சச்சின் டெண்டுல்கரே சிறந்த பேட்ஸ்மென் - விவ் ரிச்சர்ட்ஸ்

டான் பிராட்மேன் ஆடுவதைப் பார்த்ததில்லை, ஆனால் பிரையன் லாராவைப் பார்த்துள்ளேன் இருப்பினும் அனைவரையும் காட்டிலும் இந்தியாவின் சச்சின் டெண்டுல்கரே சிறந்த பேட்ஸ்மென் என்று விவியன் ரிச்சர்ட்ஸ் கூறியுள்ளார்.

"டான் பிராட்மேனை நான் பார்த்ததில்லை, ஆட்டத்துடன் எனக்கு இருக்கும் இத்தனையாண்டுகால தொடர்பை வைத்துக் கூறும்போது சச்சின் டெண்டுல்கரை விட சிறந்த பேட்ஸ்மெனை நான் கண்டதில்லை. சச்சின் டெண்டுல்கரை விட சிறந்த பேட்ஸ்மென் ஒருவர் இருக்கிறார் என்றால் அவர் இன்னமும் விளையாட வராதவராகவே இருக்க வேண்டும்.

என்று கூறிய ரிச்சர்ட்ஸ், பிரையன் லாரா, ரிக்கி பாண்டிங், ஜாக் காலிஸ் என்று நடப்பு கிரிக்கெட் வீரர்கள் மட்டுமல்லாது சுனில் கவாஸ்கர், ஜாவேட் மியாண்டட் ஆகியோரைக் காட்டிலும் சச்சின் டெண்டுல்கரே சிறந்த முழுமையடைந்த பேட்ஸெமென் என்று கூறியுள்ளார் ரிச்சர்ட்ஸ்.

மேற்கிந்திய தீவுகள் தொடரில் டெண்டுல்கர் பங்கேற்காதது குறித்து பதிலளித்த விவியன் ரிச்சர்ட்ஸ், "அவரது முடிவை நாம் மதிக்கவேண்டும்" என்றார்.

ஆனால் சச்சின் டெண்டுல்கர் மேற்கிந்திய தீவுகளுக்கு வந்து ஆடியிருந்தால் அது அந்த நாட்டு இளம் வீரர்களுக்கு பெரும் தாக்கத்தை ஏற்படுத்தியிருக்கும் என்றார் விவியன் ரிச்சர்ட்ஸ்.

இந்தியாவில் உள்ள கிரிக்கெட் வட்டாரத்தில் தன்னுடைய மதிப்பு இன்னமும் நிலைத்து நிற்பது மனதுக்கு நெகிழ்ச்சியளிக்கிறது என்று கூறிய விவியன் ரிச்சர்ட்ஸ்,

"ஒருநாள் நான் லண்டன் செல்லும் விமானத்தில் கவுதம் கம்பீரைச் சந்தித்தேன், கிரிக்கெட் பேட்டிங் குறித்த அவரது ஆர்வமும் கவனமும் என்னைக் கவர்ந்தது. இது போன்ற ஆர்வங்கள்தான் சில வீரர்களை மற்றவர்களிடமிருந்து தனித்துக் காட்டுகிறது. நான் உண்மையில் கம்பீர் குறித்து மகிழ்ச்சியடைந்தேன்." என்று கூறினார் விவ் ரிச்சர்ட்ஸ்.

- வெப்துனியா

வருங்கால இந்தியாவின் பயிற்சியாளர் சச்சின் தான் இன்பது மாற்றம் இல்லை
ஜெயகுமார்

சச்சின் டெண்டுல்கரே சிறந்த பேட்ஸ்மென் ...

சச்சின் டெண்டுல்கரால் இந்தியாவிற்கே பெருமைதான்.