சின்ன..சின்ன.. சிந்தனைகள்.

by **rameshnaga** Fri 3 Jun 2011 - 21:09

First topic message reminder :

அம்மா "மம்மி"-யாகி, மம்மி "மேம்"-ஆகி
வெகு நாட்களாகி விட்டது.
அப்பாவும் டாடி - யிலிருந்து "டாட்" ஆகிவிட்டார்-
எப்போதோ.
"அப்பா", "அம்மா"-வைச் சுருக்கக் கற்றுக்கொண்டுவிட்ட
குழந்தைகள் சுருக்கி விடுகின்றன -
அவர்களின் வயதான காலங்களையும்
ஒரு முதியோர் இல்லத்தில்.
*************
மரம் தேடிப் பறவைகள் வந்தமர-
எனது கனவுகளிலோ...
பறவைகளைத் தேடிப் பறந்தும்,
நடந்தும் செல்கிறது மரம்.
***********************
அலைந்து திரிகிறேன் உனது விருப்பங்களின் பின்னால்;
அந்த முனையில் காத்திருக்கிறது -
பொய் மான்.
**********************
முற்றுப் புள்ளிக்காகக் காத்திருக்கிறேன்..
கமாக்கள் கழுத்தறுக்கின்றன.
************************
ஒவ்வொரு பூவாய் அமர்கிறது வண்ணத்துப் பூச்சி.
எனக்குள்-
பறந்து, பறந்து அமர்கிறது ஒரு கவிதை.
*******************