“ரஜினிகாந்த் ஒரு வாரத்தில் இயல்பு நிலைக்கு திரும்புவார்” – சிங்கப்பூர் டாக்டர்கள் அதிகாரப்பூர்வ அறிவிப்பு

சென்னை: ரஜினிகாந்த் இன்னும் ஒரு வாரத்தில் இயல்பு நிலைக்கு திரும்பி விடுவார் என்று சிங்கப்பூர் டாக்டர்கள் கருத்து தெரிவித்துள்ளனர்.
சிறுநீரக பாதிப்புக்காக சிங்கப்பூர் மவுன்ட் எலிசபெத் மருத்துவமனையில் கடந்த மே 28-ம் தேதி் சேர்க்கப்பட்டார் சூப்பர் ஸ்டார் ரஜினிகாந்த்.
ஏற்கெனவே அவருக்கு போரூர் ராமச்சந்திரா மருத்துமனையில் சிகிச்சை அளித்த சிறுநீரக பிரிவு நிபுணர் டாக்டர் பி.சௌந்தரராஜன், இருதய சிகிச்சை நிபுணர் டாக்டர் டி.ஆர்.முரளிதரன் ஆகியோரும் ரஜினியுடன் சிங்கப்பூர் சென்றார்கள். ரஜினிக்கு அளிக்கப்பட்ட சிகிச்சை முறைகளை அவர்கள் சிங்கப்பூர் டாக்டர்களிடம் விளக்கினார்கள்.
உடல்நிலையில் முன்னேற்றம்
அதில் திருப்தி அடைந்த சிங்கப்பூர் டாக்டர்கள், ரஜினிகாந்துக்கு மேலும் சில பரிசோதனைகளை நடத்தினார்கள். அந்த பரிசோதனையில், அவருடைய சிறுநீரக நோய்க்கான மூல காரணத்தை கண்டுபிடித்து தீவிர சிகிச்சை அளித்தார்கள்.
அதைத் தொடர்ந்து ரஜினிகாந்த் உடல்நிலையில் முன்னேற்றம் ஏற்பட்டது. அவர் சாதாரண உணவு சாப்பிடுவதாகவும், ஆஸ்பத்திரிக்குள்ளேயே ‘வாக்கிங்’ செல்வதாகவும் ஆஸ்பத்திரி வட்டாரங்கள் தெரிவித்தன.
ஒரு வாரத்தில்…
ரஜினிகாந்த் உடல்நிலை பற்றி இதுவரை அதிகாரப்பூர்வமாக எதையும் கூற மறுத்து வந்த சிங்கப்பூர் டாக்டர்கள் முதல்முறையாக கருத்து தெரிவித்துள்ளனர்.
இன்னும் ஒரு வாரத்தில் இயல்பு நிலைக்கு திரும்பி விடுவார் என்றும், பலவீனமாக இருப்பதால் அவருக்கு இனி ஊட்டச் சத்துக்கள் கொடுக்கப்படும் என்றும் மவுன்ட் எலிசபெத் மருத்துவமனை டாக்டர்கள் கூறியிருக்கிறார்கள்.
ரஜினிகாந்த் உடல்நிலையில் முன்னேற்றம் ஏற்பட்டதை தொடர்ந்து, சென்னையில் இருந்து சிங்கப்பூர் சென்ற இரண்டு டாக்டர்களும் நேற்று சென்னை திரும்பிவிட்டனர்.
-என்வழி

எப்படியோ குணமானா செரி நல்லது

நாம் கடவுளுக்கு நன்றி சொல்லவேண்டு
ஜெயகுமார்

jaya2kumar wrote:நாம் கடவுளுக்கு நன்றி சொல்லவேண்டு
ஜெயகுமார்

அவர் குணம் அடைந்தால் நாம் ஏன் கடவுளுக்கு நன்றி சொல்ல வேண்டும் அது அவர் குடும்பத்தினரின் வேலை