காலம் காலமாய் அப்பாவும், நானும், எனது பிள்ளைகளும்..

**rameshnaga** · **rameshnaga** Mon 30 May 2011 - 23:08

என்னைப் பற்றிய எதையும் அப்பா -
மேட்டுத்தெரு ஜோசியர் மாமாவிடம்தான்
கேட்டுத் தெரிந்து கொள்வார்.
கண்ணுக்குக் கீழே யானையே தெரியாத தன்
கண்ணாடியின் வழியாய்-
அப்பா தரும் பூச்சி அரித்த காகிதத்திலிருக்கும்
பனிரண்டு கட்டங்களை உற்றுப் பார்த்தபடி
இன்னும் அறுபது வருஷங்களுக்கு -
நான் எப்படி இருப்பேன் என்று கண்டு பிடிப்பார்.
என் மனைவி, சுற்றம் , வேலை -எல்லாம் ...
இப்படி வாய்த்ததுதான்.
இத்தனை வயதில் -
நானும் அப்பாவைப் போலவே இருக்கிறேன்
மேட்டுத் தெரு மாமாவின் பையனை நம்பி..
என்றாலும்-
என் பிள்ளைகள் என்னைப் போல் இல்லை.
ஏதாவது பிரச்சினை என்றால்-
"ராஜா"-என்கிற தன்னுடைய பெயரை
"ர ஆஆஆ ஜ ஆஆ "-என்று மாற்றி சமாளித்து விடுகிறான்.

**கே. பாலா** · **கே. பாலா** Tue 31 May 2011 - 9:25

ஜோதிடத்தையும் , எண்கணிதத்தையும் , நம்பி வாழ்க்கையை நழுவ விடுபவர்களுக்கு . சரியான சவுக்கடி. இக்கவிதை. பாராட்டுக்கள் காலம் காலமாய் அப்பாவும், நானும், எனது பிள்ளைகளும்.. 677196