திருப்பரங்குன்றம் கோயிலில் சுழலும் லிங்கம்: யாகசாலை பூஜைகள் இன்று துவக்கம்!

**krishnaamma** · **krishnaamma** Thu Jun 02, 2011 1:20 pm

திருப்பரங்குன்றம் : திருப்பரங்குன்றம் சுப்பிரமணிய சுவாமி கோயில் ஆஸ்தான மண்டபத்தின் மேல் பகுதியில் சுழலும் லிங்கமும், நந்தியும் வரையப்பட்டுள்ளன. கோயிலில் ஜூன் 6 காலை 6.45 முதல் 7.15 மணிவரை கும்பாபிஷேகம் நடக்கிறது. இதற்காக ஐந்து கோடி ரூபாயில் மராமத்து பணிகள் நடக்கிறது. பரிவார மூர்த்திகளின் பீடங்களில் அஷ்டபந்தன மருந்து சாத்துப்படியாகிறது. அனைத்து மண்டபங்களின் மேல் பகுதியிலும் முதல் முறையாக கமலம் வரையப்படுகிறது. ஆஸ்தான மண்படபத்தின் மேல் பகுதியில், எந்த திசையில் இருந்து பக்தர்கள் பார்த்தாலும், அவர்களை பார்ப்பது போன்ற லிங்கமும், நந்தியும் வித்தியாசமாக வரையப்பட்டுள்ளன. ராஜ கோபுரத்தில் பணிகள் முடிந்தன. மூலஸ்தானத்தில் ஏ.சி., பொருத்துதல், மேல் தளத்தில் தட்டு ஓடு பதித்தல், சில மண்டபங்களில் தூண்களில் உள்ள சுவாமி சிலைகளில் மராமத்து பணிகளும் நடக்கின்றன. யாசாலை பூஜைகள் இன்று துவக்கம்: யாகசாலை பூஜைகளுக்காக 80 குண்டங்கள், ஒரு பிரதான வேதிகை மற்றும் ஐந்து வேதிகைகளுடன் மூன்று யாகசாலைகள் அமைக்கப்பட்டுள்ளன. இன்று மாலை ஆறு மணிக்கு துவங்கும் யாகசாலை பூஜைகள், தினம் இரண்டு காலம் நடக்கிறது. கும்பாபிஷேக தினமான ஜூன் 6 அதிகாலை 4.30 மணிக்கு எட்டாம் கால யாகசாலை பூஜைகள் பூர்த்தி செய்யப்பட்டு, காலை 6.45 முதல் 7.15 மணிக்குள், ராஜ கோபுர கலசங்கள் மற்றும் வல்லப கணபதி, கோவர்த்தனாம்பிகை விமானங்களில் புனிதநீர் ஊற்றி கும்பாபிஷேகம் நடக்கிறது. இரவு 7 மணிக்கு பஞ்ச மூர்த்திகள் புறப்பாடாகின்றனர்.

திருப்பரங்குன்றம் கோயிலில் சுழலும் லிங்கம்: யாகசாலை பூஜைகள் இன்று துவக்கம்!

திருப்பரங்குன்றம் கோயிலில் சுழலும் லிங்கம்: யாகசாலை பூஜைகள் இன்று துவக்கம்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக