உயிர்கொல்லி பாக்டீரியா உஷார்!

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1 •

உயிர்கொல்லி பாக்டீரியா உஷார்!

#546190

ந.கார்த்தி
வி.ஐ.பி: பதிவுகள் : 6112
இணைந்தது : 06/04/2011

Post ந.கார்த்தி Sat Jun 04, 2011 12:34 pm

புதுடில்லி : இ-கோலி எனப்படும் உயிர்கொல்லி பாக்டீரியா நோய் தாக்கம்
வேகமாக பரவி வருகிறது. ஐரோப்பிய நாடுகளில் வேகமாக பரவி வரும் இந்நோய்க்கு
இதுவரை 1700 பேர் பாதிப்படைந்துள்ளனர். உணவு பொருட்கள் மூலமாக பரவும் இந்த
பாக்டீரியா ஹீமோலிடிக் எரெமிக் சின்‌ட்ரோம் எனும் சிறுநீரக கோளாறை
ஏற்படுத்துகிறது. இதனையடுத்து, இந்திய உணவு பாதுகாப்பு மற்றும் உணவு
தரக்கட்டுப்பாட்டுத் துறையானது எச்சரிக்கை குறிப்பு விடுத்துளது. நாட்டின் 5
பெரிய துறைமுகங்கள் மற்றும் 4 முக்கிய விமான நிலையங்களில் ஐரோப்பிய
நாடுகளில் இருந்து வந்து இறங்கும் காய்கறி, பழங்கள் போன்ற பொருட்கள்
ஆய்வுகூடத்தில் பரிசோதனைக்கு உட்படுத்தப்படும் என தெரிவிக்கப்பட்டுள்ளது.
கோல்கட்டா, ஹல்டியா, மும்பை, சென்னை துறைமுகங்கள், டில்லி, மும்பை, சென்னை,
கோல்கட்டா விமான நிலையங்களுக்கு இந்த எச்சரிக்கை விடுக்கப்பட்டுள்ளது.
இதுவரை இந்நோய்க் கிருமி பாதிப்பால் ஐரோப்பாவில் 17 பேர் இறந்துள்ளனர்.

இகோலி பாக்டீரியா : இ
கோலி பாக்டீரியா காஸ்ட்ரோகுன்டஸ்டைனல் டிராக்டில் இருக்கும் ஒரு ரக
பாக்டீரியா. ஆனால் இந்த கிருமி உற்பத்தி செய்யும் ஒரு வித நச்சு காரணமாக
உடலில் பெரும் பாதிப்பு ஏற்படும். சுத்திகரிக்கப்படாத தண்ணீர், தரமற்ற உணவு
ஆகியனவற்றை உண்பதால் இந்நோய் தாக்கக்கூடும் என தெரிகிறது. என‌வே இந்நோய்
இந்தியாவிலும் பாதிப்பை ஏற்படுத்தும் முன் தடுப்பதற்கு மத்திய அரசு
நடவடிக்கைகள் எடுத்து வருகிறது.
தினமலர் உயிர்கொல்லி பாக்டீரியா உஷார்! 678642