கடவுள் பார்க்கும் ஆட்டம்..

by **rameshnaga** Sat Jun 04, 2011 4:07 pm

எல்லோரும் பரம பதம் ஆடிக்கொண்டிருக்கிறோம்.
பாம்புகளும், ஏணிகளும், நிறைந்த இந்த இவ் விளையாட்டில்
நாம் நமது காய்களை ஏணிகளை நோக்கியே நகர்த்துகிறோம்.
இருந்தாலும்-அடுத்தவன் பாம்பில் விழுந்து விட
கண் மூடிக், கை கட்டிப் பிரார்த்திக்கிறோம்.
ஏணியில் ஏறுபவனைப் பார்த்து பொறாமைப் படுகிறோம்.
அவன் காய்களை நகர்த்தியதில்-
கள்ளத் தனம் புரிந்ததாய் பேசத் துவங்குகிறோம்.
வாழ்க்கையை தோலுரிக்கும் இந்த ஆட்டத்தை-
கடைசி கட்டங்களில் அமர்ந்தபடி
கடவுள் பார்த்துக் கொண்டிருக்கிறார்.