நல்ல தமிழ் அறிவோம் - நாலடியார்

by சதாசிவம் Wed Jun 01, 2011 8:10 pm

[You must be registered and logged in to see this image.]

நம்முடைய குணங்களை அறிந்து பழகும் பெரியவர்களின் நட்பு என்றும் நுனிக்கரும்பு முதல் அடிக்கரும்பு வரை சுவைப்பது போல் (முதலில் லேசாக கசந்தாலும், போகப் போக அது இனிக்கும்) இருக்கும். ஆனால் தீயவர்களின் நட்பு அதற்கு நேர் மாறாக இருக்கும்.

[You must be registered and logged in to see this image.]

நமக்கு பல நண்பர்கள் இருக்கிறார்கள், ஆனால் அனைவரின் நட்பும் ஒன்று போல் இல்லை. இந்த பாடல் , ஒவ்வொரு நட்பின் தரத்தை கூறுகிறது.

"நட்பில் கடைசியில் உள்ளவர்கள் (கூடாத நட்பு) பாக்கு மரத்தை போன்றவர்கள்
இரண்டாம் இடத்தில் இருப்பவர்கள் தென்னை மரத்தை போன்றவர்கள்
முதல் இடத்தில் இருப்பவர்கள் பனை மரத்தை போன்றவர்கள் "

பாக்கு மரத்தை நாள் தவறாமல் பார்த்து பார்த்து பராமரிக்க வேண்டும், ஒரு நாள் கவனிக்கவில்லை என்றால் பலன் குறைந்து விடும். தென்னை மரம் முதல் 4 - 5 வருடங்கள் நன்றாக பார்த்து பார்த்து கவனிக்க வேண்டும். அதன் பிறகு, அது தொடர்து பலன் கொடுக்கும் .

பனை மரத்தை நாம் நடுவதில்லை, எங்கோ ஒரு நாள் சாப்பிட்டு போட்ட விதை மரமாக வளர்ந்து ஓலை, பழம், நுங்கு, பதநீர், கிழங்கு, பட்டு போன பின்பு கூட வீட்டு கூரைக்கு உத்திரம், தூண் ஆகியவையாக பயன் படும் . இதற்கு ஒரு பராமரிப்பும் இல்லை.

[You must be registered and logged in to see this image.]

"முட்டாள்களின் நட்பை விட பகை மேலானது.
கடும் நோயில் துன்பப்படுவதை விட சாதல் மேலானது.
நல்ல நண்பர்களின் கடும் சொற்கள் என்றும், நம்மை நல் வழிப்படுத்தும்
ஆதலால் தீய நட்பின் புகழை விட நல்ல நண்பர்களின் இகழ்ச்சி நல்லது."