புதிர் - தொப்பி

First topic message reminder :


மூன்று மேதாவி நண்பர்கள் ஒரு ஊரில் இருந்தார்கள். மூவரும் ஒருவருக்கொருவர் சளைத்தவர்கள் அல்ல. ஒரு நாள் அம்மூவருக்கும் ஒரு போட்டி வைக்கப்பட்டது.
போட்டியின்படி மூவரும் வரிசையில் ஒருவர் பின் ஒருவராக நிறுத்தப்படுவர். அவர்களிடம் ஐந்து தொப்பிகள் காட்டப்படுகிறது. அதில் மூன்று சிகப்புத் தொப்பிகள், இரண்டு பச்சை தொப்பிகள். போட்டியின் விதிமுறை என்னவென்றால் மூவரது கண்களும் கட்டப்படும், அவர்கள் தலையில் மூன்று தொப்பிகள் வைக்கப்படும், மீதமுள்ள இரண்டு தொப்பிகள் மறைத்து வைக்கப்படும். தற்போது கடைசியில் உள்ளவரிடமிருந்து வரிசையாக ஒவ்வொரு கண்கட்டும் அவிழ்க்கப்படும். ஒவ்வொருவரும் தனக்கு முன் நிற்போரின் தொப்பியை பார்க்க முடியும். அதனை வைத்து தன் தலையில் உள்ள தொப்பியின் நிறத்தை கண்டு பிடிக்க வேண்டும், முடியவில்லை என்றால் அதற்கான காரணத்தை கூற வேண்டும். இதன்படி கடைசியில் நிற்கும் மேதாவியின் (C) கண்கட்டு அவிழ்க்கப்படுகிறது. அவர் தனக்கு முன்பு நிற்கும் இருவரின்(B and A) தொப்பிகளின் நிறத்தை காண்கிறார் பிறகு தன் தொப்பியின் நிறம் தெரியவில்லை என்று கூறுகிறார். இதே போன்று நடுவில் நிற்கும் மேதாவியின் (B) கண்கட்டு அவிழ்க்கப்படுகிறது. அவர் தனக்கு முன்பு நிற்கும் ஒருவரின்(A) தொப்பியின் நிறத்தை காண்கிறார் பிறகு தன் தொப்பியின் நிறம் தெரியவில்லை என்று கூறுகிறார். முதலில் நிற்கும் மேதாவி(A) இவர்கள் இருவர் கூறிய பதிலில் இருந்து தன் தலையில் இருக்கும் தொப்பியின் நிறம் சிகப்பு என திட்டவட்டமாக கூறுகிறார். முதலில் நிற்கும் மேதாவி(A) எதனை வைத்து அவ்வாறு உறுதியாக கூறினார் என்பதே புதிருக்கான கேள்வி?

நியாஸ் அஷ்ரஃப் wrote:மூன்றாமவர் தன் தொப்பியின் நிறத்தை கண்டறிய முடியவில்லை என்பதிலிருந்து அவருக்கு முன்னே இரண்டும் சிவப்பாகவோ அல்லது ஒரு சிவப்பு ஒரு பச்சை தொப்பியோ இருக்கலாம் என்பது தெரிகிறது.

இரண்டாமவர், மூன்றாமவர் சொன்னதன்படி நோக்கினால் அவருக்கும் தெரியும் தாமும் தமக்கு முன்னால் இருப்பவரும் இரண்டும் சிவப்பு தொப்பியாகவோ அல்லது ஒன்று சிவப்பு ஒன்று பச்சையாகவோ இருக்கலாமென்று. அப்படியென்றால் தனக்கு முன்னாலிருப்பவர் பச்சை தொப்பி அணிந்திருந்தால் அவர் நிச்சயம் தன் தலையில் சிவப்பு தொப்பி என்று எனக்கு தெரியும் என்றிருப்பார், ஆனால் முன்னாலிருப்பவரின் தலியில் சிவப்பு தொப்பி இருந்ததால் அவரால் தன் தலையில் என்ன தொப்பி என்று யூகிக்க இயலவில்லை . இதனால் தான் முதலில் இருப்பவர் தன் தலையில் நிச்சயம் சிவப்பு தொப்பி தான் என்று கூறினார்.

நியாஸ் அஷ்ரஃப் அவர்களே மிகவும் சரியான பதில், இதற்கு முன்னர் பல பேர் விடையை கொஞ்சம் கொஞ்சம் கூறியிருந்தாலும், முழுமையாக கூறிய உங்களுக்கு எனது வாழ்த்துக்கள்... மேலும் இந்த புதிரை முயற்சித்த அனைவருக்கும் எனது நன்றி மற்றும் வாழ்த்துக்கள்.