14 மன்வந்திரங்களும், மனுக்களும் இந்திரர்களும்:

by ஆத்மசூரியன் Wed Jun 01, 2011 10:36 pm

14 மன்வந்திரங்களும், மனுக்களும் இந்திரர்களும்:

இந்து மத சாஸ்திரங்களில் ஆயிரம் சதுர் யுகங்கள் சேர்ந்த காலம்
ஒரு கல்பம் என்று கூறப்படுகிறது. இந்த ஒரு கல்ப காலத்தில் 14 மனுக்கள்
தங்கள் ஆட்சியை
நடத்துவர் என்று கூறப்படுகிறது. ஒரு மனு தன் ஆட்சியை நடத்தும் காலம் ஒரு
மன்வந்திரம் ஆகும். ஒரு மன்வந்திர காலம் முடிந்தவுடன் பிரளயம் ஏற்பட்டு
உலகம் அழிந்து விடும்
என்றும் பின் புதிய மனு(மனு என்பவர் மனித குலத்தின் முதல் மனிதர் ஆவார்.)
தோன்றி மானிட
குலம் மீண்டும் உதயமாகும் என்றும் கூறப்படுகிறது. ஒவ்வொரு
மன்வந்திரத்திலும் ஒவ்வொரு
இந்திரர் தன ஆட்சியை கொண்டிருப்பர்.அந்த மன்வந்திரம் முடிந்தவுடன் வேறொரு
இந்திரர் ஆட்சிக்கு வருவார் என்றும் கூறப்படுகிறது. இப்போது நடைபெறும்
கல்பத்தில் 6 மன்வந்திரங்கள் ஏற்கனவே முடிந்து விட்டதாகவும் இப்போது
நடைபெறும் ஏழாவது மன்வந்திரத்தில் வைவஸ்த மனு மனுவாகவும் புரந்தரன்
இந்திரனாகவும் இருப்பதாக புராணங்கள் குறிப்பிடுகின்றன. இப்போது நடைபெறும்
கல்பத்தில் ஆட்சி செய்யும் மனுக்கள் மற்றும் இந்திரர்கள் பெயர்கள் பாகவத
புராணத்தில் பின்வருமாறு குறிப்பிடப்பட்டுள்ளது.

மன்வந்திரம் மனு இந்திரர்

1 சுயம்பு, இந்திரன்

2 . ச்வாரோசிஷன், ரோசன்

3 . உத்தமன், சத்யஜித்

4 . தபாசன், திரிசிகன்

5 . ரைவதன், விபு

6. சாசூசன், மந்திரதுருமன்

7 . வைவஸ்த மனு, புரந்தரன்

8 . சாவர்ணி, மகா பலி

9 . தசாசாவர்ணி, சுரதன்

10 . பிரம்மா சாவர்ணி, சம்பு

11 . தர்மசாவர்ணி, வைதிருதி

12 . ருத்ர சாவர்ணி, ருது சாமவே

13 . தேவ சாவர்ணி, திவஸ்பதி

14 . இந்திரசாவர்ணி, சுகி

மன்வந்திரங்கள்,கல்பங்கள் தொடர்பான முழு விவரங்கள் மற்றும் கால அளவுகள்
என்னுடைய முந்தைய பதிவான யுகங்களின் கணக்கீட்டில் கொடுக்கப்பட்டுள்ளது.