கனிமொழி, சரத் பிணை மனு மீதான தீர்ப்பு ஒத்திவைப்பு _

தி.மு.க. ராஜ்யசபா எம்.பி. கனிமொழி, கலைஞர் தொலைக்காட்சியின் நிர்வாகி சரத் குமார் ஆகியோர் தாக்கல் செய்த பிணை மனு மீதான உத்தரவை டில்லி மேல் நீதி மன்றம் ஒத்திவைத்துள்ளது.

இதனிடையே இதே 2ஜி வழக்கில் கைதாகி சிறையில் உள்ள சினியுக் நிறுவன அதிபர் கரீம் மொரானிக்கு பிணை வழங்க டில்லி மேல் நீதிமன்றம் மறுத்துவிட்டது.

முறைகேடாக ஸ்பெக்ட்ரம் பெற்ற டிபி ரியாலிட்டிஸ்வான் டெலிகாமின் துணை நிறுவனம் தான் சினியுக். இந்த நிறுவனம் கலைஞர் தொலைக்காட்சிக்கு ரூ. 214 கோடி வழ ங்கியதாக சி.பி.ஐ. குற்றஞ் சாட்டியது. இதையடுத்து அவர் பிணை வழங்கக் கோரி மனு தாக்கல் செய்தார். அதை நேற்று நீதிமன்றம் நிராகரித்துவிட்டது.

அதேபோல் இந்த ஊழல் வழக்கில் கைதாகி திஹார் சிறையில் அடைக்கப்பட்டுள்ள கனிமொழி மற்றும் கலைஞர் தொலைக்காட்சியின் நிர்வாகி சரத்குமார் ஆகியோரும் தங்களுக்கு பிணையில் செல்ல அனுமதியளிக்க வேண்டும் என்பதைக் கோரி டில்லி மேல் நீதிமன்றில் மனுவொன்றை தாக்கல் செய்தனர்.

இந்த மனு கடந்த 24 ஆம் திகதி நீதிபதி அஜீத் பரிகோக் முன்னிலையில் விசார ணை க்கு வந்த போது மனுவை விசாரித்த நீதிபதி பரிகோக், 30 ஆம் திகதியன்றுக்கு சி. பி.ஐ. இதுகுறித்து பதில் மனு தாக்கல் செய்ய வேண்டும் என்று உத்தரவிட்டு வழ க்கை ஒத்திவைத்தார்.

மேலும் இந்த வழக்கின் நிலைவர அறிக்கையையும் சேர்த்து தாக்கல் செய்ய வேண் டும், வழக்கு விசாரணை எந்த அளவில் உள்ளது என்பதையும் தெரிவிக்க வேண்டும் என் றும் நீதிபதி உத்தரவிட்டுள்ளார்.

இந் நிலையில் நேற்று காலை இந்த வழக்கு மேல் நீதிமன்றத்தில் விசாரணைக்கு வந் தது. இதற்காக கனிமொழி, சரத்குமார் இருவரும் சிறையில் இருந்து அழைத்து வரப் பட்டு டில்லி நீதிமன்றத்தில் ஆஜர்படுத்தப்பட்டனர். அப்போது கனிமொழியை ராஜா த்தி அம்மாள் சந்தித்துப் பேசினார். அவருடன் கனிமொழியின் மகன் ஆதித்யாவும் வந்திருந்தார். மேலும் கனிமொழியின் கணவர் அரவிந்தன் மற்றும் நடிகை குஷ்பு ஆகியோரும் அங்கு வந்திருந்தனர். அவர்களுடன் கனிமொழி சிறிது நேரம் பேசிக் கொண் டிரு ந்ததாக தெரிகிறது.

இதனிடையே நீதிபதி பரிகோகே முன்னிலையில் பிணை மனு மீதான விசாரணை நடந் தது. பின்னர் இந்த மனு மீதான தீர்ப்பை நீதிபதி ஒத்தி வைத்தார்.