கலைஞர் டிவிக்கு எப்ப மூடு விழா?

by தாமு Fri 3 Jun 2011 - 12:53

First topic message reminder :

2G ஸ்பெக்ட்ரம் வழக்கில் 210 கோடி லஞ்சம் வாங்கிய வழக்கில் கருணாநிதியின் குடும்பத்துக்கு சொந்தமான கலைஞர் டிவி யின் 20% பங்கு வைத்திருக்கும் நிர்வாக இயக்குனராகிய சரத்குமாரும் 20% பங்குகளை வைத்திருக்கும் கனிமொழியும் இப்பொழுது திகார் ஜெயிலில் உள்ளனர். மீதி 60% பங்குகளை வைத்திருக்கும் தயாளு அம்மாள் சில நாட்களில் இவர்களுடன் திகார் ஜெயிலில் ஐக்கியமாக உள்ளார்.

இந்நிலையில், அமலாக்க பிரிவு, இந்த ஊழலில் சம்பந்த பட்ட கலைஞர் டி.வி பங்கு தாரர்களின் வங்கி கணக்குகளையும், கலைஞர் டிவியின் வங்கி கணக்கையும் முடக்க நடவடிக்கை எடுத்து வருகிறது. அத்துடன் சானலின் லைசென்ஸ்சும் ரத்து செய்யப்படும் என எதிர் பார்க்கப்படுகிறது.

கடந்த 23-ம் தேதியன்று கம்பெனியின் இயக்குனர் பி.அமிர்தம் ஊழியர்களை வைத்து கூட்டம் ஒன்றை நடத்தியுள்ளார். அப்பொழுது, கம்பெனி புதிய இரண்டு சானல்களை துவக்க இருப்பதாகவும், அதற்கான அனுமதியை பெற்றுள்ளதாகவும், அதனால் யாரும் வேலை போய்விடும் என பயப்பட தேவை இல்லை என கூறியுள்ளார்.

தொழில் நுட்ப பிரிவை சார்ந்த பெரும்பாண்மை ஊழியர்கள் தங்கள் பதவி விலகும் கடிதத்தை அளித்துள்ளனர். அவர்களில் சிலர் வேறு இடங்களில் பணிக்கான உத்தரவையும் பெற்றுவிட்டதாக தெரிகிறது. மேலும் கடந்த இரண்டு ஆண்டுகளில் 10% இங்கிரீமெண்ட் மட்டுமே தங்களுக்கு வழங்கப்பட்டுள்ளதாகவும், 1-ம் தேதி வழங்கப்பட்டு வந்த சம்பளம் இப்பிரச்சனைக்கு பின் காலதாமதமாக வழங்கப்படுவதாகவும் ஊழியர்கள் தெரிவித்துள்ளனர். இப்பொழுது எல்லா சானல்களின் செய்திக்கும் இந்த டிவி மைய இடமாக ஆகிவிட்டதால், தங்களின் நம்பகத்தன்மையை பொதுமக்களிடம் இழந்து விட்டதாகவும் நிருபர்கள் வருத்தமடைந்துள்ளனர்.

நன்றி : டெகல்கா