நிராகரிக்கப்பட்ட கடவுளின் இலக்கியம்..

by **rameshnaga** Wed Jun 01, 2011 3:13 pm

அழுக்கு நிலங்களிலும், தெருவின் நடைபாதைகளிலும் ,
கசியும் உப்பின் மணத்திலும்..
நேற்றே வீணாகிவிட்ட பழைய சோற்றின் வாசனையிலும்,
மகிழும் நிராகரிக்கப்பட்டவர்களினூடே---
வாழ்ந்து கொண்டிருக்கிறது ..
ஒரு படித்தறியப்படாத இலக்கியம்.
வலிகளும், சந்தோஷங்களும் எப்பொழுதும்-
அதீதமாய் அறியப்படும் அவர்களின் வாழ்வின் மொழி..
"நாளை"-என்ற வார்த்தை அற்றுத் திரிகிறது.
எதையும் தேடுவதும் சேர்த்தலும் அற்ற-
வாழ்க்கையில் உயிர்க்கிறது கடவுளின் மேன்மை.
யாராலும் படித்தறியப்படாமலே
வீதியில் கிடக்கிறது நிராகரிக்கப்பட்ட கடவுளின் இலக்கியம்.

by **rameshnaga** Fri Jun 03, 2011 11:19 am

படித்துப் பார்த்து பதிவு செய்யுங்களேன் உங்களின் மேலான கருத்தை !
அன்புடன் ரமேஷ்!

by நியாஸ் அஷ்ரஃப் Fri Jun 03, 2011 12:24 pm

உங்களின் ஒவ்வொரு கவிதையும் ஏதோ ஒன்றை உரைக்க வருகிறது, அகன்ற சிந்தனையும் ஆழமான வரிகளும் வரிகளினூடே ஊர்ந்து செல்லும் கருத்தின் பலமும் கவிதையை மிகச் சிறப்பாய் காட்டுகிறது. தொடர்ந்து எழுதுங்கள்.. வாழ்த்துக்கள்..
நிராகரிக்கப்பட்ட கடவுளின் இலக்கியம்.. 2825183110

நிராகரிக்கப்பட்ட கடவுளின் இலக்கியம்.. 2825183110

by **rameshnaga** Fri Jun 03, 2011 12:35 pm

அன்புள்ள நியாஸ் அஷ்ரஃப் .,
உங்களின் மனம் திறந்த பாராட்டுதல்களுக்கு நன்றி!
உங்களின் பாராட்டுதல்கள் எனது எழுத்துத் தகுதிக்கு
மிகவும் கூடுதலே ஆயினும், உங்களின் எதிர்பார்ப்புக்குத்
தகுந்த படி எனது வரும் கவிதைகளை எழுத முயற்சிக்கிறேன்!
ரொம்பவும் நன்றி அஷ்ரஃப் சார்!
அன்புடன் ரமேஷ்!

by **ayyamperumal** Tue Nov 03, 2015 2:32 pm

rameshnaga wrote:
எதையும்
தேடுவதும் சேர்த்தலும் அற்ற-
வாழ்க்கையில்
உயிர்க்கிறது கடவுளின் மேன்மை!
யாராலும் படித்தறியப்படாமலே
வீதியில் கிடக்கிறது
நிராகரிக்கப்பட்ட கடவுளின் இலக்கியம்!!.

மேற்கோள் செய்த பதிவு: 544331

ஏழையின் சிரிப்பில் இறைவனை காண் என்பார்கள். ஏழைகளின் வாழ்க்கையில் இலக்கியத்தை தேடும் உங்களது தேடல் என்னை ஈர்க்கிறது ரமேஷ் நாகா!