழ்ந்து தள்ளியே காலம்
தள்ளுவார்கள். இவர்களின் போற்றுதல் எதற்காக என்பதைத் முழுமையாக தெரிந்து
கொண்டதால்தானே சினிமா விழாக்களில், குறிப்பாக சினிமா உலகம் நடத்தும்
பாராட்டு விழாக்களில் பங்கேற்க மாட்***டேன், என்று முதல்வர் ஜெயலலிதா
ஏற்கனவே திட்டவட்டமாக கூறிவிட்டார்.!
TMT ஜெ. வந்ததால் திருட்டு விசிடி கடைகள் மூடல்! கலைப்புலி சேகரன் ஜிங் சாக்!! 678642