2ஜி ஊழலில் தொடர்பில்லை: சன் டிவி

2ஜி ஊழலில் தங்களுக்கு தொடர்பில்லை என சன் டிவி மறுப்பு தெரிவித்துள்ளது.

தங்களது நிறுவனம் மற்றும் உரிமையாளர்களின் புகழை சீர்குலைக்கும் நோக்கத்திலேயே இதுபோன்ற குற்றச்சாட்டுகள் கூறப்படுவதாக அந்த டிவி தெரிவித்துள்ளது.

சன் டிவி நெட்வொர்க் மற்றும் கலாநிதி மாறன் ஆகியோருக்கும் தற்போது நடைபெற்றுவரும் சம்பவங்களுக்கும் எந்தவிதத் தொடர்பும் இல்லை என்பதைத் தெரிவித்துக்கொள்ள விரும்புவதாக மும்பை பங்குச்சந்தையில் சன் டிவி அளித்துள்ள ஒரு ஆவணத்தில் குறிப்பிடப்பட்டுள்ளது.

தயாநிதி மாறன் குடும்பத்துக்கு சொந்தமான சன் டிவி நெட்வொர்க்கும் 2ஜி ஊழலில் பலனடைந்துள்ளதாக வெளியான தகவலையடுத்து சன் நெட்வொர்க்கின் பங்கு விலைகள் 27.9 சதவீத அளவுக்கு வீழ்ச்சி அடைந்தன.

தயாநிதி மாறனுக்கு எதிராக சிபிஐயும் முதற்கட்ட விசாரணையைத் தொடங்கியுள்ளது.

இதனிடையே 2004-07 காலகட்டத்தில் தொலைத்தொடர்பு அமைச்சராக இருந்தபோது தொலைத்தொடர்பு உரிமம் வழங்கப்பட்டதில் எந்த நிறுவனத்துக்கும் ஆதரவாக தான் செயல்படவில்லை என மாறன் கூறியுள்ளார்.

நிறுவனத்தின் புகழை சீர்குலைக்க வேண்டும் என்ற உள்நோக்கத்தோடு இதுபோன்ற குற்றச்சாட்டுகள் கூறப்படுவதாக சன் நெட்வொர்க் தெரிவித்துள்ளது.

பிஎஸ்என்எல்லின் 323 தொலைபேசி இணைப்புகளை தயாநிதி மாறன் தனது இல்லத்தில் பயன்படுத்தினார் என்று கூறப்படும் குற்றச்சாட்டையும் உறுதியாக மறுக்கிறோம் என சன் நெட்வொர்க்கின் அறிக்கையில் தெரிவிக்கப்பட்டுள்ளது.

சன் நெட்வொர்க்கிலோ, சன் டைரக்ட் டிவியிலோ தயாநிதி மாறனுக்கு சொந்தமாக எந்தப் பங்குகளும் இல்லை. சன் டைரக்ட் நிறுவன பங்குகளை சன் டிவி வைத்திருக்கவில்லை. மேலும் சன் டைரக்டில் 20 சதவீத பங்குகளை வைத்திருக்கும் மேக்ஸிஸ் நிறுவனத்துடனும் எந்தவிதத் தொடர்பும் சன்டிவிக்கு இல்லை என சன் நெட்வொர்க் தெரிவித்துள்ளது.

இத்தகைய குற்றச்சாட்டுகளால் வர்த்தகம் எந்த விதத்திலும் பாதிக்கப்படாது என்று அந்த நிறுவனம் நம்பிக்கை தெரிவித்துள்ளது.

சன் குழுமம் இந்தியாவில் மிகப்பெரிய ஊடக குழுமமாகும். 20 தொலைக்காட்சி சேனல்கள், 45 வானொலி நிலையங்கள், 4 சஞ்சிகைகள், 2 தினசரிகள், ஒரு டிடிஎச் சேவை நிறுவனம் ஆகியவை சன் குழுமத்தில் உள்ளன.

சன் டிவியில் மாறன் குடும்பத்தினர் மார்ச் 2011 நிலவரப்படி 77 சதவீதப் பங்குகளை வைத்துள்ளனர்.

இந்தக் குழுமம் சன் பிக்சர்ஸ் என்ற தயாரிப்பு நிறுவனத்தின்கீழ் திரைப்படங்களை தயாரித்து விநியோகிக்கிறது. மேலும் தமிழகம் முழுவதும் சன் கேபிள் விஷன் என்ற பெயரில் கேபிள் விநியோக நிறுவனத்தையும் நடத்துகிறது.

மேலும் ஸ்பைஸ்ஜெட் விமானநிறுவனமும் இந்த குழுமத்துக்கு சொந்தமானதுதான் என்பது குறிப்பிடத்தக்கது.

-- தினமணி

பொய் சொல்லாத

பாவம் இவங்களுக்கு எதுவுமே தெரியது ஒழுக்க சீலர்கள் மாறன் குடும்பத்தார் மக்களே இவர்களை மன்னித்து விட்டுவிடுங்கள் தப்பு செய்யவும் ஊழல்செய்யவும் மாறன் சகோதர்களுக்கு தெரியவே தெரியாது.

ஊழலில் தொடர்பிருக்கு பட் 2க ல இல்ல

எப்பவாவது உழல்னா பரவால்ல எப்ப பாத்தாலும் உழல் எல்லாத்துலையும் உழல்
காது மேல அறையனும் இவனுகள...