சென்னைக்கு மோனோ ரயில் - ஒரு பயங்கர கேலிக்கூத்து.

கிராமத்தான் · கிராமத்தான் Sat Jun 04, 2011 9:48 am

சென்னைக்கு மோனோ ரயில் - ஒரு பயங்கர கேலிக்கூத்து.

சென்னை நகர் முழுவதையும் அடையக்கூடிய வகையில் முந்தைய அரசால் தொடங்கப்பட்ட சென்னை மெட்ரோ ரயில் திட்டம் 45 கிலோ மீட்டர் தொலைவுடன் நிறுத்தப்படும் என்று புதிய அரசு அறிவித்துள்ளது. இதற்கு பதிலாக மோனோ ரயில் திட்டம் செயல்படுத்தப்படுமாம்.

அதுவும் முதற்கட்டமாக 111 கிலோ மீட்டர் தொலைவும் அதன் நீட்டிப்பாக மொத்தம் 300 கிலோ மீட்டர் தொலைவுக்கு மோனோ ரயில் திட்டம் அமைக்கப்படுமாம். இதைப் படிக்கும் போது மயக்கமே வந்துவிடும் போலிருக்கிறது.

சென்னை மோனோ ரயில் - ஒரு உலக அதிசயம்

மோனோ ரயில் திட்டத்தில் அப்படி என்ன அதிசயம் இருக்கிறது என்று நீங்கள் கேட்கலாம்.

அவை இதோ:

1. உலகம் முழுவதும் மொத்தம் 60 மோனோ ரயில் திட்டங்களே உள்ளன (தற்போது புதிதாக அமைக்கப் படுபவைகளையும் சேர்த்து). அவற்றின் ஒட்டுமொத்த தூரம் வெறும் 400 கிலோ மீட்டர் மட்டும்தான்.

உலகிலேயே அதிக மோனோ ரயில் திட்டங்கள் உள்ள நாடு ஜப்பான் - அங்கு மொத்தம் 108 கிலோ மீட்டருக்கு மோனோ ரயில் உள்ளது. சீனா உள்ளிட்ட அனைத்து ஆசிய நாடுகளிலும் மொத்தம் 164 கிலோ மீட்டர், அனைத்து ஐரோப்பிய நாடுகளிலும் மொத்தம் 38 கிலோ மீட்டர், அனைத்து வட அமெரிக்க நாடுகளிலும் மொத்தம் 54 கிலோ மீட்டர், அனைத்து தென் அமெரிக்க நாடுகளிலும் மொத்தம் 24 கிலோ மீட்டர், ஆப்பிரிக்காவில் 6 கிலோ மீட்டர், ஆஸ்திரேலியாவில் 7 கிலோ மீட்டர் என்ற அளவில் மட்டுமே மோனோ ரயில் திட்டங்கள் உள்ளன.

ஆனால், சென்னையில் மட்டுமே 300 கிலோ மீட்டருக்கு தமிழ்நாடு அரசு மோனோ ரயில் திட்டத்தை அமைக்கப் போகிறதாம்!

2. உலகின் பெரும்பாலான திட்டங்கள் 2 அல்லது 3 கிலோ மீட்டர் தொலைவுக்கு மட்டுமே அமைக்கப் பட்டுள்ளன. வெறும் 12 திட்டங்கள் மட்டுமே 10 கிலோ மீட்டர் தொலைவுக்கு கூடுதலாக உள்ளன. 30 கிலோ மீட்டர் தொலைவுக்கு அதிகமாக ஒரேஒரு திட்டம் கூட இல்லை.

உலகின் மிகப்பெரிய மோனோ ரயில் திட்டம் என கின்னஸ் சாதனைப் பட்டியலில் இடம்பிடித்துள்ள திட்டம் ஜப்பானின் ஒசாகா மோனோ ரயில் ஆகும். இதன் நீளம் வெறும் 28 கிலோ மீட்டர்தான்.

உலக நிலவரம் இப்படி இருக்கையில் - சென்னையில் முதற்கட்டமாக 111 கிலோ மீட்டர் தொலைவும் அதன் நீட்டிப்பாக மொத்தம் 300 கிலோ மீட்டர் தொலைவுக்கு மோனோ ரயில் திட்டம் அமைக்கப்படுமாம்.

மோனோ ரயில் - கேடுகளே அதிகம்.

உலகில் மோனோ ரயில் என்பது சுற்றுலா இடங்களை சுற்றிப் பார்க்க சின்னஞ்சிறு அளவில் அமைக்கப் படுபவை. பயணிகள் போக்குவரத்திற்காக அமைக்கப்படும் எல்லா திட்டங்களும் தோல்வியிலேயே முடிந்துள்ளன. மலேசியாவின் கோலாலம்பூர், இந்தோனேசியாவின் ஜாகர்த்தா, அமெரிக்காவின் சீயாட்டில் என எல்லா திட்டங்களும் காலதாமதம் மற்றும் நிதிச்சுமை என்கிற சுழலில் சிக்கித்தவிக்கின்றன.

சென்னைக்கு மோனோ ரயில் - ஒரு பயங்கர கேலிக்கூத்து. Kl-Monorail

மலேசியாவின் 9 கிலோ மீட்டர் மோனோ ரயிலை அமைக்க 5 ஆண்டுகள் ஆயின. அதனை 8 மாதம் இயக்குவதற்கு மட்டும் 61 கோடி ரூபாய் செலவானது. இப்போது அந்த நிறுவனம் திவாலாகி 1215 கோடி ரூபாய் கடனில் மூழ்கிவிட்டது.

சீயாட்டில் நகர மோனோ ரயில் திட்டத்துக்கு ஒரு கிலோ மீட்டருக்கு 450 கோடி ரூபாய் செலவானது. இதனால் 22 கிலோ மீட்டருக்கு தொடங்கப்பட்ட திட்டம் பாதியில் கைவிடப்பட்டது.

இப்படி உலகெங்கும் மொனோ ரயில் திட்டங்கள் பல்லிளிக்கின்றன. ஆனாலும், மலேசியாவில் உள்ள மோனோ ரயில் நிறுவனங்கள் உலகின் இதர நாடுகளில் பலவிதமான தந்திரங்களைக் கையாண்டும், பொய்யான கட்டுக்கதைகளை பரப்பி ஆசை வார்த்தைக் காட்டியும் ஏமாற்றி வருகின்றன.

இப்போது - மலேசியா மற்றும் ஜப்பானின் மோனோ ரயில் நிறுவனங்களுக்கு "உலகிலேயே மிகப்பெரிய இரை" சிக்கியிருக்கிறது. அது வேறு யாருமல்ல - அப்பாவி தமிழ்நாட்டு மக்கள்தான். ஒருபோதும் சாத்தியமே இல்லாத ஒரு திட்டத்திற்காக பல்லாயிரம் கோடி பணத்தை தமிழக மக்கள் இழக்க இருக்கின்றனர்.

வாழ்க ஜனநாயகம்!

இரா.அருள்........

மகா பிரபு · மகா பிரபு Sat Jun 04, 2011 9:57 am

சென்னைக்கு மோனோ ரயில் - ஒரு பயங்கர கேலிக்கூத்து. 56667

**சிவா** · **சிவா** Sat Jun 04, 2011 10:02 am

உண்மையிலேயே தமிழக அரசின் இந்த மெகா மோனோரயில் திட்டத்தை நினைத்தால் மயக்கம்தான் வருகிறது!

மகா பிரபு · மகா பிரபு Sat Jun 04, 2011 10:03 am

இது மணப்பாறைக்கு வருமா?/

jeylakesengg · jeylakesengg Sat Jun 04, 2011 10:06 am

அடி பாவி சண்டாளி , இப்பவே கண்ணா கட்டுதே அதிர்ச்சி

அந்த சாமி த கபாதனும் , இந்த பாவி மக்களா

ஆட்ட பாவி மக்கா , உங்கள யெல்லாம் சாமி கூட காப்பது து போங்க

:அடபாவி:

சாந்தன் · சாந்தன் Sat Jun 04, 2011 11:50 am

போக்குவரத்து நெரிசலில் சிக்கி சீரழிய வேண்டும் என்பது எங்க தலை எழுத்து ......
இப்பவே மீனம்பாக்கம் முதல் கோயம்பேடு வரை செல்ல பதினைந்து கிலோமீட்டர் செல்ல இரண்டு முதல் மூன்று மணிநேரம் கூட ஒரு சில நேரம் ஆகிறது ... இந்த நிலமையிலே இதை அப்படியே கைவிட்டால் இன்னும் போக்குவரத்து நெரிசல் கூடுமே ஒழிய குறைய வாய்ப்பே இல்லை ..
கடவுள் தான் எங்களை காப்பாற்றவேண்டும் .... அதிர்ச்சி

நவீன் · நவீன் Sat Jun 04, 2011 12:43 pm

கோவை ராம் · கோவை ராம் Sat Jun 04, 2011 12:44 pm

போக்குவரத்து நெரிசல் கூட பரவாயில்லை .எந்தனை கோடி பணம் வீணாகப்போகிறதோ .அம்மாவின் அதிரடிகள் ஆரம்பித்துவிட்டன

ராம்

ரபீக் · ரபீக் Sat Jun 04, 2011 1:08 pm

தமிழக அரசியலின் சாபக்கேடு இது !!! என்ன கொடுமை சார் இது

மகா பிரபு · மகா பிரபு Sat Jun 04, 2011 1:24 pm

எங்கு சென்றாலும் Helicopter ல் செல்லும் அம்மா விற்கு எங்கே தெரியப் போகிறது போக்குவரத்து நெரிசலில் மக்கள் படும் இன்னல்களை.

Sponsored content · Sponsored content

சென்னைக்கு மோனோ ரயில் - ஒரு பயங்கர கேலிக்கூத்து.

சென்னைக்கு மோனோ ரயில் - ஒரு பயங்கர கேலிக்கூத்து.

Re: சென்னைக்கு மோனோ ரயில் - ஒரு பயங்கர கேலிக்கூத்து.

Re: சென்னைக்கு மோனோ ரயில் - ஒரு பயங்கர கேலிக்கூத்து.

Re: சென்னைக்கு மோனோ ரயில் - ஒரு பயங்கர கேலிக்கூத்து.

Re: சென்னைக்கு மோனோ ரயில் - ஒரு பயங்கர கேலிக்கூத்து.

Re: சென்னைக்கு மோனோ ரயில் - ஒரு பயங்கர கேலிக்கூத்து.

Re: சென்னைக்கு மோனோ ரயில் - ஒரு பயங்கர கேலிக்கூத்து.

Re: சென்னைக்கு மோனோ ரயில் - ஒரு பயங்கர கேலிக்கூத்து.

Re: சென்னைக்கு மோனோ ரயில் - ஒரு பயங்கர கேலிக்கூத்து.

Re: சென்னைக்கு மோனோ ரயில் - ஒரு பயங்கர கேலிக்கூத்து.

Re: சென்னைக்கு மோனோ ரயில் - ஒரு பயங்கர கேலிக்கூத்து.

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக